“Luç” Ədəbi-Yaradıcılıq Birliyinin üzvləri ilə görüşlərin və kitab təqdimatlarının keçirilməsi” layihəsi çərçivəsində gənc yazar Gülnur Aslanın “Anqelos” kitabının təqdimatı keçirilib
Azərbaycan Respublikası Mədəniyyət və Turizm Nazirliyinin İş planına müvafiq olaraq YAP Binəqədi rayon təşkilatının İnzibati binasının Konfrans zalında Mədəniyyət və Turizm Nazirliyi, YUNESKO-nun “İnformasiya hamı üçün” proqramının Azərbaycan Komitəsi, YAP Binəqədi rayon Təşkilatı, Bakı Şəhər Mədəniyyət və Turizm Baş İdarəsi, “Luç” Ədəbi-Yaradıcılıq Birliyi və Binəqədi rayon Mərkəzləşdirilmiş Kitabxana Sisteminin təşkilatçılığı ilə Azərbaycan Yazıçılar Birliyinin üzvləri olan gənc yazarlarla görüş və kitab təqdimatı keçirilmişdir
Tədbirdə fəal ictimai fəaliyyətdə olan gənc yazar, şairə “Mir lyudey” şeirlər məcmuəsinin və “Anqelos” romanının, Azərbaycan estradasında bir sıra məşhur mahnıların sözlərinin müəllifi Gülnur Aslanın yaradıcılığı haqqında söhbət açılmış və “Anqelos” kitabının təqdimatı keçirilmişdir.
Binəqədi rayon MKS-inin fəal oxucularının ifasında Gülnur Aslanın “Obşie çertı” (Elmira Babayeva), “Çitatelyu” (Fərid Cavadzadə) və “Çeloveçek” (Nərmin Sarıyeva) şeirləri səsləndirilmişdir.
Tədbirdə “Luç” Ədəbi-Yaradıcılıq Birliyinin üzvləri olan gənc yazarlar Marina Mürsəlova, Bəxtiyar Cəfərov, Camalə Təbib, Aynel Aydayeva, Lalə Məmmədova, Məryəm Kamilli, Leyla Qurbanova, Ləman Bağırova, Nailə Nadir, Tatyana Nağıyeva, Səbinə Vəlibəyova, Səidə Sübhi, Salehə Əliyeva, Marat Şəfiyev, Ələddin Yaqubov və başqaları iştirak etmişlər.
Tədbirdə Azərbaycan Respublikası Mədəniyyət və Turizm Nazirliyinin Kitab dövriyyəsi sektorunun müdiri, YUNESKO-nun “İnformasiya hamı üçün” proqramının Azərbaycan Komitəsi sədri Lətifə Məmmədova, Yeni Azərbaycan Partiyası Binəqədi rayon Təşkilatının sədri Ramiz Göyüşov, YAP Gənclər Birliyi sədrinin müavini, Azərbaycan Respublikası Nazirlər Kabinetinin Humanitar və Sosial Məsələlər şöbəsinin baş məsləhətçisi, partiyanın Siyasi Şurasının üzvü Samirə Quliyevə, “Luç” Ədəbi-Yaradıcılıq Birliyinin sədri, professor Tofiq Məlikli, yazıçı-jurnalist, bir sıra kitabların müəllifi, “Qranat” və “Vaqif” mükafatlarının laureatı Marina Mürsəlova, Azərbaycan Respublikası Prezidenti Yanında Dövlət İdarəçilik Akademiyasının professoru, tarix elmləri doktoru, yazıçı Musa Quluzadə, “Anqelos” kitabının redaktoru, tanınmış filoloq Natalya Haqverdiyeva və Azərbaycan Milli İncəsənət Muzeyinin şöbə müdiri Təranə İsgəndərova iştirak etmişlər.
Azərbaycan Yazıçılar Birliyi yanında “Luç” Ədəbi-Yaradıcılıq Birliyinin gənc üzvləri Aynel Aydayeva, Bəxtiyar Cəfərov, Leyla Qurbanova, Səidə Sübhi öz şeirlərini oxucular üçün səsləndirmişlər.
“Luç” Ədəbi-Yaradıcılıq Birliyinin üzvləri ilə görüşlərin və kitab təqdimatlarının keçirilməsi” layihəsinin əsas məqsədi gəncləri mədəni və ədəbi fəaliyyətə təşviq etmək və onların yaradıcı potensialını düzgün oriyentasiya etmək və gənc yazarları oxuculara tanıtmaqdır.
