Fevralın 17-də Heydər Əliyev Sarayında uşaqlar üçün orijinal və interaktiv yeni tamaşa “İşıqlı kuklalar şousu” təqdim olunacaq.
Qeyd edək ki, dünyanın ən tanınan kuklaçılarından biri olan Nikolay Zıkov teatrının təqdim etdiyi bu unikal tamaşa bənzərsiz uğurlarla bütün dünyada sevilir. 200-dən çox kukla yaradan, Avropa, Asiya, Afrika, Şimali və Cənubi Amerikanın 40-dan çox ölkəsində tamaşalarla çıxış edən Nikolay Zıkov 20-dən çox kukla şousunun müəllifi, rejissoru, rəssamı və ifaçısıdır. Həmçinin o, yenilikçi yaradıcılıq fəaliyyəti və peşakar ifaçılığına görə bir çox beynəlxalq mükafatlara layiq görülüb.
Nikolay Zıkov teatrının təqdimatında Bakıda ilk dəfə keçiriləcək "İşıqlı kuklalar" şousuna göstərilən marağı və çoxsaylı tamaşaçı müraciətlərini nəzərə alaraq həmin şounun əlavə (saat: 16:00) seansının keçirilməsi qərara alınıb. Öz kreativliyi ilə fərqlənən, yeni, parlaq, unudulmaz, qeyri-adi və unikal işıqlı kuklalar hər yaşda tamaşaçıların böyük marağına səbəb olacaq. İkinci seansın biletləri artıq satışdadır və şəhərin kassalarından əldə etmək olar.
Əlaqə telefonları: (012) 441-21-31, (050) 332-36-30