Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1606

Nizami Kino Mərkəzində Biçmə-tikmə müsabiqəsinin finalı keçirilmişdir

6 noyabr 2018-ci il tarixində Nizami Kino Mərkəzində Azərbaycan Respublikası Mədəniyyət Nazirliyinin Mədəniyyətşünaslıq üzrə Elmi-Metodiki Mərkəzi və Bakı şəhər Mədəniyyət Baş İdarəsi tərəfindən təşkil edilmiş “Mədəniyyət mərkəzləri, mədəniyyət evləri və klubların biçmə-tikmə dərnəkləri üzrə müsabiqə” layihəsinin finalı keçirilmişdir.

İştirakçıları salamlayaraq,  Mədəniyyətşünaslıq üzrə Elmi-Metodiki Mərkəzin direktoru Asif Usubəliyev qeyd etdi ki, respublikada ilk dəfə keçirilən müsabiqə 9 noyabr Bayraq gününə həsr olunur, onun məqsədi dərnəklərin fəaliyyətinin inkişaf etdirilməsi, təbliğ olunması, sənaye qabiliyyətinin artırılması, uşaq, yeniyetmə və gənclərin yaradıcılıq dərnəklərinə daha geniş cəlb olunması, müəssisələr, həmçinin dərnəklər arasında təcrübə mübadiləsinin təşkili, istedadlı gənclərin aşkara çıxarılması, dövlət - özəl sektor tərəfdaşlığına təkan verilməsidir. Layihə həmçinin dərnəklərin populyarlaşdırılması, onların sosial imicinin artırılması, fəaliyyətinin stimullaşdırılması və onlara qarşı ictimai diqqətin yüksəldilməsi məqsədini daşıyır.

Biznes və mədəniyyət müəssisələrinin inteqrasiyasına xidmət edən müsabiqədə M.A.Əliyev adına Hövsan qəsəbə Mədəniyyət Evinin, Əmircan qəsəbə Səttar Bəhlulzadə adına Mədəniyyət Evinin, Kürdəxanı qəsəbə Mədəniyyət Evinin, H.Abbasov adına Maştağa qəsəbə Mədəniyyət Evinin, Binə qəsəbə Mədəniyyət Evinin, Mərdəkan Mədəniyyət Sarayının, Ş.Ələkbərova adına Mədəniyyət Evinin, A.M. Şərifzadə adına Mədəniyyət Evinin, Binəqədi Mərkəzi Mədəniyyət Evinin müəssisə və dərnək rəhbəri,  biçmə-tikmə dərnəyinin üzvləri, Ülkər Hüseynova, Fidan Rzayeva couture, Di couture, Sophie couture Moda evləri, Aromatçı Butik K, “Cuasar” geyim markası”, mədəniyyət və incəsənət xadimləri, peşəkar rəssamlar, sənaye müəssisələrinin nümayəndələri və təşkilatçı qurumların mütəxəssisləri iştirak etmişlər.  

Qalibləri və fərqlənən iştirakçıları Estetika üzrə alim-mütəxəssis, pedaqoji elmlər doktoru, professor, əməkdar müəllim Vidadi Xəlilovun  sədrliyi ilə, modelyer, sənətşünaslıq üzrə fəlsəfə doktoru Gülnarə Xəlilova, Mədəniyyətşünaslıq üzrə Elmi-Metodiki Mərkəzi direktoru Asif Usubəliyev, Rəssamlıq Akademiyasının müəllimi Sevil Əliyeva və Nizami Kino Mərkəzinin direktoru Leyli Mirzəyeva kimi mütəxəssislərdən ibarət münsiflər heyəti müəyyən edilmişdir. 

3 mərhələ və yekun mükafatlandırma mərasimindən ibarət olan müsabiqə “Dekorativ tətbiqi sənət-tikmə, milli tikmə, dekorativ kompozisiyalar, makrame, toxuma, bədii oyuncaqlar, muncuqla işləmələr” və “Dizayn - biçmə-tikmə, paltarın modelləşdirilməsi, gəlinciklər üçün paltarlar, evin interyeri, məhsul nişanları” yaradıcılıq növləri üzrə keçirilib.

1-10 oktyabr 2018-ci il tarixinədək davam edən I mərhələdə  qiymətləndirmə komissiyası tərəfindən müəssisələrdəki biçmə-tikmə dərnəyinin yaradılmasına dair əmrin, üzvlərin ərizələrinin, üzvlərə dair məlumatlarların, şəxsi vərəqələrinin, üzvlərin dərnəyə qəbul edilməsinə dair protokolun və əmrin, dərnək rəhbərinin ərizəsinin, dərnəyə rəhbər təyin edilməsinə dair əmrin, dərnəyin tədris proqramının, dərs cədvəlinin, davamiyyət jurnalının mövcudluğuna və qaydasında olduqlarına, dərnək rəhbərinin təhsilinə, iş təcrübəsinə, qrupların sayına, dərnəyin fəaliyyətinin təbliğinə (afişa, elan, buklet, internet informasiya resurslarından istifadə, şifahi təbliğat  və s.) baxılmışdır.

15-25 oktyabr 2018-ci il tarixinədək davam edən II mərhələsində komissiya üzvləri dərnəyin son 3 il ərzində iştirak etdiyi tədbirlərə, festivallara, müsabiqə və s.; dərnəyin mükafatlarına (diplom, fəxri fərman, iştirak sertifikatı və s.); dərnəyin fəaliyyətinin çeşidliyinə; dərnəyin son 3 il müddətində üzvləri tərəfindən hazırlanmış əl işlərinə, habelə dərs prosesinə baxılmış, üzvlərin tədrisi bitirdikdən sonrakı fəaliyyətləri ilə tanış olmuşlar.

III mərhələsi  25 oktyabr - 01 noyabr 2018-ci il tarixinədək davam etmişdir və mövzu üzrə veriləcək tematik tətbiqi tapşırığın kreativ icrasından ibarət idi.

Qeyd edək ki, müsabiqənin şəffaflığını təmin etmək məqsədi ilə bütün iş prosesləri foto və video çəkilişi müşahidəsi ilə aparılmışdır.

Yekun mərhələdə dərnəklərin ümumi fəaliyyətini əks etdirən sərgisində qaliblərin müəyyənləşdirilməsi və yekun mükafatlandırma mərasimi təşkil olunub.

I yeri Binə qəsəbə Mədəniyyət Evinin,  II yeri Əmircan qəsəbə Səttar Bəhlulzadə adına Mədəniyyət Evinin, III yeri isə Binəqədi Mərkəzi Mədəniyyət Evinin biçmə-tikmə üzrə dərnəkləri  qazanmışdır.   

Fərqli nominasiyalar üzrə müxtəlif dərəcəli diplomlar və hədiyyələr, tanınmış moda evlərindən birində təcrübə keçmə, digər iştirakçılara həvəsləndirici diplomlar və iştirakçıların dərnək rəhbərlərinə fəxri fərmanlar təqdim edilmişdir.

Tədbirin qonaqları və iştirakçıları üçün S.Bəhlulzadə adına Mədəniyyət Evinin “Azad” rəqs qrupu,  Binə qəsəbəsi Mədəniyyət Evinin “Odlar yurdu” kollektivi tərəfindən “Qarabağ – Azərbaycanın incisidir”  kiçik konsert proqramı təşkil olunmuşdur.

 

 

 

             

 

XƏBƏRLƏR

19.02.2019 17:32
Muzey ziyarətləri üçün onlayn bilet almaq mümkün olacaq
19.02.2019 12:25
Xaçmaz Tarix-Diyarşünaslıq Muzeyində “Dəmir izlər” adlı sərgi açılıb
19.02.2019 12:17
İlk dəfə olaraq əntiq əşyaların ixtisaslaşdırılmış “Auksion Baku” müsabiqəsi keçiriləcək
19.02.2019 10:14
Azərbaycan İstiqlal Muzeyində “Cəzasız Cinayət” adlı sənədli filmin təqdimatı və eyniadlı sərgi açılacaq
19.02.2019 09:57
Teatr Muzeyində gənc şəbəkə ustası İlqar Rəsulzadənin əsərləri sərgilənəcək
19.02.2019 09:55
Görkəmli teleaparıcı Rafiq Hüseynovun yaşadığı evin qarşısında barelyefi açılıb
19.02.2019 09:49
Regionların mədəni ixtisaslaşması siyasəti davam edir
19.02.2019 09:37
Dördüncü Buktreyler Festivalının səsi bəlli oldu
18.02.2019 17:51
Muzey Mərkəzində Gəncə rəssamlarının “Xəzinə” adlı sərgisi keçiriləcəkdir
18.02.2019 17:12
Heydər Əliyev Mərkəzində rus avanqard rəssamlarının nadir əsərlərindən ibarət sərgi açılıb
18.02.2019 14:42
Macarıstanlı diplomat Azərbaycan Dövlət Musiqili Teatrı ilə yaxından tanış olub
18.02.2019 11:34
İstanbulda “Türkiyə-Azərbaycan Ortaq Miras” konserti təşkil edilib
18.02.2019 11:24
Heydər Əliyev Sarayında “Zima-2019” beynəlxalq uşaq festivalı keçirilib
16.02.2019 13:21
Mədəniyyət naziri Əbülfəs Qarayev Koventri Universitetində tələbələr qarşısında mühazirə ilə çıxış edib
16.02.2019 11:42
Bakıda türkmən xalçaları və zərgərlik məmulatlarından ibarət sərgi açılıb
15.02.2019 17:39
Xalq rəssamı Rafis İsmayılovun 80 illik yubileyinə həsr olunmuş tədbir keçirildi
15.02.2019 16:33
Sumqayıtda “Uğur Əngəl Tanımır!” layihəsi çərçivəsində sərgi-müsabiqə keçirilib
15.02.2019 16:02
“Nəsimi ili” ilə bağlı Özbəkistanda silsilə tədbirlər keçiriləcək
15.02.2019 15:40
“Azərbaycanın ipək incisi” yaradıcılıq müsabiqəsinə eskizlərin qəbulu müddəti uzadılmışdır
15.02.2019 15:40
Mədəniyyət naziri Əbülfəs Qarayev Böyük Britaniyanın Baş nazirinin ticarət elçisi ilə görüşüb
15.02.2019 14:59
Milli Kitabxanada növbəti kitab sərgisi akademik Arif Paşayevin 85 illiyinə həsr edilib
15.02.2019 12:39
Mədəniyyət Nazirliyi ilə British Council arasında əməkdaşlıq sənədi imzalandı
15.02.2019 11:21
Kürdəmirdə mədəniyyət müəssisələrinin rəhbər və gənc işçilərinin toplantısı keçirilib
15.02.2019 09:57
Azərbaycanın Birinci vitse-prezidenti Gəncədə Mir Cəlal Paşayevin ev-muzeyində olub
14.02.2019 18:30
Mədəniyyət nazirinin müavini Sevda Məmmədəliyeva Türkmənistan nümayəndə heyəti ilə görüşüb
14.02.2019 17:09
Milli Kitabxanada Beynəlxalq Kitab Bağışlama Günü qeyd edilib
14.02.2019 14:25
Musiqili Teatr azyaşlı tamaşaçıları üçün bayram hədiyyəsi hazırlayır
14.02.2019 14:10
Respublika Uşaq Kitabxanasının təşkilatçılığı ilə “ASAN Xidmət” mərkəzində Beynəlxalq Kitab Bağışlama Gününə həsr edilmiş tədbir keçirilib
14.02.2019 14:09
Bakıda “Türkmənistan əl işi xalçaları, milli zərgərlik məmulatları və tekstil məhsulları” adlı sərgi açılacaq
14.02.2019 11:36
Mədəniyyət naziri Əbülfəs Qarayev Böyük Britaniyada səfərdədir
14.02.2019 10:28
“Rusiya və Azərbaycan arasında mədəni körpülər mədəniyyətlərarası dialoq üçün körpülər kimi” mövzusunda dəyirmi masa keçirilib