F.Köçərli adına Respublika Uşaq Kitabxanası 1 nömrəli Uşaq-Gənclər İnkişaf Mərkəzinin 290 nömrəli tam orta məktəbində fəaliyyət göstərən “Nitq mədəniyyəti” dərnəyinin üzvləri ilə birgə “Xocalının səsi” adlı tədbir keçirib.
Tədbirin keçirilməsində məqsəd gənc nəslin Vətənə məhəbbət, xalqa, elinə və obasına hörmət, soykökünə, öz ata-babalarının ənənələrinə sədaqət ruhunda tərbiyə olunması, onlarda inam hisslərinin gücləndirilməsidir.
Tədbirdə Azərbaycan Yazıçılar Birliyinin üzvü, filologiya üzrə fəlsəfə doktoru Fəridə Ləman çıxış edərək Xocalı faciəsindən geniş söhbət açıb. Bildirib ki, gün gələcək biz işğal olunmuş əzəli torpaqlarımızı düşmən tapdağından azad edəcəyik. Şair Xalidə İlyasqızı Turanlı erməni daşnaklarının dinc insanlarımızın başına gətirdikləri vəhşilikləri ürəkağrısı ilə danışıb.
Tədbir çərçivəsində, uşaqların ifasında Z.Yaqubun “Sizi qınamıram”, M.Dilbazinin “Xocalı fəryadı”, F.Ləmanın “Təəssüb” əsəri əsasında bədii kompozisiya təqdim edilib.
Sonda uşaqlara kitabxana tərəfindən təsis edilən “Göy qurşağı” uşaq jurnalı hədiyyə olunub.
