Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
6009

Novruz bayramı ilə əlaqədar paytaxtımızda möhtəşəm ümumxalq şənliyi keçiriləcək

Xalqımız hər il olduğu kimi, bu il də Novruz bayramını böyük təntənə ilə qeyd etməyə hazırlaşır. Bayram öncəsi, martın 19-da Dənizkənarı Milli Parkda keçiriləcək ümumxalq Novruz şöləni yenə rəngli görüntülərlə hər kəsə xoş ovqat bəxş edəcək. Mədəniyyət və Turizm Nazirliyinin təşkil etdiyi ənənəvi bayram tədbiri də çal-çağırlı, bölgələrimizin bar-bərəkətli Novruz sovqatı, el sənətkarlığı nümunələri, zəngin milli mətbəximizin təqdimatı ilə yadda qalacaq.

Martın 16-da ümumxalq Novruz şənliyinin məşqi keçirildi. Məşq prosesinə müxtəlif mədəniyyət müəssisələri, incəsənət kollektivləri və ifaçılar qatılmışdı.

Hazırlıq prosesini yaxından izləyən mədəniyyət və turizm nazirinin müavini Ədalət Vəliyev builki bayram tədbiri haqqında jurnalistlərə müsahibə verdi.

Əvvəlcə xalqımıza bayram təbriklərini çatdıran nazir müavini bildirdi ki, Novruz bayramına həsr olunan şənliyin yüksək səviyyədə baş tutması üçün bütün lazımi işlər görülüb, aparıcı musiqi kollektivləri cəlb olunub, onların hazırlıq səviyyəsi yoxlanılıb: “Hər il Azərbaycanda Novruz bayramı dövlət səviyyəsində geniş şəkildə qeyd olunur. Bu il də bu ənənə davam edəcək, xalqımızın ən əziz bayramı - Novruz təntənəli şəkildə qeyd olunacaq. Hazırda Qız qalasının yanından başlayıb Dənizkənarı Milli Park boyunca davam edəcək şənliyin son məşqləri gedir. Bayrama hazırlıq yüksək səviyyədə davam edir. Bu il də Novruz bayramına həsr edilən bu möhtəşəm tədbir həm yerli sakinlərin, həm də xarici turistlərin marağına səbəb olacaq”.

Ədalət Vəliyev bildirdi ki, hər il Novruz bayramı ölkə Prezidenti cənab İlham Əliyev və  birinci xanım Mehriban Əliyevanın iştirakı ilə yüksək səviyyədə qeyd olunur: “Bu il də ənənə pozulmayacaq. Mədəni irsimizi, milli-mənəvi dəyərlərimizi, zəngin folklorumuzu, adət-ənənələrimizi özündə yaşadan Novruz bayramı həm Bakıda, həm də bölgələrdə geniş qeyd ediləcək”.

Vurğulandı ki, Mədəniyyət və Turizm Nazirliyi ənənəvi olaraq bayram şənliyinin təşkilatçısı qismində çıxış edir. Bu il də respublikanın teatr, konsert müəssisələrinin, bədii özfəaliyyət kollektivlərinin iştirakı ilə geniş proqram hazırlanıb: “Azərbaycanın bütün regionlarının bədii özfəaliyyət kollektivləri, rayonların özünəməxsusluqları, mədəniyyət və incəsənəti nümayiş olunacaq. Burada həmçinin Azərbaycan xalqının mətbəx mədəniyyəti, xalça nümunələri, aşıq və muğam sənətləri də ayrıca stendlərdə geniş şəkildə təqdim olunacaq”.

Ədalət Vəliyev qeyd etdi ki, Mədəniyyət və Turizm Nazirliyi tərəfindən Fəvvarələr meydanında bayram günlərində səhər saat 11-dən axşam 7-dək həm regionlardan gələn bədii özfəaliyyət kollektivlərinin, həm də Bakıda fəaliyyət göstərən professional kollektivlərin iştirakı ilə konsert proqramları təqdim olunacaq.

Ənənəvi olaraq şənliyə Dədə Qorqud xeyir-dua verəcək, Bahar qızı iştirakçıları salamlayacaq. Novruz personajları Kosa və Keçəllə bağlı səhnəciklər, xalq dastanları və nağıl qəhrəmanlarının bir araya gəlməsi mərasimə xüsusi şuxluq gətirəcək.

Azərbaycan Dövlət Akademik Filarmoniyasının rəqs kollektivi, mahnı və xalq çalğı alətləri kollektivləri, rəqs qrupu, Bakı Xoreoqrafiya Akademiyasının tələbələri, Dövlət Uşaq Filarmoniyasının üzvləri və rayonlardan gələn ayrı-ayrı bədii özfəaliyyət kollektivləri də bayrama rəng qatacaqlar.

Diqqətə çatdırıldı ki, Nazirlər Kabineti yanında Dənizkənarı Bulvar İdarəsi də Novruz şənliyinin təşkil olunmasında yaxından iştirak edir.

Vurğulandı ki, Novruz şənliyində bu il Bakıda keçiriləcək “Formula 1” üzrə Azərbaycan Qran-prisinə həsr olunmuş xüsusi stendlər də nümayiş etdiriləcək.

Sonda Ədalət Vəliyev bayram şənliyinin yüksək səviyyədə keçirilməsi, məşq prosesində nəzərə çarpan nöqsanların aradan qaldırılması üçün müvafiq tapşırıq və tövsiyələrini verdi.

Qeyd edək ki, Novruz şənliyi çərçivəsində ölkəmizin bütün regionlarını əhatə edən və ənənəvi olaraq nümayiş olunan yarmarkada bayram sovqatları, mədəni irs, sənaye məhsulları, mətbəx nümunələri, xalq tətbiqi sənəti örnəkləri sərgilənəcək.

Bayram günlərində Dənizkənarı Milli Park gücləndirilmiş iş rejimində işləyəcək. Həmçinin paytaxtın muzeyləri, teatrları və digər mədəniyyət müəssisələri də gücləndirilmiş iş rejimində fəaliyyət göstərərək şəhər sakinlərinə və qonaqlara xidmət edəcək. Bulvardakı “Saat” qülləsinin qarşısında erkən saatlardan başlanacaq bayram konserti axşam saatlarınadək davam edəcək.

Bir sözlə, hazırlanan zəngin bayram proqramı tədbirə qatılacaq paytaxtımızın sakinlərinə və şəhərimizin qonaqlarına əsl bayram əhval-ruhiyyəsi yaşadacaq.

Onu da bildirək ki, 2009-cu ildə Novruz bayramı UNESCO-nun qeyri-maddi mədəni irs üzrə reprezentativ siyahısına daxil edilib. 2010-cu ildə isə Azərbaycan, Albaniya, Əfqanıstan, Makedoniya, Hindistan, İran, Qazaxıstan, Qırğızıstan, Tacikistan, Türkmənistan və Türkiyənin təşəbbüsü ilə BMT Baş Assambleyası tərəfindən 21 mart tarixi “Beynəlxalq Novruz Günü” elan edilib.

XƏBƏRLƏR

22.03.2024 22:10
Parisdə Azərbaycan və UNESCO arasında əməkdaşlığın inkişaf etdirilməsi müzakirə olunub
15.03.2024 15:16
Azərbaycan Milli Xalça Muzeyində “Türk xalqlarının geyim və zərgərlik mədəniyyəti” sərgisi açıldı
13.03.2024 14:13
Azərbaycan və Xorvatiya arasında iqtisadi əməkdaşlıq üzrə Birgə Komissiyanın 3-cü iclası keçirilib
07.03.2024 15:04
Mədəniyyət naziri Zaqatalada vətəndaşları qəbul edib
05.03.2024 17:19
Heydər Əliyev Mərkəzində Türk dünyası rəssamlarının “Tomris” adlı sərgisi keçirilib
04.03.2024 09:50
"Qarabağ” Futbol Klubu haqqında sənədli filmin təqdimatı keçirilib
01.03.2024 17:22
Bakı Şəhər Mədəniyyət Baş İdarəsinin tabeliyindəki müəssisələrin fəaliyyəti üzrə ictimai dinləmə keçirilib
01.03.2024 13:00
“Young Lions” Azerbaijan yaradıcı gəncləri səsləyir!
01.03.2024 12:55
Mədəniyyət Nazirliyində "TikTok" nümayəndə heyəti ilə görüş olub
28.02.2024 18:01
“Salam, Novruz!” 28 fevral – 15 aprel
28.02.2024 15:34
Xalq artisti Süleyman Ələsgərovun 100 illik yubileyinə həsr olunan konsert keçirilib
26.02.2024 09:00
CINEMO ilk Mobil Film Festivalının Qala Gecəsi keçirildi
24.02.2024 13:10
Dohada Azərbaycan Mədəniyyəti Günləri çərçivəsində qala-konsert keçirilib
23.02.2024 11:48
“TikTok” Azərbaycan Respublikası Mədəniyyət Nazirliyinin dəstəyi ilə #TikTokdanÖyrən layihəsinə başladı
23.02.2024 10:10
Qətər Milli Kitabxanasında “Qədim köklərə malik Azərbaycan mədəniyyəti” adlı kitab sərgisi açılıb
22.02.2024 18:05
Süleyman Ələsgərovun 100 illik yubileyinin qeyd edilməsi haqqında Azərbaycan Respublikası Prezidentinin Sərəncamı
17.02.2024 17:43
Mədəniyyət naziri Salyanda vətəndaşların müraciətlərini dinləyib
16.02.2024 18:59
Mədəniyyət və yaradıcı sənayelər sahəsi üzrə mütəxəssislərlə görüş keçirildi
15.02.2024 09:36
Ekspert Şurasının növbəti iclası keçirilib
14.02.2024 09:24
VI Ümumdünya Mədəniyyətlərarası Dialoq Forumu Təşkilat Komitəsinin iclası keçirilib
06.02.2024 16:54
Tanınmış şair Baba Vəziroğluna “Şərəf” ordeni təqdim olunub
05.02.2024 13:57
Azərbaycan Milli Xalça Muzeyində qobelen ustası Adil Şıxəliyevin “Vətənim mənim” sərgisi açılıb
02.02.2024 14:42
Mədəniyyət naziri Türk Mədəniyyəti və İrsi Fondunun prezidenti ilə görüşüb
01.02.2024 17:53
Mədəniyyət naziri Adil Kərimli üçüncü “Yüksəliş” müsabiqəsinin qalibləri ilə görüşüb