Qazax rayonunda xalq yazıçısı İsa Muğannanın anadan olmasının 90 illiyinə həsr olunmuş “Ustad ömrü” adlı tədbir keçirilib
08 iyun 2018-ci il tarixdə Qazax rayon E.Hüseynov adına Mərkəzi Kitabxananın Oxu zalında Azərbaycan ədəbiyyatının görkəmli nümayəndəsi, Xalq yazıçısı İsa Muğannanın anadan olmasının 90 illiyinə həsr olunmuş “Ustad ömrü” adlı tədbir keçirilib. Tədbirdə şəhər tam orta və 2 saylı Uşaq musiqi məktəblərinin şagirdləri, fəal oxucular, mədəniyyət işçilərindən bir qrup iştirak edib.
Milli nəsrimizin fəxri, zəngin yaradıcılığında tarixi və müasir həyat həqiqətlərini dolğunluqla əks etdirən Ustadın ömür yolu haqqında kino - xronika nümayiş etdirilib. Buradan aydın görünür ki, 120 illiyini qeyd etdiyimiz Azərbaycan kino tarixinə İsa Muğanna ssenari müəllifi kimi əvəzsiz filmlər töhvə etmişdir. Sonda müasir həyatımızı əks etdirən, ədibin ssenari müəllifi olduğu “Tütək səsi” filmini tədbir iştirakçıları xüsusi maraqla izləyiblər.