Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1047

Nazir Əbülfəs Qarayev “Azərbaycan” qəzetinin kollektivini təbrik etdi

Sentyabrın 13-də mədəniyyət naziri Əbülfəs Qarayev “Azərbaycan” qəzetinin redaksiyasına gələrək qəzetin fəaliyyətə başlamasının 100 illiyi münasibətilə kollektivi təbrik etdi.

Tədbirdə çıxış edən qəzetin baş redaktoru, Milli Məclisin deputatı Bəxtiyar Sadıqov mətbuat orqanının fəaliyyətinə qısa nəzər saldı. Qeyd etdi ki, Azərbaycan Xalq Cümhuriyyəti tarixinin öyrənilməsində “Azərbaycan” qəzetinin də böyük rolu var. Qəzetin 1920-ci ilə qədərki saylarında Azərbaycanın ictimai-siyasi, iqtisadi və mədəni həyatı geniş əks olunub: “İlk nömrəsi 1918-ci il sentyabrın 15-də Gəncədə Azərbaycan dilində nəşr olunan qəzet azərbaycançılıq məfkurəsinin təbliğinə böyük önəm verib. 1918-1920-ci illər ərzində qəzetdə Azərbaycanın ictimai-siyasi, iqtisadi və mədəni həyatı haqqında məlumatlar dərc edilib. Mətbu orqan Azərbaycan Xalq Cümhuriyyəti Parlamentinin fəaliyyətini də geniş işıqlandırıb”.

Baş redaktor bildirdi ki, Cümhuriyyət dövründə ölkənin böyük ziyalıları - Ceyhun bəy Hacıbəyli, Şəfi bəy Rüstəmbəyli, Xəlil İbrahim və Üzeyir Hacıbəyli “Azərbaycan” qəzetinin baş redaktorları olublar. Qəzetin ilk redaktoru Üzeyir Hacıbəylinin kiçik qardaşı Ceyhun bəy Hacıbəyli idi. Qəzetin səhifələrində Üzeyir bəyin Azərbaycanın tarixinə, siyasi vəziyyətinə, iqtisadiyyatına, sənayesinə, maarif və mədəniyyətinə aid 100-dən çox məqaləsi dərc olunub.

Vurğulandı ki, C.Hacıbəyli, Ş.Rüstəmbəyli, X.İbrahimin həyatı faciəli olub. X.İbrahim 30-cu illər repressiyasında güllələnib, məzarı da bəlli deyil. Bəxtiyar Sadıqov onun İçərişəhərdə yaşadığı evə xatirə lövhəsinin vurulmasını təklif etdi. Bəxtiyar Sadıqov sonda bildirdi ki, müstəqil dövlətimizin quruculuq və inkişaf dövrünün salnaməsini öz səhifələrində əbədiləşdirən mətbu orqan Xalq Cümhuriyyəti zamanında dərc olunan “Azərbaycan” qəzetinin varisidir.

Görüşdə çıxış edən mədəniyyət naziri Əbülfəs Qarayev “Azərbaycan” qəzetinin ölkəmizin mətbuat tarixində tutduğu önəmli mövqedən danışdı, kollektivi əlamətdar yubiley münasibətilə təbrik etdi: “Azərbaycan Xalq Cümhuriyyətinin yadigarı olan “Azərbaycan” qəzeti milli dövlətçilik məfkurəsinin möhkəmləndirilməsində, xalqımızın azadlıq ideallarının, mədəniyyətinin, irsinin yaşadılması və təbliğində müstəsna rol oynayıb. Bu qəzetin işıq üzü görməsi Bakının bolşevik-daşnak işğalından azad edilməsi, müstəqil Azərbaycanın öz paytaxtına qovuşması ilə eyni günə təsadüf edir. İndi həmin şanlı tarixin təntənəli şəkildə qeyd olunması üçün paytaxtımızda böyük hazırlıq işləri görülür”.

Nazir qeyd etdi ki, dahi Üzeyir Hacıbəylinin və məsləkdaşlarının yorulmaz fəaliyyəti sayəsində nəşr olunan qəzet Xalq Cümhuriyyətinin özünütəsdiqində üzərinə düşən missiyanı layiqincə yerinə yetirib: “Cümhuriyyət tarixinin öyrənilməsində 1918-1920-ci illərdə bu qəzetdə dərc olunmuş materialların əhəmiyyətli yeri var. Cümhuriyyətin süqutundan sonra “Azərbaycan” qəzeti eyni aqibəti yaşasa da, sovet ideologiyası ziyalılarımızın azərbaycançılıq ideologiyasının təbliğ edilməsinin qarşısını ala bilmədi. Onların əksəriyyəti mühacirətdə bu məfkurənin təbliğini davam etdirdilər. Bu gün biz həmin tarixi xatırlamaqla bərabər, milli ruhlu ziyalılarımızı da minnətdarlıqla yada salırıq”. Əbülfəs Qarayev bildirdi ki, XX əsrin sonunda ölkəmiz yenidən istiqlaliyyət qazandıqdan sonra “Azərbaycan” qəzeti də fəaliyyətini bərpa edərək milli mətbuat ənənələrini uğurla davam etdirdi, müstəqilliyimizə öz layiqli töhfələrini verdi: “Ümummilli lider Heydər Əliyevin əsasını qoyduğu, Prezident İlham Əliyevin bu gün uğurla davam etdirdiyi dövlətçilik kursu, davamlı və dinamik inkişaf strategiyası “Azərbaycan” qəzetinin səhifələrində yüksək peşəkarlıqla işıqlandırılır.

“Azərbaycan” qəzetinin ölkəmizin ictimai-siyasi, sosial və mədəni həyatındakı proseslərə hər zaman fəal jurnalistika və vətəndaşlıq mövqeyindən yanaşması xüsusilə təqdirəlayiqdir. Qəzet dövrün taleyüklü məsələləri ilə bağlı dövlətçilik mənafelərinə, milli-mənəvi dəyərlərə xüsusi diqqəti ilə seçilir və bütün bunların sayəsində çağdaş mətbuatımızda özünəməxsus mövqeyə malikdir”.

Vurğulandı ki, “Azərbaycan” qəzeti həmçinin mədəniyyətimizin inkişafı və təbliğini də daim diqqətdə saxlayır. Azərbaycanın Birinci vitse-prezidenti Mehriban xanım Əliyevanın təşəbbüsü və dəstəyi ilə ölkəmizdə, eləcə də xaricdə reallaşan mədəniyyət layihələri qəzetdə geniş əksini tapır. Azərbaycanda uğurla gerçəkləşən beynəlxalq festivalların, digər irimiqyaslı mədəni tədbirlərin qəzetdə dolğun şəkildə işıqlandırılması da məmnunluq doğurur.

Nazir Əbülfəs Qarayev çıxışının sonunda bir daha qəzetin kollektivini təbrik edərək onlara gələcək fəaliyyətlərində uğurlar arzuladı.

Sonda qarşılıqlı hədiyyələr təqdim olundu.

XƏBƏRLƏR

17.06.2019 13:15
Böyük bəstəkar Arif Məlikovun Fəxri xiyabanda məzarı ziyarət olunub
17.06.2019 12:02
Qobustan Milli Tarix-Bədii Qoruğunda Yoqa və Sağlamlıq Festivalı çərçivəsində tədbir təşkil edilib
15.06.2019 11:25
Tovuzda Milli Qurtuluş günü qeyd olunub
15.06.2019 11:02
“Bölgələrdən bölgələrə” II Yaradıcılıq Festivalının yekun tədbiri keçiriləcək
15.06.2019 10:37
Azərbaycan rəssamlarının əsərlərinin ilk Respublika satış-sərgisi açılıb
15.06.2019 10:26
Xalq artisti Amaliya Pənahovanın xatirəsi anılıb
15.06.2019 10:23
Xalq artisti Bəsti Cəfərovanın 60 illik yubileyi münasibətilə “Qətibə İnanc” tamaşası nümayiş olunub
14.06.2019 16:58
Respublika Gənclər Kitabxanasında “Milli qurtuluş, milli azadlıq” mövzusunda ədəbi-bədii gecə keçirildi
14.06.2019 16:50
Gəncədə muzey işçilərinin peşə səriştələrinin artırılması məqsədilə kurslar təşkil olunub
14.06.2019 14:53
Milli Qurtuluş Günü Sabirabadda təntənəli şəkildə qeyd edildi
14.06.2019 14:35
Xaçmaz Regional Mədəniyyət İdarəsinin tabe müəssisələrində “Milli Qurtuluş Günü” ilə əlaqədar silsilə tədbirlər keçirilib
14.06.2019 14:22
Mərkəzi İncəsənət məktəbində görkəmli musiqiçilərin ustad dərsləri keçirildi
14.06.2019 10:19
Milli Qurtuluş Günü Ağstafada təntənə ilə qeyd olunub
14.06.2019 09:15
Azərbaycanın Birinci vitse-prezidenti Mehriban Əliyeva 2 nömrəli Uşaq İncəsənət Məktəbindəki şəraitlə tanış olub
13.06.2019 18:37
Dünya İrs Komitəsinin sessiyasının Bakıda keçirilməsi ölkəmizə göstərilən yüksək etimadın nümunəsidir
13.06.2019 15:27
Gəncədə 15 İyun – Milli Qurtuluş Günü qeyd olundu
13.06.2019 15:11
Gəncədə “Müstəqillik və vətənpərvərlik ruhunun aşılanmasında kinematoqrafiyanın rolu” mövzusunda debat keçirilib
13.06.2019 10:17
Milli Dram Teatrında Xalq artisti Bəsti Cəfərovanın yubiley gecəsi keçiriləcək
13.06.2019 10:01
Qusarda “Oxu Günü” keçirilib
13.06.2019 09:37
Xalq artisti İlham Namiq Kamalın 70 illik yubileyi qeyd olunub
13.06.2019 09:34
Parisdə UNESCO-nun baş qərargahında Bakı Dövlət Universitetinin 100 illiyi təntənə ilə qeyd olunub
12.06.2019 17:24
“Çölçü” bədii filmi beynəlxalq mükafatlara layiq görülüb
12.06.2019 16:51
Gəncədə “Mədəniyyət həftəsi” çərçivəsində növbəti tədbir keçirilib
12.06.2019 16:01
Kitabxanada Milli Qurtuluş Günü qeyd olunub
12.06.2019 14:27
Bakıda II Dünya Xalqlarının Mədəniyyəti Festivalı keçirilib
12.06.2019 14:22
Sumqayıtın musiqi məktəblərinin hesabat konsertləri keçirilib
12.06.2019 12:05
Dərbənddə “Nəsimi ili-Nəsimi dili” tamaşası təqdim olunub
11.06.2019 17:47
Çingiz Fərzəliyev Rusiya Rəssamlıq Akademiyasının Qızıl medalına layiq görülüb
11.06.2019 17:45
Gəncədə “Mədəniyyət həftəsi” “Dönməz iradə” adlı seminarla başlanıb