Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1110

Özbəkistanda gənc azərbaycanlı şair Fərid Hüseynin “Səmərqənd divanı” kitabının təqdimatı keçirilib

Özbəkistandakı Heydər Əliyev adına Azərbaycan Mədəniyyət Mərkəzində (AMM) gənc şair Fərid Hüseynin Daşkənddə Azərbaycan, özbək və rus dillərində çap olunan “Səmərqənd divanı” kitabının təqdimatı keçirilib.

Mərasimində Özbəkistanın yazıçı və şairləri, Daşkənddəki ali məktəblərin müəllim və tələbələri, jurnalistlər iştirak ediblər.

Foyedə müəllifin yeni çapdan çıxan “Səmərqənd divanı” adlı poetik silsiləsinin, habelə mərkəzin layihəsi ilə nəşr olunan kitabların sərgisi də keçirilib.

AMM-nin direktoru Samir Abbasov Fərid Hüseynin yaradıcılığı haqqında danışıb, əsərdə Şərqin ən böyük memarlıq abidəsi sayılan Səmərqənd şəhərinin möhtəşəm tarixi, onun keçdiyi inkişaf yoluna işıq saldığını qeyd edib.

Alim və tərcüməçi Babahan Şərif Fərid Hüseynin yaradıcılığı haqqında danışaraq, gənc şairin Özbəkistan üçün xüsusi əhəmiyyət kəsb edən mövzu – tarixi Səmərqənd şəhəri haqqında əsər yaratdığına görə təşəkkürünü bildirib. O, müxtəlif dillərdən əsərlərin Azərbaycan dilinə tərcümə etdiyini bildirib, şairin tərcüməçilik fəaliyyətini də yüksək qiymətləndirib.

“Səmərqənd divanı”nı özbək dilinə tərcümə edən şair Tahir Qahhar deyib ki, Fərid Hüseyn bu poetik silsiləni qələmə almaqla ilk növbədə mövcud ənənəni davam etdirib, Səmərqəndin tarixi yerlərini ziyarət etdikdən sonra şəxsi, ictimai, fəlsəfi duyğu və düşüncələrini, əbədiyyət, fanilik, ötəriliklə bağlı fikirlərini bölüşüb.

Özbək şair və tərcüməçi Şəhla Qasımova sirlər şəhəri olan Səmərqənd haqqında dünyada və Özbəkistanda çoxsaylı əsərlərin yaradıldığını, tarixi və əfsanələri ilə insanları heyrətləndirən bu qədim şəhərin hələ də şair və yazıçıların ilham mənbəyi olduğunu qeyd edib.

Dosent Şaxnoza Nurbekova, alim Umidə Dostova çıxışlarında Şərqin ən unikal memarlıq irsi sayılan Səmərqənd mövzusunda əsər yaradan Azərbaycan şairinə öz təşəkkürlərini bildirdilər.

Sonda Fərid Hüseyn çıxış edərək əsərin yaranma səbəbi, Şərqin ən böyük tarixə, zəngin mədəniyyətə malik, böyük bir imperiyanın paytaxtı olan Səmərqənd şəhəri haqqında danışıb. O, monoloqdan ibarət olan əsərini fanilik duyğusuna ithaf etdiyini qeyd edib və onu Azərbaycan şairi Xaqaninin “Mədain xərabələri” adlı əsərindən sitat gətirməklə başladığını söyləyib.

Tədbirdə Fərid Hüseyn Azərbaycan-Özbəkistan ədəbi əlaqələri sahəsindəki fəaliyyətinə görə AMM-nin fəxri diplomu ilə təltif olunub.

Sonra müəllifin imza mərasimi keçirilib, yeni nəşr olunan kitablar iştirakçılara təqdim olunub.

XƏBƏRLƏR

03.07.2020 16:57
Dəyişən reallığa uyğunlaşan mədəniyyət
03.07.2020 16:52
Murad Hüseynov: Virusa qalib gəlməyin yeganə yolu məsuliyyətli davranmaq, karantin qaydalarına ciddi riayət etməkdir
02.07.2020 14:38
Mədəniyyət müəssisələrinin fəaliyyətinə həsr olunmuş iclas keçirilib
02.07.2020 13:27
Vikipediyada Mikayıl Müşfiq haqqında özbək dilində bölmə istifadəyə verilib
01.07.2020 15:43
Beynəlxalq Muğam Mərkəzindən canlı yayımlar davam edir
01.07.2020 11:50
Avropa Şurasının Mədəniyyət, irs və landşaft məsələləri üzrə Rəhbər Komitəsinin növbəti iclası videokonfrans formatında keçirilib
30.06.2020 15:51
Xətai Sənət Mərkəzinin təşkilatçılığı ilə uşaqlar üçün nəzərdə tutulan rəsm müsabiqəsi davam edir
30.06.2020 15:48
Azərbaycan və Özbəkistan məktəbliləri arasında beynəlxalq onlayn festival təşkil ediləcək
30.06.2020 15:08
Peşəkar kitabxanaçılar arasında debat keçirilib
30.06.2020 15:02
Beynəlxalq Muğam Mərkəzi tərəfindən unudulmaz xanəndənin irsi ilə bağlı tədqiqatlar davam etdirilir
30.06.2020 11:42
Əməkdar artist Emin Əliyevin rəhbərliyi ilə onlayn rəqs kursları davam edir
29.06.2020 13:22
“Tərəfdaşlarla görüş” layihəsi çərçivəsində növbəti onlayn videokonfrans təşkil olunub
26.06.2020 17:32
Respublika Gənclər Kitabxanası Silahlı Qüvvələr Günü münasibətilə videoçarxlar hazırlayıb
25.06.2020 17:09
“Birgə mütaliə” layihəsinin növbəti kitab müzakirəsi narkomaniyanın törətdiyi fəlakətlər və onlarla mübarizəyə həsr olunub
25.06.2020 11:10
“Mənim yay tətilim-2020” Respublika Uşaq Rəsm Müsabiqəsi davam edir
25.06.2020 11:09
Bölgələrdəki mədəniyyət müəssisələrinin fəaliyyəti onlayn formada davam edir
24.06.2020 17:03
Gəncədə “Şah Abbas” və “Uğurlu Xan” karvansara kompleksi bərpadan sonra istifadəyə verilib
24.06.2020 11:16
Açıq xarakterli mədəni konsaltinq xidmətləri davam edir
23.06.2020 12:32
“Minnətdarıq” adlı respublika rəsm müsabiqəsinin onlayn sərgisi açılıb
23.06.2020 10:11
“Birgə mütaliə” adlı layihə davam edir
22.06.2020 11:02
INTERACT layihəsi çərçivəsində Andrey Zvyaqintsevlə onlayn ustad dərsi baş tutub
22.06.2020 10:43
Beynəlxalq Muğam Mərkəzinin direktoru Murad Hüseynov beynəlxalq onlayn konfransda iştirak edəcək
22.06.2020 10:35
Bədii təhsilin perspektivliyi müzakirə edilib