Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
3353

Muzey Mərkəzində görkəmli heykəltəraş Münəvvər Rzayevanın xatirəsi anılıb

Aprelin 12-si Muzey Mərkəzində Azərbaycanın görkəmli qadın rəssamı və ilk monumentalçı heykəltəraşı, Əməkdar rəssamı Münəvvər Rzayevanın anadan olmasının 90 illiyi qeyd edilib.

Tədbir Mədəniyyət Nazirliyi və Azərbaycan Dövlət Rəsm Qalereyasının təşkilatçılığı ilə keçirilib.

Tədbiri giriş sözü ilə açan qalereyanın direktoru Qalib Qasımov Münəvvər Rzayevanın əsərlərinin əhatəsində böyüdüyünü bildirib. Azərbaycanın çox dəyərli heykəltəraşlarından olan Münəvvər Rzayevanın yaradıcılığının hər zaman ictimaiyyətin gözü qarşısında olduğunu söyləyib.

Yazıçı-publisist, filologiya üzrə fəlsəfə doktoru Şəfəq Nasir çıxış edərək deyib: “Onunla ötən əsrin 80-ci illərdən tanışam və emalatxanasında olmuşam. İctimai televiziyanın “Yadigarlar” verilişinin bir buraxılışı da Münəvvər Rzayevaya həsr olunub. Onun zəngin tərcümanı-halı Moskvada oxuduğu tələbəlik illərindən başlayıb. O, Moskvada olarkən gündəlik yazıb və düşünürük ki, onu çap etdirsək çox maraqlı olar. Onun 100-dən çox monumental əsəri var. O, yazıçıların, şairlərin obrazını yaratmağı xoşlayırdı. Hər hansı bir tanınmış insanın obrazını yaratmazdan əvvəl onun əsərlərini oxuyurdu, materiallar toplayırdı. Yaxşı olar ki, onun gündəlikləri çap olunsun, çünki burada görkəmli ədəbiyyat, mədəniyyət xadimləri haqda dəyərli məlumatlar var”.

Qeyd edilib ki, Münəvvər Rzayeva 1929-cu il iyunun 6-da Bakıda anadan olub. O, 1946-1950-ci illərdə Ə.Əzimzadə adına rəssamlıq məktəbini, 1950-1956-cı illərdə V.İ.Surikov adına Moskva Dövlət Rəssamlıq Akademiyasının “Heykəltəraşlıq” fakültəsində təhsil alıb.

Psixoloji portret ustası kimi tanınan Münəvvər Rzayeva heykəllərini əsasən qranit, mərmər, bürünc və ağac materiallarından hazırlayıb.

Heykəltəraş tanınmış sənət adamlarının, dövlət xadimlərinin və əmək qəhrəmanlarının heykəl, büst barelyeflərini işləyib. Münəvvər Rzayevanın heykəllərində hər bir detal obrazın ümumi ideyasının açılmasında mühüm rol oynayır. Onun işlədiyi Nigar Rəfibəylinin (Gəncə, bürünc, 1998, Fəxrəddin Əliyevlə birgə), Sergey Yeseninin (Mərdəkandakı muzeyində), Məhsəti Gəncəvinin (Ədəbiyyat muzeyində) heykəlləri öz emosionallığı ilə fərqlənir.

Diqqətə çatdırılıb ki, Münəvvər Rzayeva Bakıda və Azərbaycanın digər bölgələrində qoyulmuş yüzə yaxın heykəl və büstün müəllifidir.

Tədbirin təşkilatçılarına və iştirakçılarına minnətdarlığını bildirən Münəvvər Rzayevanın qızı Zemfira Mirqədirova çıxışında anası ilə bağlı xatirələrini bölüşüb.

Tədbirdə musiqi nömrələri təqdim olunub və heykəltəraşın əsərlərinin videogörüntülərindən ibarət slaydşou göstərilib.

 

XƏBƏRLƏR

22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb
22.02.2024 18:05
Süleyman Ələsgərovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.02.2024 17:43
Mədəniyyət naziri Salyanda vətəndaşların müraciətlərini dinləyib
16.02.2024 18:59
Mədəniyyət və yaradıcı sənayelər sahəsi üzrə mütəxəssislərlə görüş keçirildi
15.02.2024 09:36
Ekspert Şurasının növbəti iclası keçirilib
14.02.2024 09:24
VI Ümumdünya Mədəniyyətlərarası Dialoq Forumu Təşkilat Komitəsinin iclası keçirilib
06.02.2024 16:54
Tanınmış şair Baba Vəziroğluna “Şərəf” ordeni təqdim olunub
05.02.2024 13:57
Azərbaycan Milli Xalça Muzeyində qobelen ustası Adil Şıxəliyevin “Vətənim mənim” sərgisi açılıb
02.02.2024 14:42
Mədəniyyət naziri Türk Mədəniyyəti və İrsi Fondunun prezidenti ilə görüşüb
01.02.2024 17:53
Mədəniyyət naziri Adil Kərimli üçüncü “Yüksəliş” müsabiqəsinin qalibləri ilə görüşüb