Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1570

“Pazırık xalısı. Rəmzlər dünyası” kitabının təqdimatı olub

Martın 7-də Azərbaycan Xalça Muzeyində xalçaçı rəssam, Azərbaycan Dövlət Rəssamlıq Akademiyasının dosenti Məmmədhüseyn Hüseynovun müəllifi olduğu “Pazırık xalısı. Rəmzlər dünyası” adlı kitabının təqdimatı keçirilib.

Kitab Mədəniyyət və Turizm Nazirliyinin dəstəyi ilə çap olunub.

Təqdimat mərasimində çıxış edən mədəniyyət və turizm naziri Əbülfəs Qarayev xalqımızın yaratdığı digər mədəni irs nümunələri kimi xalçaçılıq sənətinin inkişafı, eləcə də Azərbaycan xalçalarının dünyada tanıdılması istiqamətində görülən işlərdən danışıb. Qeyd edib ki, Prezident İlham Əliyev “Azərbaycan Respublikasında xalça sənətinin qorunmasına və inkişaf etdirilməsinə dair 2018-2022-ci illər üçün Dövlət Proqramı”nın təsdiq edilməsi haqqında Sərəncam imzalayıb. Bu Sərəncamın icrası milli xalçaçılıq ənənələrinin qorunması və inkişaf etdirilməsi yolunda böyük addım olacaq.

Vurğulanıb ki, ölkəmizin Birinci vitse-prezidenti Mehriban Əliyevanın xidmətləri sayəsində 2010-cu ildə Azərbaycan xalça sənəti UNESCO-nun Qeyri-Maddi Mədəni İrs üzrə Reprezentativ Siyahısına daxil edilib.

Əbülfəs Qarayev söyləyib: “Qədim tarixə malik Azərbaycan xalçaçılıq sənəti bu gün də öz ənənələrini davam etdirərək gələcək nəsillərə ötürülür. Xalçaçılıq dekorativ-tətbiqi sənətin ən geniş yayılmış növlərindən biri kimi tarixən Azərbaycan xalqının həyatında, məişətində çox mühüm yer tutub. Hər bir xalça toxunduğu yerin təbiəti, onu ərsəyə gətirən insanların dünyagörüşü və inancları ilə bağlı simvolları əks etdirən sənət əsəridir. Ayrı-ayrı regionların coğrafiyası, tarixi, mədəni və dini mühiti xalçanın özünəməxsus ornament, kompozisiya və digər elementlərinə təsir göstərir. Elə ona görə də xalçaçılığın inkişafı tarixi, mədəni və maddi irsin qorunması baxımından müstəsna əhəmiyyət kəsb edir”.

Nazir qeyd edib ki, yeni çap olunan kitabda da yer alan və 2500 il tarixi olan Pazırık xalçası türk xalqlarının yaratdığı bir sənət nümunəsi kimi digər xalqlara güclü təsir edib. Kitabın əhəmiyyətini yüksək dəyərləndirən nazir bildirib ki, belə kitablar ingilis, fransız, eləcə də digər dillərə tərcümə olunaraq dünya ölkələrinə yayılmalıdır.

Azərbaycan Xalça Muzeyinin direktoru Şirin Məlikova çıxış edərək kitabın türk dünyasının xalça sənətinin öyrənilməsində qiymətli mənbə olduğunu deyib: “Pazırık xalçasının yaşı 2500 ilə bərabərdir və 1949-cu ildən tədqiq olunur. Müəllif bu tədqiqatda müxtəlif yanaşmaları nəzərə alaraq, bu xalının məhz türk xalqlarına məxsus olduğunu sübut edir. Bu kitab milli mədəni dəyərlərimizə, maddi irsimizə sahiblənmək istəyənlərə tutarlı bir cavabdır. Kitabda muzeyin bir neçə eksponatı da yer alır”.

Milli Məclisin deputatı, akademik Nizami Cəfərov qeyd edib ki, böyük tarixə və zəngin mədəniyyətə sahib türk xalqlarının yaratdığı sənət nümunələrindən biri də xalçaçılıq sənətidir. Digər xalqlar zaman-zaman mədəni irs nümunələrimizə sahib çıxmağa çalışıblar. Bu mənada xalçaçılıq sənətimizdə bu cür hücumlardan yan keçməyib. Ona görə də bütün mədəni, mənəvi irsimizə həssaslıqla yanaşıb, onu araşdırıb, öyrənib dünyaya tanıtmalıyıq.

Akademik Teymur Bünyadov, Xalq rəssamları Ömər Eldarov və Ağəli İbrahimov çıxış edərək kitabın Azərbaycan xalçaçılıq sənətinin tarixi üçün qiymətli bir elmi əsər olduğunu diqqətə çatdırıblar.

Sonda bütün iştirakçılara minnətdarlığını bildirən tədqiqatçı, xalçaçı rəssam Məmmədhüseyn Hüseynov müəllifi olduğu kitabda Dağlıq Altayın Pazırık vadisindəki kurqanlardan birində aşkarlanmış dünyanın ən qədim xalısı hesab edilən Pazırık xalısı ilə bağlı aparılmış tədqiqatdan bəhs olunduğunu qeyd edib. Vurğulayıb ki, dörd hissədən ibarət bu kitabda Pazırık xalısının tarixiliyi, kompozisiya quruluşu, bədii cəhətləri və rəmzləşmiş mahiyyəti ilə bağlı məsələləri araşdırıb. Son səhifələrdə türk, rus və ingilis dillərində xülasə verilib. Kitabda türk xalqlarının xalça sənəti nümunələrindəki naxış və motivlərlə Pazırık xalısı elementlərinin arasındakı oxşar xüsusiyyətlərin incələnməsi müşahidə edilir.

XƏBƏRLƏR

18.12.2018 15:36
Tahir Salahovun əsərləri dünya təsviri sənətinin inciləri sırasında yer alır
18.12.2018 14:26
Azərbaycan Milli İncəsənət Muzeyinin üçüncü korpusu əsaslı bərpa və yenidənqurmadan sonra açılıb. Prezident İlham Əliyev və birinci xanım Mehriban Əliyeva açılışda iştirak ediblər
18.12.2018 12:16
Türkiyənin Kastamonu şəhərində TURKSOY Daimi Şurasının növbəti iclası işə başlayıb
18.12.2018 10:52
Daşkənddə özbək ədəbiyyatının klassiki, soydaşımız Maqsud Şeyxzadəyə həsr olunmuş elmi konfrans keçirilib
18.12.2018 09:46
Sumqayıt Regional Mədəniyyət idarəsinin şəbəkəsinə daxil olan uşaq incəsənət və musiqi məktəblərində silsilə tədbirlər keçirilib
17.12.2018 20:11
Cəfər Cabbarlının 120 illiyinin qeyd edilməsi haqqında Azərbaycan Respublikası Prezidentinin Sərəncamı
17.12.2018 16:10
Xaçmaz, Quba, Qusar və Şabrana növbəti səfər
17.12.2018 11:31
“… VƏ BÜTÜN QARANLIQ OTAQLAR” adlı şeirlər kitabının təqdimatı və imza mərasimi keçirilmişdir
17.12.2018 11:03
Akademik Milli Dram Teatrında Milli Qəhrəman Koroğlu Rəhimova həsr olunan tamaşa oynanılıb
17.12.2018 10:47
Vətən uğrunda ölüm həyatın davamıdır
15.12.2018 20:40
“Naxçıvan İslam Mədəniyyətinin Paytaxtı-2018”in bağlanış tədbiri keçirilib
15.12.2018 20:04
Naxçıvan Muxtar Respublikası Ali Məclisinin Sədri ISESCO-nun Baş direktorunun və TÜRKSOY-un Baş katibinin müavinləri ilə görüşüb
15.12.2018 09:02
Prezident İlham Əliyev Xalq rəssamı Tahir Salahovun 90 illik yubileyinə həsr edilən sərgi ilə tanış olub
15.12.2018 08:52
Bakı Ekspo Mərkəzində dünya şöhrətli rəssam Tahir Salahovun 90 illik yubileyinə həsr edilən sərgi açılıb
14.12.2018 18:11
Mədəniyyət nazirinin müavini Sevda Məmmədəliyeva YUNESKO-da görüşlər keçirib
14.12.2018 15:46
Xoreoqrafiya Akademiyasında Üzeyir Hacıbəyli məktəbinə həsr olunmuş elmi-praktiki seminar keçirilib
14.12.2018 14:51
Bakıda ilk zooparkın yaradılmasından 90 il ötür
14.12.2018 14:33
Mədəniyyət Nazirliyinin nümayəndə heyəti İtaliyanın Pyemonte regionunda “İnteqrasiyalı idarəetmənin planlaşdırılması” mövzusunda tədqiqat səfərində olub
14.12.2018 11:51
Mədəniyyət naziri Hacıqabulda vətəndaşları qəbul edib
14.12.2018 10:04
Şəki Uşaq İncəsənət Məktəbinin 80 illik yubileyi qeyd olunub
14.12.2018 09:09
“YARAT”da tanınmış gürcü rəssamın fərdi sərgisi üçün press-tur təşkil edilib
14.12.2018 09:03
Xalq artisti Həsən Məmmədova həsr olunmuş növbəti tədbir -“Ömür keçdi, gün keçdi”
13.12.2018 16:28
Mədəniyyət nazirinin müavini Rafiq Bayramovun rəhbərlik etdiyi nümayəndə heyəti İtaliyanın Pyemonte regionunda tədqiqat səfərindədir
13.12.2018 15:39
Bərdə Regional Mədəniyyət İdarəsinin tabeliyində olan Heydər Əliyev Mərkəzləri ulu öndər Heydər Əliyevin zəngin irsini layiqincə təbliğ edirlər
13.12.2018 12:08
Azərbaycan Respublikası Mədəniyyət Nazirliyinin dəstəyi ilə “DOĞMA DİYAR” uşaq rəsm müsabiqəsinin yekun sərgisi keçiriləcəkdir
13.12.2018 11:15
“Mədəniyyət.AZ” jurnalının növbəti sayı oxucularla görüşə gəlib
13.12.2018 09:41
Bakı Expo Mərkəzində Xalq rəssamı Tahir Salahovun 90 illik yubileyinə həsr olunmuş sərgi keçiriləcəkdir
12.12.2018 16:50
Qazax rayon MKS tərəfindən Ulu Öndər Heydər Əliyevin anım günü ilə əlaqədar sərgi təşkil olunub
12.12.2018 16:41
Bu gün Heydər Əliyev Sarayında Azərbaycan xalqının Ümummilli liderinin anım mərasimi keçirilib