Azərbaycan mədəniyyətinin inkişafında Heydər Əliyev simasının rolu böyükdür. Onun qayğı və diqqəti sayəsində Azərbaycan mədəniyyəti inanılmaz dərəcədə inkişaf etmiş və əldə etdiyi nailiyyətlərlə dünya dövlətləri ilə müqayisədə ön sıraları tutmuşdur.
12 dekabr tarixində Ulu Öndər Heydər Əliyevin 15 illik anım günü ilə əlaqədar
Leopold və Mstislav Rostropoviçlərin ev- muzeyində açıq qapı günü qeyd olundu. Muzeydə hər iki şəxsiyyətə aid zəngin arxiv mövcuddur. Orada nadir fotoşəkillər, DVD materiallar, bu iki şəxsiyyətin böyük dostluğunu əks etdirən əlyazma məktublar və başqa qiymətli əşyalar yer alır. Ekspozisiyada yer alan əlyazma məktublarında Maestro yaxın dostu H.Əliyevin sağlamlığı barədə duyduğu nigarançılıq və narahatını dilə gətirib.
L. və M.Rostropoviçlərin ev muzeyində nəinki bu gün, hər il mütəmadi olaraq doğum və anım günləri yüksək səviyyədə keçirilir, onların dərin dostluq münasibətlərini açıqlayan elmi məqalələr, mühazirələr oxunur, muzeyin zəngin fondundan çıxarılmış şəkillərdən ibarət slayd şou və filmlər nümayiş etdirilir. Hətta bu iki dahi şaxsiyyətin münasibətlərinə həsr olunmuş ayrıca tematik ekskursiya mətni də var.
Gün ərzində muzeyə gələn Asəf Zeynallı adına Musiqi kollecinin, Bülbül adına Orta İxtisas Musiqi Məktəbinin, İncəsənət Gimnaziyasının şagird və müəllim heyyətinə 3 dildə (azərbaycan, rus , ingilis) ekskursiyalar təşkil olundu, muzeyin zəngin kino fondunda yer alan məşhur kino rejissor T.Aşumovanın “Slavanın 5 günü” ( 5 Дней Славы), Ziya Şıxlınskinin Maestroya həsr etdiyi unikal “Doğma Diyar” ( Нет Земле Родней) filmi nümayiş olundu. Həmin filmdə bir çox maraqlı kadrlar yer alır. Belə kadrlardan biri Maestronun 70 illik yubileyi zamanı lentə alınıb.
1997-ci ildə Bakıya gələn M.Rostropoviç, 70 illik yubileyi mərasimi öncəsi Ulu Öndər H.Əliyevlə təkbətək görüşündə, qaçqınların gələcək taleyi ilə bağlı sual verdi, Ümmumilli lider H.Əliyev isə cavabında: Bu sadəcə sağalmaz bir sual deyil daim göynəyən yaradır, baxmayaraq ki, aprel ayında ürəyimdən cərrahi əməliyyat keçirtmişəm və o yara sağalıb, amma qaçqınların gələcək taleyi və vəziyyəti, 20% torpaqların düşmən tapdağı altında qalması ilə bağlı yaram sağalmaq bilmir, gecə və gündüz göynəyir”.
Maraqlı ekskursiya sonunda muzeyə gələn ziyarətçilər açıq qapı günü ilə bağlı öz təəssüratlarını rəy kitabına qeyd etdilər.