Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
661

Mingəçevir Dövlət Dram Teatrının 50 illik yubileyi qeyd olundu

Oktyabrın 17-də Mingəçevir Dövlət Dram Teatrının 50 illik yubileyi təntənəli şəkildə qeyd olundu.

Tədbirdən öncə mədəniyyət naziri Əbülfəs Qarayev, nazirin birinci müavini Vaqif Əliyev, şəhər İcra Hakimiyyəti başçısının səlahiyyətlərini icra edən İlham İsmayılov, teatr ictimaiyyətinin nümayəndələri Heydər Əliyev Mərkəzinin qarşısında ulu öndərin abidəsini ziyarət etdilər. Abidə önünə tər çiçək dəstələri düzüldü.

Tədbir iştirakçıları daha sonra Mingəçevir Dövlət Dram Teatrının foyesində sənət ocağının fəaliyyətinə həsr olunmuş foto sərgiyə baxdılar.

Mərasimdə çıxış edən mədəniyyət naziri Əbülfəs Qarayev ölkəmizdə mədəniyyət, incəsənət sahəsinə göstərilən dövlət qayğısından danışdı. Nazir qeyd etdi ki, 2006-cı ildə teatr fəaliyyəti haqqında qanunun qəbul edilməsi, 2007-ci ildə ölkə başçısının “Azərbaycan teatr sənətinin inkişaf etdirilməsi haqqında” sərəncam imzalaması, “Azərbaycan teatrı 2009-2019-cu illərdə" Dövlət Proqramının təsdiq edilməsi dövlətin bu sahəyə diqqətinin bariz nümunəsidir. Bildirildi ki, məhz bu mühüm sənədlərin qəbulu, dövlət proqramı bizə beynəlxalq miqyaslı tədbirlər keçirmək, teatr binalarını əsaslı təmir edib, yenidən qurmaq imkanı yaradır. Bu proses təkcə paytaxt teatrlarını deyil, həm də bölgə teatrlarını əhatə edir.

Əbülfəs Qarayev Mingəçevir Dövlət Dram Teatrının fəaliyyətindən söz açaraq kollektivin əməyini yüksək qiymətləndirdi, teatrın 50 illiyinin qeyd olunması haqqında Prezident İlham Əliyevin sərəncamını xatırlatdı: “Bu gün ölkəmizdə, mədəniyyətimizin digər sahələri kimi, teatr sənəti də inkişaf edir. Ölkə rəhbərliyi bu sahəyə xüsusi diqqət yetirir. Yubileyini qeyd etdiyimiz Mingəçevir Dövlət Dram Teatrı 1968-ci ildə yaradılıb. Sənət ocağı 1969-cu ilin martın 28-də Cəfər Cabbarlının “Almaz” əsərinin tamaşaya qoyulması ilə fəaliyyətə başlayıb. Bu illər ərzində yaradıcı kollektiv dünya və Azərbaycan dramaturgiyasından 300-ə yaxın  tamaşa hazırlayıb”.

Nazir vurğuladı ki, yarandığı gündən repertuarında milli klassik və müasir dramaturgiya nümunələrini əsas götürən Mingəçevir Dövlət Dram Teatrı Türkiyə, rus və dünya dramaturgiyasına da müraciət edib. Mingəçevir teatrı Azərbaycanda və onun hüdudlarından kənarda fəal mədəniyyət ocağı kimi tanınır. Teatr respublikamızın əksər şəhər və rayonlarına, eləcə də Türkiyə, Gürcüstan, Rusiyaya qastrol səfərləri edib, respublika festivallarının iştirakçısı və qalibi olub.

Əbülfəs Qarayev daha sonra Mingəçevir Dövlət Dram Teatrının əməkdaşlarının mükafatlandırılması haqqında Prezident İlham Əliyevin oktyabrın 16-da imzaladığı sərəncamları oxudu. Həmçinin teatrın bir neçə əməkdaşına nazirliyin fəxri fərmanını təqdim etdi.

Nazir sonda bir daha teatrın kollektivini yubiley münasibətilə təbrik edərək hər kəsə gələcək fəaliyyətlərində uğurlar arzuladı.

Mingəçevir Şəhər İcra Hakimiyyəti başçısının səlahiyyətlərini icra edən İlham İsmayılov yubiley gecəsində çıxış edərək teatrın şəhərin mədəni həyatında mühüm rolundan danışdı. Bildirdi ki, Azərbaycan teatrı böyük inkişaf yolu keçib və bu inkişafda Mingəçevir Dram Teatrının da öz yeri var. O, teatrın yubileyinin qeyd olunmasına, teatrın əməkdaşlarına mükafatların verilməsinə görə Mingəçevir sakinləri adından Prezident İlham Əliyevə öz minnətdarlığını bildirdi.

İlham İsmayılov teatrın bir neçə əməkdaşına İcra Hakimiyyətinin fəxri fərmanlarını təqdim etdi.

Daha sonra Azərbaycan Teatr Xadimləri İttifaqının sədri, Xalq artisti Azərpaşa Nemətov teatrın kollektivinə təbriklərini çatdırdı. Bildirdi ki, ənənələri olan Mingəçevir teatrı bu gün ölkə teatrları arasında öz dəsti-xətti ilə seçilir.

Azərbaycan Teatr Xadimləri İttifaqı adından teatrın bir neçə əməkdaşına fəxri fərmanlar təqdim edildi.

Yubiley gecəsi daha sonra konsert proqramı ilə davam etdi.

Qeyd edək ki, Mingəçevir Dram Teatrında ötən illərdə “Almaz” (C.Cabbarlı), “Hacı Qara” (M.F.Axundzadə), “Eşq və İntiqam”, “Laçın yuvası” (S.S.Axundov), “Həmyerlilər” (A.Məmmədov), “Fərhad və Şirin”, “Vaqif” (S.Vurğun), “Yağışdan çıxdıq yağmura düşdük” (N.B.Vəzirov), “Kəndçi qızı” (M.İbrahimov), “Cavanşir”, “Şeyx Şamil” (M.Hüseyn), “Qətl günü” (Y.Səmədoğlu), eləcə də “Ezop” (Q.Fiqeyredo), “Toros canavarı” (Ə.Nesin), “Müfəttiş”, “Evlənmə”  (N.Qoqol), “Ayrılmaq anı”  (M.Bayciyev) kimi əsərlər müvəffəqiyyətlə tamaşaya qoyulub, seyrçi rəğbətini qazanıb, mətbuatda geniş işıqlandırılıb. Hüseyn Cavidin “Ana” əsərinin tamaşası isə 2004-cü ildə Azərbaycan Teatr Xadimləri İttifaqının qərarı ilə klassik dramaturgiyanın uğurlu səhnə təcəssümünə görə “Qızıl Dərviş” mükafatına layiq görülüb.

 

 

 

XƏBƏRLƏR

16.11.2018 18:11
VII Beynəlxalq Sankt-Peterburq Mədəniyyət Forumu çərçivəsində Azərbaycan Respublikası ilə Rusiya Federasiyası arasında Birgə Bəyanat imzalanıb
16.11.2018 17:02
Ölkəmiz Çin Xalq Respublikasında beynəlxalq mədəni sənaye yarmarkasında təmsil olunur
16.11.2018 14:52
Gürcüstanın teatr xadimləri Sumqayıt Dövlət Dram Teatrında
16.11.2018 14:43
Milli Kitabxanada “Ailəliklə kitabxanaya” layihəsinin təqdimatı keçirilmişdir
16.11.2018 14:41
Özbəkistanda Azərbaycan Xalq Cümhuriyyətinin 100 illiyi münasibəti ilə möhtəşəm konsert keçirilmişdir
16.11.2018 14:38
“Ölkəmizi tanıyaq” devizi ilə keçirilən maarifləndirici tədbir
16.11.2018 12:06
Respublika Gənclər Kitabxanası tərəfindən “Azərbaycanın Milli Dirçəliş yolu” mövzusunda tədbir keçirildi
16.11.2018 12:05
Bərdə Regional Mədəniyyət İdarəsi konsert proqramı ilə çıxış edib
16.11.2018 11:38
Yalçın Rzazadənin yaradıcılığının 50 illiyi qeyd edilmişdir
16.11.2018 09:33
Görkəmli aktyor Həsən Turabovun xatirəsi anılıb
16.11.2018 09:03
Böyük Azərbaycan şairi İmadəddin Nəsiminin 650 illik yubileyinin qeyd edilməsi haqqında Azərbaycan Respublikası Prezidentinin Sərəncamı
15.11.2018 18:10
VII Beynəlxalq Mədəni Forum çərçivəsində Mədəni Proqramlar İnstitutunun rəhbərliyi ilə görüş keçirildi
15.11.2018 18:06
Mədəniyyət naziri Əbülfəs Qarayevin rəhbərliyi ilə nümayəndə heyəti VII Beynəlxalq Sankt-Peterburq Mədəniyyət Forumunda iştirak edir
15.11.2018 15:57
Musiqili Teatrda bu həftə
15.11.2018 15:38
Ölkəmiz növbəti beynəlxalq teatr forumunda iştirak edəcək
15.11.2018 15:20
Xorvatiyada keçirilən “Zeytun ağacları mədəni marşrutu” layihəsində ölkəmiz təmsil olunur
15.11.2018 13:30
Portuqaliyalı məşhur rəssam Carlos Motanın "Found and findings" adlı beynəlxalq rəsm sərgisi keçiriləcək
15.11.2018 10:47
Milli Dram Teatrı ölkəmizi beynəlxalq festivalda uğurla təmsil edib
15.11.2018 10:11
Biləsuvarda mədəniyyət işçilərinin iştirakı ilə dəyirmi masa keçirilmişdir
15.11.2018 09:47
Azərbaycan Teatr Xadimləri İttifaqı ilə Gürcüstan Teatr Cəmiyyəti arasında Əməkdaşlıq haqqında Memorandum imzalanıb
15.11.2018 09:42
Nizami Kino Mərkəzində IX “START” Beynəlxalq Qısa Filmlər Festivalının açılışı olub
15.11.2018 09:41
Nizami Kino Mərkəzində IX “START” Beynəlxalq Qısa Filmlər Festivalının açılışı olub
14.11.2018 12:47
Slovakiyalı qonaqlar Qobustan Qoruğundan xoş təəssüratla ayrılıblar
14.11.2018 12:24
“Euronews” telekanalında V Bakı Beynəlxalq Teatr Konfransı haqqında süjet yayımlanıb
14.11.2018 12:14
Həsənağa Turabova həsr olunan xatirə tədbiri keçiriləcək
14.11.2018 12:12
Mehdi Hüseynzadənin anım günü keçiriləcəkdir
14.11.2018 12:09
Bakı Uşaq Teatrı Beynəlxalq festivala iki tamaşa ilə gedib
14.11.2018 10:25
Xızıda “Yarımçıq xatirələr” filmin nümayişi təşkil olunub
14.11.2018 09:45
Bəstəkarlar İttifaqında Vasif və Rauf Adıgözəlov qardaşlarının xatirəsinə həsr olunan konsert təşkil edilib
14.11.2018 09:40
Beynəlxalq Muğam Mərkəzində növbəti tədbir Xalq artisti Baba Mahmudoğluna həsr edilib
13.11.2018 17:08
Azərbaycan stendində Türkiyənin Mədəniyyət və Turizm Nazirliyinin əməkdaşları ilə görüş keçirilib
13.11.2018 14:11
Azərbaycan Respublikasının mədəniyyət naziri Cəlilabad şəhərində vətəndaşları qəbul edəcək