Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
530

Nazir Əbülfəs Qarayev Qurban bayramı münasibətilə mədəniyyət ictimaiyyətini təbrik edib

Azərbaycan Respublikasının Mədəniyyət naziri Əbülfəs Qarayev müqəddəs Qurban bayramı münasibətilə ölkəmizin mədəniyyət ictimaiyyətini təbrik edib.
Təbrikdə İslam dünyasının mübarək günlərindən olan Qurban mərasiminin əhəmiyyəti vurğulanır, yüksək inanc və mənəviyyat dəyəri olan bu ənənənin insanların birliyinə, bərabərliyinə, qarşılıqlı fədakarlıq və xeyirxahlığa xidmət etdiyi diqqətə çatdırılır. Qeyd olunur ki, xalqımız Qurban, Ramazan bayramlarını yüzilliklər boyu öz mənəvi irsində yaşatmış, ölkəmiz müstəqillik qazandıqdan sonra bu bayramlar dövlət səviyyəsində qeyd olunmağa başlanmışdır.
Vurğulanır ki, müsəlman aləminin ayrılmaz hissəsi olan Azərbaycanda mütərəqqi mənəvi dəyərlərin qorunması və təbliği daim diqqətdə saxlanılır, insanların inanc və adət-ənənələrinə hörmətlə yanaşılır. Ulu öndər Heydər Əliyev tərəfindən əsası qoyulan bu siyasət Prezident İlham Əliyev tərəfindən davam etdirilir, dövlət başçısının qayğısı ilə dini ziyarətgahlar, ibadət yerləri təmir-bərpa olunur. Ölkəmiz müsəlman dünyasında əməkdaşlığa, həmrəyliyə mühüm töhfələr verir. Dövlət başçısının sərəncamı ilə 2017-ci ilin ölkəmizdə “İslam həmrəyliyi ili” elan olunması bunun əyani sübutudur. Bu gün Azərbaycan Respublikası müsəlman ölkələri və İslam Əməkdaşlıq Təşkilatı ilə yüksək səviyyədə əlaqələrə malikdir.
“Qurban bayramının ən gözəl xüsusiyyətlərindən biri onun fərəhini qarşılıqlı şəkildə paylaşmaqdır. Ölkəmizdə digər dinlərin nümayəndələri də bu bayramın fəzilətlərindən yararlanır, birlik və bərabərlik nümayiş etdirirlər. Qurban bayramı Tanrının insaniyyətə bəxş etdiyi xoşniyyətin bir təcəssümüdür”, - deyə təbrikdə bildirilir. 
Əbülfəs Qarayev təbrikin sonunda ölkəmizin mədəniyyət ictimaiyyətinə müqəddəs bayram münasibətilə könül xoşluğu, cansağlığı, firavanlıq, kəsilən qurbanların, edilən duaların Allah dərgahında qəbul olmasını arzulayıb.

XƏBƏRLƏR

19.09.2019 10:18
Vüqar Əlinin “Rənglərin ritmi” adlı fərdi sərgisi
19.09.2019 10:03
Qarabağ Muğam Mərkəzində Üzeyir Hacıbəylinin əsərlərindən ibarət konsert proqramı təqdim olunub
19.09.2019 09:02
Bakıda Üzeyir Hacıbəyli XI Beynəlxalq Musiqi Festivalının təntənəli açılış mərasimi olub
18.09.2019 19:29
Üzeyir Hacıbəyli dühası: "Xəlqilik, millilik, beynəlmiləllik”
18.09.2019 16:36
Özbəkistanda “Azərbaycan kinosu günləri” keçiriləcək
18.09.2019 15:50
Milli Musiqi Gününə həsr edilmiş növbəti tədbir Üzeyir Hacıbəylinin ev-muzeyində təşkil edilib
18.09.2019 15:45
Milli Kitabxanada “Üzeyir Hacıbəyli – milli mədəniyyət mücahidi” adlı tədbir təşkil edilib
18.09.2019 14:31
Bakı Musiqi Akademiyasında Milli musiqi günü ilə bağlı mərasim keçirilib
18.09.2019 13:33
Ölkəmizdə Milli musiqi günü qeyd olunur
18.09.2019 10:12
Heydər Əliyev Mərkəzində dünya xalqlarına məxsus unikal musiqi alətlərinin sərgisi açılıb
18.09.2019 09:56
“Azərbaycanfilm" kinostudiyasına yeni direktor təyin edilib
17.09.2019 18:21
Azərbaycan peşəkar milli teatrının 147-ci mövsümü başlandı
17.09.2019 15:30
Azərbaycan Dövlət Mahnı və Rəqs Ansamblı beynəlxalq festivalda ali mükafata layiq görülüb
16.09.2019 18:07
33 nömrəli Uşaq musiqi məktəbi əsaslı təmirdən sonra istifadəyə verildi
16.09.2019 17:50
Yeni tədris ilinə böyük inamla
16.09.2019 12:45
Qoruqlarda "Avropa İrs Günləri" qeyd olunacaq