Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1513

Ölkə kitabxanaçılarının respublika müşavirəsi keçirildi

Sentyabrın 28-də M.F.Axundzadə adına Azərbaycan Milli Kitabxanasında V Bakı Beynəlxalq Kitab Sərgi-Yarmarkası çərçivəsində Mədəniyyət və Turizm Nazirliyinin təşkilatçılığı ilə ölkə kitabxanaçılarının respublika müşavirəsi keçirildi.

Tədbir iştirakçıları əvvəlcə Fəxri xiyabana gələrək xalqımızın ümummilli lideri Heydər Əliyevin xatirəsini ehtiramla yad edib, məzarı önünə güllər düzdülər. Görkəmli oftalmoloq alim, akademik Zərifə xanım Əliyevanın da xatirəsi yad olundu, məzarı üzərinə gül-çiçək dəstələri qoyuldu.

Sonra Şəhidlər xiyabanına gələn müşavirə iştirakçıları ölkəmizin azadlığı və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsini yad edib məzarları üstünə tər çiçəklər düzdülər.

Milli Kitabxanada davam etdirilən tədbiri direktor Kərim Tahirov açaraq müşavirənin yeni ideyalar və yeni vəzifələrin müəyyənləşdirilməsi baxımından səmərəli olacağını bildirdi.

Mədəniyyət və turizm naziri Əbülfəs Qarayevin “Kitab, kitabxana və innovasiyalar” mövzusunda geniş məruzə ilə çıxış etdi. Nazir kitabxana sahəsinin daim dövlətin diqqət mərkəzində olduğunu vurğulayaraq kitabxana sisteminin günün tələbləri səviyyəsində qurulması istiqamətində görülmüş işlərdən və qarşıda duran vəzifələrdən söz açdı. Bildirdi ki, müşavirədə regionların rəhbərləri iştirak edirlər və bu gün səslənəcək fikirlər yerlərdə kitabxana işinin inkişafı üçün müəyyən addımların atılmasına şərait yaradacaq.

Qeyd olundu ki, bu gün Azərbaycanda kitabxana işi müasir dövrün tələbləri ilə uzlaşmalıdır. Günün tələblərinə cavab verməyən, müasir texnologiyalardan bəhrələnməyən, yeni yanaşmalar tətbiq etməyən kitabxanaların bir çoxu artıq fəaliyyətini dayandırıb. Bütün yenidənqurmalar və bərpa prosesləri, yeni texnologiyaların tətbiqi zamanın tələbidir və bu sahədə çalışan hər kəs bu tələblərə uyğunlaşmalıdır: “Mədəniyyətin idarəedilməsində iştirak edən bütün insanlar qarşısında bir sual durur - əgər biz müasir tələblərə uyğunlaşa bilmiriksə, bu cəmiyyətə nə dərəcədə xidmət edə bilərik? Son zamanlarda kitabxana sistemi müəyyən sınaqlardan keçib. Ümumən kitabxana mühiti son dövrdə dəyişən istiqamətdə inkişaf edir. Bu dəyişikliklər yeniliklər gətirir. Dövlət tərəfindən kitabxana sisteminə olan dəstək göz qabağındadır”.

Nazir bildirdi ki, hazırda ölkədə 2 mindən çox kitabxana fəaliyyət göstərir. Məqsəd bu şəbəkənin insanların tələbatına cavab verən formada fəaliyyət göstərməsinə nail olmaqdır. Bu günə kimi işin səmərəli təşkili üçün dəfələrlə iclaslar və görüşlər keçirilib. Hazırda elektron və virtual kitabxanalar açılır, regionlarda müxtəlif ölkələrin kitab guşələri yaradılır: “Təhsil ocaqlarının kitabxanaları vahid bir strategiya üzərində çalışırlar. Amma unutmamalıyıq ki, qarşımızda duran məqsəd kitabxana şəbəkəsinin nəinki saxlanması, onun inkişafı və yeni nəslə ötürülərək kitaba sevgi və məhəbbətin yaradılmasından ibarətdir. Gənc nəsli kitabxanalara gətirmək üçün çoxlu işlər görməliyik”.

Kitabxanaları daha səmərəli fəaliyyət göstərməyə çağıran Əbülfəs Qarayev vurğuladı ki, bölgələrdə insanlar öz işlərini normal qura bilməsələr, kitabxanalar da getdikcə labüdlüyünü itirəcək: “Azərbaycanda kitabxanalar şəbəkəsi təkmilləşdirilməli, yeni formatda fəaliyyət göstərməlidirlər. Yalnız bu halda onlar oxucu auditoriyalarını genişləndirə bilərlər”.

Diqqətə çatdırıldı ki, müşavirədə müzakirə olunacaq yeni təcrübə və yanaşmalar kitabxanaların iş üslublarının təkmilləşdirilməsinə təkan verəcək: “Son zamanlar kitabxana şəbəkəsi optimallaşma prosesindədir. Bu optimallaşma nəticəsində biz daha çevik və operativ sistem quraraq daha rahat idarəetmə yaratmalı, işgüzarlıq səviyyəsini yüksəltməliyik. Əgər kitabxana rayonda öz oxucuları üçün səmərəli fəaliyyət göstərirsə, onların tələbinə cavab verirsə, deməli, o kitabxana yaşayacaq. Yeni nəşrlər, silsilə proqramlar, rayonun iqtisadi inkişafına uyğun olaraq işlərin qurulması vacib şərtdir. Biz Avropa İttifaqının Tvinninq proqramı çərçivəsində maraqlı layihələr həyata keçiririk. Bu layihə çərçivəsində kitabxana və klub sisteminin idarə edilməsi, bir-birini tamamlaması və vahid şəbəkənin yaradılması baxımından bu təcrübədən mütləq istifadə olunmalıdır. Burada tək nazirlik deyil, bələdiyyələrdən tutmuş, icra orqanlarına qədər hamı öz sahəsində mədəni xidmət anlamını vahid siyasətə çevirməlidir”.

Respublika Kitab Kollektorunun fəaliyyətinə toxunan nazir bildirdi ki, kollektorun işində də yeniliklər həyata keçirilib, təkmilləşdirilib. Kollektor təkcə poçt funksiyasını həyata keçirməyəcək, qurum üçün daha geniş və informativ imkan yaradılacaq.

Əbülfəs Qarayev məruzənin sonunda vurğuladı ki, kitabxana kitabların rəflərdə qorunduğu idarə yox, informasiyanın çevik şəkildə cəmiyyətə çatdıracaq bir məkana çevirməyi bacarmalı, bunun yollarını axtarmalıdır.

Müşavirədə Respublika Kitabxana Kollektorunun direktoru Ələddin Əsədov, Bakı Dövlət Universitetinin Biblioqrafiyaşünaslıq kafedrasının müdiri, dosent Nadir İsmayılov, Prezident Kitabxanasının direktoru Mayıl Əhmədov, Gəncə şəhər MKS-nin direktoru Elmira Əliyeva, Ağdaş rayon MKS-nin direktoru Seyfəddin Feyzullayev və başqaları çıxış edərək son illər ölkəmizdə kitabxana işinin təşkili sahəsində əldə olunan nailiyyətlərdən söz açdılar. Çıxışlarda ölkəmizin kitabxana-informasiya şəbəkəsində mühüm addımların atıldığı, islahatlar aparıldığı, sahənin gələcəkdə sürətli inkişafına təminat verən əsaslar yaradıldığı vurğulandı.

Müşavirənin yekununda mədəniyyət və turizm nazirinin birinci müavini Vaqif Əliyev çıxış edərək diqqətə çatdırdı kitabxana işinin inkişafı, cəmiyyətin informasiya ilə təmin edilməsi üçün kitabxanalar modern üsullar axtarışında olmalıdırlar: “Yeni təşəbbüs və təkliflər artdıqca dövlət kitabxanaları da bu sahədə öz səylərini əsirgəməməlidir. Müşavirədə səslənən bütün fikirlər kitabxana sistemində çalışan əməkdaşları düşündürməli və informasiya-kommunikasiya sistemindəki yeniliklərdən yetərincə istifadə edilməlidir”.

Müşavirədə həmçinin Mədəniyyət və Turizm Nazirliyinin Milli Kitabxana ilə birgə həyata keçirdiyi “Açıq kitabxana” layihəsinin və Bakıxanov qəsəbəsində yeni açılan “Kitabxana-asudə vaxt” mərkəzinin təqdimatları oldu.

Sonda iştirakçılar Milli Kitabxanada “Azərbaycan bu gün” kitab sərgisi ilə tanış oldular.

XƏBƏRLƏR

20.04.2018 18:02
Sənaye – Universitet əməkdaşlığı çərçivəsində “Virtual Azərbaycan Turizm və Menecment Universiteti-Onbranch” layihəsi
20.04.2018 17:40
Lüksemburqda keçirilən Avropa Şurası Mədəni Marşrutları üzrə Hissəvi Sazişin İdarə Heyətinin iclasında “Bakı Prosesi”nin təqdimatı keçirilib
20.04.2018 17:38
Sənaye-ATMU əməkdaşlığına həsr olunan seminar keçirilib
20.04.2018 17:27
Şəmkir hərbi birliyinin hərbi şəhərciyində “İsgəndərin sorağında” sənədli filminin nümayişi olub
20.04.2018 14:46
Azərbaycan Dövlət Musiqili Teatrında həftəsonu maraqlı tamaşalar nümayiş olunacaq
20.04.2018 14:44
"Turizm müəssisələrində nağdsız hesablaşmalar" mövzusunda təlim keçrilmişdir
19.04.2018 18:25
YUNESKO-nun “Mədəniyyətlərin Yaxınlaşması naminə Beynəlxalq Onillik layihə” nin həyata keçirilməsi ilə bağlı iclası keçirilmişdir
19.04.2018 17:52
Azərbaycan Xalça Muzeyində “İlmələnmiş zaman” sərgisi açıldı
19.04.2018 17:51
“Sərhədkeçmə prosedurlarının sadələşdirilməsi və turistlər üçün viza verilməsi prosedurlarının asanlaşdırılması üzrə” İşçi Qrupunun növbəti iclası keçirilmişdir
19.04.2018 16:31
“Beynəlxalq abidələr və tarixi yerlər” günü münasibətilə silsilə tədbirlər təşkil olunub
19.04.2018 16:27
Çinlilər Azərbaycana daha çox gələcək – Yeni saziş
19.04.2018 15:21
“EuropeSPA” Naftalan otellərindəki müalicənin Avropa standartlarına uyğun olduğunu beynəlxalq sertifikatla təsdiqləyib
18.04.2018 18:53
Beynəlxalq abidələr və tarixi yerlər günü ilə bağlı tədbir keçirildi
18.04.2018 18:09
Azərbaycan Dövlət Gənc Tamaşaçılar Teatrı növbəti səfərə hazırlaşır
18.04.2018 17:40
Məstan Günərin “Seçilmiş əsərləri”nin təqdimatı olub
18.04.2018 17:38
Qəbələ rayonunda “Kitabsevərlər klubu” nun növbəti toplantısı keçirilmişdir
18.04.2018 17:37
Musiqili Teatr müsabiqə elan etdi
18.04.2018 17:34
Biləsuvar Regional Mədəniyyət və Turizm İdarəsi ilə Nəcəf bəy Vəzirov adına Lənkəran Dövlət Dram Teatrı arasında əməkdaşlıq barədə niyyət protokolu imzalanmışdır
18.04.2018 17:23
“Zəng” Məşhəd festivalında “çalınacaq”
18.04.2018 12:07
Sumqayıtda Bülbül adına uşaq incəsənət məktəbində mədəniyyət işçiləri ilə görüş keçirilib
18.04.2018 12:06
Özbəkistanda Azərbaycan Xalq Cümhuriyyətinin 100 illiyi münasibəti ilə möhtəşəm Dostluq konserti keçiriləcəkdir
17.04.2018 18:59
Xalq Artisti Lütfiyar İmanovun xatirəsi anılıb
17.04.2018 17:51
Dahi bəstəkar Qara Qarayevin yubileyi ABŞ-da müxtəlif tədbirlərlə qeyd olunur
17.04.2018 17:43
Azərbaycan nümayəndələri Qətər Milli Kitabxanasının yeni binasının təntənəli açılış mərasimində olmuşlar