Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
610

Respublika Uşaq Kitabxanasında “Nəsiminin söz qüdrəti” adlı ədəbi-bədii gecə keçirilib

Firidun bəy Köçərli adına Respublika Uşaq Kitabxanası və Səbail rayonunda yerləşən 160 nömrəli tam orta məktəbin birgə təşkilatçılığı ilə böyük Azərbaycan şairi, mütəfəkkir İmadəddin Nəsiminin 650 illik yubileyinə həsr olunmuş “Nəsiminin söz qüdrəti” adlı ədəbi-bədii gecə keçirilib.

Tədbir “Nəsimi” filmindən “Haradasan” qəzəlinin ifa olunduğu fraqmentin nümayişi ilə başlayıb.

Tədbirdə Nəsimi obrazının mahir ifaçısı, Xalq artisti Rasim Balayev çıxış edərək tədbirdən böyük zövq aldığını bildirib və ədəbi-bədii kompozisiyasının məktəblilərin ifasında təqdim edildiyi üçün tədbirin təşkilatçılarını və uşaqları təbrik edib.

Vurğulanıb ki, Azərbaycan şairi İmadəddin Nəsiminin 650 illik yubileyinin qeyd edilməsi haqqında Prezident İlham Əliyevin imzaladığı Sərəncama əsasən ölkəmizdə şairin yaradıcılığına həsr olunmuş silsilə tədbirlər keçirilir. Bu da Nəsimi yaradıcılığı və fəlsəfəsinin dərindən öyrənilməsi baxımından olduqca əhəmiyyətlidir.

Bədii gecədə kitabxana tərəfindən Nəsiminin həyat və yaradıcılığını əhatə edən geniş kitab sərgisi təşkil olunub.

Tədbir çərçivəsində, məktəbin şagirdlərinin təqdimatında Nəsiminin həyat və yaradıcılığı haqqında geniş məlumat verilib.

Ədibin yaradıcılığından “Sığmazam”, “Mərhaba”, “Ağrımaz”, “Etməgil” və s. qəzəlləri ifa olunub, “Nəsimi” filmindən şah və vəzirin olduğu səhnə canlandırılıb.

Sonra Xalq artisti Ramiz Quliyevin müşayiəti ilə Rasim Balayevin ifasında “Neylərəm” qəzəlini dinləmək isə bütün iştirakçılara unudulmaz anlar yaşadıb.

XƏBƏRLƏR

23.08.2019 16:56
Cəbrayıl və Füzuli rayonlarının işğalının 26-cı ildönümü ilə əlaqədar anım tədbirləri keçirilmişdir
23.08.2019 15:22
Ağstafada “Yurd yerlərimiz yolumuzu gözləyir” adlı anım tədbiri təşkil edilib
22.08.2019 14:35
Daşkənddə azərbaycanlı alim Qulamhüseyn Əliyevin kitabının təqdimatı olub
22.08.2019 14:29
“Bir, iki – bizimki!” növbəti dəfə səhnədə...
21.08.2019 15:40
Bakıda “Salam” Beynəlxalq Yeniyetmə Kino Festivalı keçiriləcək
21.08.2019 10:52
“Şairə ithaf” adlı respublika rəsm müsabiqəsi davam edir
21.08.2019 09:00
Maestro Niyazinin xatirəsi anılıb
20.08.2019 15:43
“Cəhənnəm sakinləri” yenidən səhnədə...
20.08.2019 15:39
Nazir müavini Rafiq Bayramov Avrasiya Xalqları Assambleyasının nümayəndə heyəti ilə görüşüb
19.08.2019 16:53
Qazaxda Xalq şairi Mirvarid Dilbazinin xatirəsi anılıb
19.08.2019 16:23
Lənkəran Dövlət Dram Teatrı İranda “Adət-Ənənə” Milli Teatr Festivalında iştirak edib
19.08.2019 09:38
Bakı Uşaq Teatrının gənc artistləri Latviyada keçirilən müsabiqədə iştirak edirlər
17.08.2019 21:40
Dünya şöhrətli müğənni Müslüm Maqomayevin xatirəsi anılıb