Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1741

Mədəniyyət naziri Xalq artisti İlham Namiq Kamalı yubileyi münasibətilə təbrik edib

Yanvarın 9-da Xalq artisti, tanınmış teatr və kino xadimi İlham Namiq Kamalın anadan olmasının 70 ili tamam olur.

Azərbaycan Respublikasının Mədəniyyət naziri Əbülfəs Qarayev yubiley münasibətilə sənətkarı təbrik edib. Nazir təbrik məktubunda Xalq artistinin milli teatr sənətinin inkişafında fəaliyyətini yüksək qiymətləndirərək, ona 70 illiyi münasibətilə ən xoş arzularını çatdırıb.

“Siz respublikamızın tanınıb-seçilən, sevilən sənətçilərindən birisiniz. 50 ildən artıq bir dövrü əhatə edən dolğun yaradıcılığınız sənətsevərlərin məhəbbətini qazanmışdır”, - deyə təbrik məktubunda vurğulanır.

Qeyd olunur ki, respublikamızın teatr ictimaiyyəti istedadlı aktyorun yaradıcılığını  yaxından izləyir. Bu illər ərzində onun yaratdığı bir çox obrazlar – Xan, Müsyo Jordan, dərviş Məstəlişah (“Lənkəran xanının vəziri”, “Müsyo Jordan və dərviş Məstəlişah”, M.F.Axundzadə), Səfər (“Əks-səda”, N.Xəzri), Qubad, Cəmil, İran şahzadəsi (“Bağlardan gələn səs”, “Unuda bilmirəm”, “Xurşidbanu Natəvan”, İ.Əfəndiyev), Firuz, Lağlağı, Tarik Tərlan (“Şəhərin yay günləri”, “Sizi deyib gəlmişəm…”, “Adamın adamı”, Anar), Camal (“Nişanlı qız”, S.Rəhman), Canəli (“Qarabağ əfsanəsi”, Q.Rəsulov), Narçın (“Qanlı Nigar”, S.Şendil), Kinto, Doktor Qaratay (“Knyaz”, “Afət”, H.Cavid), Kişi (“Mənim ərim dəlidir”, Elçin), Zaman Həsənli (“Bu dünyanın adamları” N.Orucov), Sarı (“Varlı qadın”, Ə.Əmirli), Mərcan bəy (“Ər və arvad” Ü.Hacıbəyli) və başqa rollar maraqla qarşılanıb.

Minlərlə kinosevər sənətkarı İlqar (“Qaynana”), Əbdürrəhman (“Qəribə adam”), Jurnalist (“Uzun ömrün akkordları”), Əli (“Qızıl qaz”), Anar (“Bəyin oğurlanması”) kimi kino qəhrəmanlarının adı ilə də tanıyır və sevir.

Təbrik məktubunda daha sonra deyilir: “Əminəm ki, bundan sonra da qazandığınız bilik və təcrübənizi bölüşəcək, milli mədəniyyətimizin inkişafında öz dəyərli xidmətlərinizi əsirgəməyəcəksiniz. Sənətdə əldə etdiyiniz nailiyyətlərə görə Siz ən yüksək fəxri adlara və mükafatlara layiq görülmüsünüz. Yüksək təltifləriniz Sizi tanıyıb sevənlərin qəlbini bu gün də qürurlandırır.

Bu fərəhli gündə anadan olmağınızın 70 illiyi münasibətilə Mədəniyyət Nazirliyinin kollektivi və şəxsən öz adımdan Sizi ürəkdən təbrik edir, möhkəm cansağlığı, uzun ömür, yeni yaradıcılıq uğurları arzulayıram”.

 

XƏBƏRLƏR

31.05.2020 10:03
Milli Kitabxana “Azərbaycan Xalq Cümhuriyyəti” adlı elektron məlumat bazasını təqdim edib
28.05.2020 14:55
"Şərqin ilk demokratik respublikası" mövzusunda videokonfrans keçirilib
28.05.2020 13:40
Gözəl mahnı möhtəşəm ifada
28.05.2020 13:38
Azərbaycan bəstəkarlıq məktəbinin görkəmli nümayəndəsi - Firəngiz Əlizadə
27.05.2020 16:35
İrəvan Teatrı Respublika Günü münasibətilə videokonfrans keçirib
27.05.2020 13:33
“Unudulmayanlar” layihəsinin onlayn mühazirəsi Hüseynqulu Sarabskiyə həsr edilib
23.05.2020 17:48
"15 İyun - Milli Qurtuluş Günü"nə həsr olunmuş müsabiqə elan edilib
23.05.2020 17:33
Peşə etikasının yeni prinsipləri
23.05.2020 17:02
Beynəlxalq Muğam Mərkəzində gənc ifaçıların konserti təqdim edilib
23.05.2020 16:18
“Global message” adlı virtual sərgi keçirilib
23.05.2020 16:13
Beynəlxalq Muğam Mərkəzi "Qədim alətlərimiz" rubrikasından Şahrud aləti haqqında mühazirəni təqdim edib
22.05.2020 14:56
Seyid Əzim Şirvaninin qəzəllərinin özbək dilinə tərcüməsi başa çatıb
22.05.2020 14:32
“Koronavirus: yeni mədəni paradiqmalar” beynəlxalq videokonfrans
22.05.2020 10:31
“Qədim alətlərimiz” rubrikasından şahrud aləti haqqında mühazirə təqdim edilib
20.05.2020 18:56
Mədəni konsaltinq xidmətləri davam edir
20.05.2020 18:48
“Müsyo Jordan və dərviş Məstəli şah” tamaşası bu dəfə onlayn göstəriləcək
20.05.2020 15:10
Azərbaycan Respublikası Mədəniyyət Nazirliyi yanında Kino Şurası yaradılıb
20.05.2020 14:42
“AZƏRBAYCANIM” III Respublika Uşaq Rəsm Festivalı çərçivəsində elan olunmuş müsabiqə üçün qeydiyyat başa çatıb
20.05.2020 10:53
Səsi və ifası ilə yaddaşlarda yaşayan Həqiqət Rzayeva
19.05.2020 17:49
Mədəniyyət Nazirliyində videokonfrans keçirilib