Mərkəzi İncəsənət Məktəbində Holokost Qurbanlarının Anım Günü ilə əlaqədar tədbir keçirildi
Qara Qarayev adına Mərkəzi İncəsənət məktəbində Holokost soyqırımının 75-ci ildönümünə həsr edilmiş tədbir keçirildi. Məktəbin foyesində Qara Qarayev adına Mərkəzi İncəsənət məktəbi, 3 və 5 nömrəli uşaq incəsənət məktəbləri, F.Əmirov adına 6 nömrəli Onbirillik İncəsənət Məktəbinin rəssamlıq sinfi şagirdlərinin əl işlərindən ibarət “Müharibə istəmirik!” mövzusunda sərgi açılıb.
Tədbirdə İsrail dövlətinin səfir müavini Arital Rosenberg, İsrail konsulluğunun əməkdaşları, Bakı və Azərbaycan Yeparxiyası pravoslav dini təşkilatının baş keşişi Konstantin Pominov, Dağ Yəhudiləri Dini İcmasının sədri Milix Yevdayev, Bakı Beynəlxalq Multikultiralizm Mərkəzinin icraçı direktoru Rəvan Həsənov, Dini qurumlarla iş üzrə Dövlət Komitəsinin sədr müavini Gündüz İsmayılov, Veteran Tankçılar Birliyinin Sədri Hacı Əzimov, Bakı şəhər incəsənət məktəblərinin direktorları, digər qonaqlar iştirak edib.
Məktəbin direktoru, Əməkdar artist Əziz Qarayusiflinin çıxışı ilə başlanan tədbirdə, qonaqlar soyqırım haqqında, onun dəhşətləri haqqında fikirlərini bölüşdülər.
Sonda Mərkəzi İncəsənət məktəbinin şagirdlərinin ifasında konsert proqramı təqdim edildi.