Ölkəmiz Balonya Beynəlxalq Uşaq Kitab Sərgisinin ikinci günündə də uğurla təmsil olunur
Xəbər verdiyimiz kimi Azərbaycan Respublikasının Mədəniyyət Nazirliyinin təşkilatçılığı və Azərbaycan Respublikasının İtaliyadakı Səfirliyinin dəstəyi ilə Azərbaycan ilk dəfə olaraq bu il 1-4 aprel tarixində İtaliyanın Bolonya şəhərində keçirilən 55 illik tarixə və beynəlxalq nüfuza malik Bolonya Beynəlxalq Uşaq Kitab Sərgisində təmsil olunur.
Baloniya Uşaq Kitab Sərgisində Beynəlxalq Uşaq Ədəbiyyatı Şurasının (IBBY) 2020-ci il üçün şuraya təqdim olunan uşaq yazarlarının əsərlərinin qiymətləndirilməsi ilə bağlı konfransda münsiflər heyətinin adları açıqlandı və müsabiqəyə verilən namizədlər təsdiq edildi.
2012-ci ildən Beynəlxalq Uşaq Ədəbiyyatı Şurasının (IBBY) üzvü olan F.Köçərli adına Respublika Uşaq Kitabxanası 2020-ci il üçün beynəlxalq müsabiqəyə Azərbaycan uşaq yazıçısı Qəşəm İsabəylinin əsərini təqdim edibdir.
Qeyd edək ki, İBBY dünyada ən yaxşı uşaq yazarları, rəssam və tərcüməçilərinə verilən H.X.Andersen qızıl medalı Nobel mükafatına bərabər tutulur.
Sərginin ikinci günündə nümayəndə heyətimiz tərəfindən son illərdə ölkəmizdə gedən inkişaf prosesi, Azərbaycan dövləti və dövlətçiliyimiz haqqında məlumat verilmiş, bir sıra təşkilatalarla əlaqələr qurulmuş və onlar Bakıda keçiriləcək VI Bakı Beynəlxalq Kitab Sərgi-Yarmarkasına dəvət olunmuşdur. Həmçinin sərgi haqqında məlumat İtaliya mətbuatında da işıqlandırılmışdır.