Mərkəzi kitabxanaların nəzdində fəaliyyət göstərən “Amerika guşələri”nin silsilə tədbirləri
Gəncə şəhər, habelə Salyan, Kürdəmir və Xaçmaz rayon mərkəzi kitabxanalarında Azərbaycan Respublikasının Mədəniyyət və Turizm Nazirliyi ilə ABŞ-ın Azərbaycan Respublikasındakı Səfirliyi arasında “Amerika guşələri” proqramı çərçivəsində Memoranduma uyğun olaraq 2017-ci ilin dekabr ayında tədbirlər təşkil edilmişdir.
Salyan rayon Mərkəzi Kitabxanasında "Texnologiya saatı" təşkil olunmuşdur. ABŞ-ın Azərbaycandakı Səfirliyinin əməkdaşı Tereza Dikson və Bakı Amerika Mərkəzinin əməkdaşı Şölə Eminbəyli 3D printer, robotlar, elektron innovativ intellektual oyunlar və digər avadanlıqlar haqqında tədbir iştirakçılarına məlumat verdilər və onların suallarını cavablandırdılar.
Kürdəmir rayon Mərkəzi Kitabxanasında fəaliyyət göstərən “Amerika güşəsi”ndə də Texnologiya aylığı çərçivəsində tədbir keçirilmişdir. Texnologiya saatında Səfirlik tərəfindən gətirilmiş avadanlıqlar “Amerika güşəsi”nin bütün istifadəçi və qonaqlarına təqdim olundu və həmin avadanlıqlar haqqında qonaqlara geniş məlumat verildi. Tədbir iştirakçıları texnologiya və innovasiyalar haqqında məlumat aldılar, gətirilmiş avadanlıqlardan istifadə edib, praktiki təcrübə keçdilər. Müxtəlif təqdimatlar və oyunlar tədbir iştirakçılarının marağına səbəb oldu.
Bundan başqa, Kürdəmir rayon Mərkəzi Kitabxanasının “Amerika guşəsi”ndə ABŞ-ın donanma kapitanı və NASA-nın keçmiş qadın astronavtı Haydi Stefanişin-Payper ilə görüş təşkil edildi.
Görüş astronavt Haydi Stefanişin-Payperin hazırladığı “Mənim əhvalatım” adlı videoçarxın təqdimatı ilə başladı. Astronavtın məktəb illərindən başlayaraq ordudan tərxis olunanadək dövrü, xüsusən kosmosa uçduğu 12 və 16 günlük iki səfərini əks etdirən foto-şəkillər iştirakçılar tərəfindən maraqla qarşılandı. Riyaziyyatı çox sevdiyini, universitetdə mühəndis ixtisasına yiyələndiyini, hərbi dəniz qüvvələrində sualtı gəmilərin təmiri sahəsində çalışdığını, sonra isə NASA-ya getdiyi haqqında danışan qonaq kosmosa uçuşlarını və burada qarşılaşdığı maraqlı epizodları xatırlatdı. Şəkillər üzərində şərhlər verən qonaq kosmosdan planetin gözəlliyinin daha aydın görməsini vurğulayaraq sonradan yenidən hərbi dəniz qüvvələrinə qayıtdığını və oradan tərxis olunduğunu bildirdi. Astronavt Haydi Stefanişin-Payper özü, ailəsi və kosmosa səfəri ilə əlaqədar iştirakçıları maraqlandıran sualları cavablandı. İndiyədək 500 nəfərə yaxın adamın kosmosa uçduğunu, onlardan 35-i qadın kosmonavt olduğunu qeyd etdi.
Sonda qonaq iştirakçılarla xatirə şəkili çəkdirdi.
Kürdəmir “Amerika guşəsi”ndə ingilis dili tədris köməkçisi Braden Alihsan ilə də görüş təşkil edildi. Tədbirdə məktəblilər, müəllimlər və gənclər iştirak etdilər. Tədbir zamanı ingilis dili tədris köməkçisi Braden Alihsan “ABŞ-da bayramlar” mövzusunda təqdimatla tədbir iştirakçılarına Amerikada qış aylarında keçirilən bayramlar haqqında geniş məlumat verdi.
Amerikalıların qış bayramları ilə bağlı adət-ənənələrindən, bayramların tarixindən söhbət açıldı və uşaqları maraqlandıran suallar cavablandırıldı.
Gəncə şəhər Mərkəzi Kitabxanasında fəaliyyət göstərən “Amerika guşəsi”ndə müxtəlif mövzuları əhatə edən MOOC kursları - təcrübə zamanı verilənlərin analizi və nəticə çıxarmağın yolları və bütün bunları – (Technology, Engineering and Math) elmlərin ( texnologiya, mühəndislik və riyaziyyat) zəngin konsepsiyalarını öyrənməklə "Business- English " inkişafı üçün oxucular yeni biliklər əldə etdilər. Təcrübəni MOOC təliminin - Pensilvaniya Universitetinden sertifikat almış Həlimə Fətəliyeva aparırdı. İki gün davam edən təlimdən sonra iştirakçılar sertifikatlarla təmin olundular. Mary Boehmer - İngilis dili tədrisçisi "ABŞ-da Bayramlar" mövzusunda təqdimat etdi. Təqdimatdan sonra iştirakçılar Azərbaycanın milli bayramları haqqında bildiklərini qonaqla bölüşdülər, günün ikinci yarısında qonaq ingilis dili müəlimləri ilə görüşərək fikir mübadiləsi apardılar.
Memorandum əsasən Gəncə şəhər Mərkəzi Kitabxanasındakı “Amerika guşəsi“ ictimai informasiya və müvafiq proqram, belə ictimaiyyət üçün ingilis dili klublarının sistemli təşkili, maarifləndirmə məqsədi ilə geniş ictimaiyyət üçün mədəni proqramların keçirilməsi, ABŞ-da təhsil ilə bağlı müxtəlif təqdimatların, fərdi və qrup şəklində məsləhətlərin verilməsi, Bakı Amerika Mərkəzində və başqa yerlərdə keçirilən təhsil və iş yarmarkaları haqqında məlumatların verilməsi, ingilis dili müəllimləri üçün İnternet şəbəkəsi vasitəsilə ABŞ-dan birbaşa vebinarların, distant seminarların keçirilməsi nəzərdə tutur. Bununla yanaşı, müxtəlif proqramlar çərçivəsində ABŞ-da təhsil və təcrübə keçmiş məzunlarla maarifləndirici proqramların həyata keçirilməsi planlaşdırılır.
Xaçmaz rayon Mərkəzi Kitabxanasında fəaliyyət göstərən “Amerika guşəsi”ndə İngilis dili Tədris köməkçisi (English Teaching Assistant, ETA) James [Ceyms] Nadelin təqdimatı keçirildi. Təqdimatda natiq ABŞ-da həyata keçirilən bayramlar haqqında ətraflı məlumat verdi. Tədbirin sonunda J.Nadel tədbir iştirakçılarının suallarına cavablandırdı. ABŞ bayramları haqqında aldıqları ətraflı və maraqlı məlumatlara görə iştirakçılar natiqə təşəkkürlərini bildirdilər.
“Amerika guşələri”ndə 2018-ci ildə də davam etdiriləcəkdir.