Qazax rayon Mərkəzi kitabxananın Uşaq şöbəsində şair Cavanşir Rüstəmin “Pəncərəmi döyür bahar” adlı kitabının təqdimat mərasimi keçirildi. Tədbirdə şair Cavanşır Rüstəm, Rzazadə Mübariz, MİHİ –nin Qazax rayon komitəsinin sədri İsgəndər Qurbanov, mədəniyyət işçilərindən ibarət 55 nəfər iştirak etdi.
Tədbiri giriş sözü ilə Uşaq şöbəsinin müdiri Firəngiz Abdıyeva açaraq Cavanşir Rüstəmin həyat və yaradıcılığından ətraflı məlumat verdi. Sonra söz şair Mübariz Rzazadəyə verildi. O, öz müəllimi Cavanşir Rüstəm haqqında xoş xatirələrindən danışdı. Şairin şerləri - 2 saylı orta məktəbin şagirdi Hacızadə Ülkərin, M.Hüseyn adına lisey məktəbin şagirdləri Şəkilova Nəzrinin, Mustafayeva Nurayın, 3 saylı orta məktəbin şagirdləri Qasımov İlkinin, Qasımova Ayselin, Quluyeva Aytacın, Q.Hacımahmudova adına məktəbin şagirdiləri Həsənov Cavidin, Musayeva Aydanın, 1 saylı musiqi məktəbinin şagirdi Elgünün sazda ifasında səsləndirildi. Sonda MİHİ-nın sədri İ. Qurbanov, Rəsm Qaleriyasının müdiri M. Xəlilova və kitabxana işçiləri öz xoş sözlərini şairə ünvanladılar, ona gələcək işlərində uğurlar arzuladılar.
Alpout kənd kitabxana filialı “Səyyar kitabxan” adlı tədbir keçirdi. Gün ərzində açıq havada keçirilən tədbirdə 35 nəfər iştirak etdi. Gənc nəslin asudə vaxtlarının səmərəli keçirməsi məqsədilə təşkil olunmuş sərgidə “Əziz oxucum, bizi oxuyun”, “Nağıllı dünya uşaqların gözü ilə” və s. başlıqda 50 nüsxədə kitab, jurnal və müxtəlif təbliğat vasitələri nümayiş olunub.
Kitabxana fililaın müdiri Firənfiz Nəsibova iştirakçılara bildirdi ki, tədbirin həyata keçirilməsində əsas məqsəd oxucu kütləsini kitabxanalara cəlb etmək və onların mütaliəyə olan marağını artırmaqdır. Kitabsevərlər kitabxanaya üzv yazılıb. Tədbir kənd sakinlərinin marağına səbəb olub.
