“Qızıl Ay” Rəsm Kursunun rəssamlarının “AZAD AZƏRBAYCANIM” adlı sərgisinin həyata keçirilməsi nəzərdə tutulmuşdur
2018-ci il, may ayının 26-da, saat 17:00-da Xətai Sənət Mərkəzində “Qızıl Ay” Rəsm Kursunun rəssamlarının “AZAD AZƏRBAYCANIM” adlı sərgisinin həyata keçirilməsi nəzərdə tutulmuşdur.
Məqsəd Azərbaycan Rəssamlar İttifaqı və Xətai Sənət Mərkəzinin təşkilatçılığı ilə “Azərbaycan Xalq Cümhuriyyəti İli” çərçivəsində uşaqlarda bədii zövqün formalaşmasını stimullaşdırmaq, yaradıcılıq duyğularının inkışafı, əhatə olunmuş mühitə münasibət və ona yanaşma tərzinin mükəmməlləşməsinə təkan, ən əsas da doğma elə, vətənə - onun tarixinə, bu gününə məhəbbəti aşılamaqdır.
Sözügedən tədbirdə Rəssamlar İttifaqının nümayəndələrinin, memarların, incəsənət xadimlərinin və rəssamların, həmçinin kütləvi informasiya vasitələrinin mənsublarının iştirakı nəzərdə tutulmuşdur. Sərgidə 40-dan çox şagirdin əsərlərinin nümayişi nəzərdə tutulmuşdur.
Sərgidə tədbir iştirakçıları 3 naminasiya üzrə dəyərləndiriləcək və hədiyyələrlə təltif olunacaqlar.
1. I nominasiya:
• “QIZIL AY” rəsm kursunda 3 ölçülü formaların çəkilməsi, tonların hiss edilməsi, sulu boya texnikasından rahat istifadə proqramını müvəffəqiyyətlə başa vurduğuna görə.
2. II nominasiya:
• “QIZIL AY” rəsm kursunda natürmortun qurulması, kompozisiya və rəng palirtası ilə yaxından tanışlıq proqramını müvəffəqiyyətlə başa vurduğuna görə.
3. III nominasiya:
• fəal iştiraklarına görə
Bundan əlavə, qonaqları rəqs nömrəsi ilə şou proqram da gözləyir.
Ünvan: Bakı şəhəri, Xətai rayonu, Xocalı pr 62
Tel:
+994 50 425 10 07; +994 55 214 10 07
+994 12 490 84 51/52/53