Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
344

“Tarixi şəxsiyyətlər” jurnalının Özbəkistana həsr edilən nömrəsinin Daşkənddə təqdimatı olub

Azərbaycanın Özbəkistandakı səfirliyi və bu qurumun nəzdindəki Heydər Əliyev adına Azərbaycan Mədəniyyət Mərkəzi Prezident Şavkat Mirziyoyevə və Özbəkistana həsr olunan “Tarixi şəxsiyyətlər” jurnalının təqdimat mərasimini keçirib.

Xatırladaq ki, Bakıda çap olunan “Tarixi şəxsiyyətlər” jurnalı Özbəkistan Prezidenti Şavkat Mirziyoyevi 2019-cu ildə “İlin adamı” elan edib.

Tədbirdə Özbəkistanın Xarici İşlər naziri Əbdüləziz Kamilov, Azərbaycanın Özbəkistandakı səfiri Hüseyn Quliyev, nazirlər, deputatlar, səfirlər, beynəlxalq təşkilatların nümayəndələri, jurnalistlər iştirak ediblər.

Mərasimi Hüseyn Quliyev açaraq bildirib ki, Özbəkistan vətəndaşlarının həyatında baş verən köklü dəyişikliklər bilavasitə Prezident Şavkat Mirziyoyevin həyata keçirdiyi islahatlarla bağlıdır. Ötən il Özbəkistanın həyatında daha bir köklü dəyişiklik baş verib. Belə ki, Özbəkistan Türkdilli Dövlətlərin Əməkdaşlıq Şurasının tamhüquqlu üzvü olub. Özbəkistanın bu təşkilata üzv olması gələcəkdə türk dövlətlərinin möhkəmlənməsinə, dünyada baş verən siyasi, iqtisadi sarsıntılara birgə sinə gərməyə xidmət edəcək.

Səfir vurğulayıb ki, Özbəkistanın Naxçıvan sazişini paraflaması və Türk Şurasına üzv olması Azərbaycan üçün böyük əhəmiyyət daşıyır. Dövlətlərimizin xarici siyasətində Azərbaycanla Özbəkistan arasında dostluğun və qarşılıqlı inamın möhkəmlənməsi ön plandadır. Özbəkistan Prezidenti Şavkat Mirziyoyev Türk Şurası çərçivəsində Bakıda Azərbaycan Prezidenti İlham Əliyevlə görüşü zamanı deyib: “Başlıcası, Siz Özbəkistanın həmişə - əvvəllər də, indi də Azərbaycanın ərazi bütövlüyünü dəstəklədiyini bilirsiniz və Siz buna əmin olmalısınız. Bu, bizim səmimi arzumuzdur. Çünki Azərbaycanın ərazi bütövlüyü çox mühümdür. Hər şey sülh yolu ilə olmalıdır, Birləşmiş Millətlər Təşkilatının bütün qərarları yerinə yetirilməlidir. İlham Heydər oğlu, biz bunu həmişə dəstəkləmişik və gələcəkdə də mütləq dəstəkləyəcəyik”.

Səfir deyib ki, Özbəkistanın dünya miqyasında siyasi və iqtisadi nüfuzunun yüksəldilməsi sahəsindəki böyük əməyinə, Azərbaycanla Özbəkistan arasında dostluq münasibətlərinin inkişafı istiqamətindəki xidmətlərinə görə Bakıda çap edilən “Tarixi şəxsiyyətlər” jurnalının redaksiya heyəti Özbəkistan Prezidenti Şavkat Mirziyoyevi 2019-cu ildə “İlin adamı” elan edib.

XƏBƏRLƏR

26.03.2020 17:38
Əməkdar rəssam Rəşid Həsənov (Şerif) vəfat edib
26.03.2020 15:43
Mərkəzi İncəsənət məktəbində “Bizi birləşdirən mədəniyyət” layihəsinin çəkilişlərinə start verildi
26.03.2020 14:04
Milli İncəsənət Muzeyi onlayn iş rejiminə keçib
26.03.2020 14:01
“Yuğ” Teatrı Koronavirusla Mübarizəyə Dəstək Fonduna vəsait köçürüb
25.03.2020 13:55
Teatr Xadimləri İttifaqı Koronavirusla Mübarizəyə Dəstək Fonduna vəsait köçürüb
25.03.2020 13:42
“Bizi birləşdirən mədəniyyət” layihəsinə start verilir
23.03.2020 14:27
Əbülfəs Qarayev Mədəniyyət Nazirliyinin rəsmi facebook səhifəsi vasitəsilə ictimaiyyətə müraciət ünvanlayıb
23.03.2020 10:39
Muzeyləri onlayn ziyarət etmək imkanı yaradıldı
19.03.2020 17:38
Mədəniyyət naziri Novruz bayramı münasibətilə ölkəmizin mədəniyyət ictimaiyyətini təbrik edib
19.03.2020 14:12
“Vətənimizə virtual səyahət” layihəsi çərçivəsində Gəncə şəhəri haqqında videoçarx hazırlanıb
19.03.2020 13:51
Prezident İlham Əliyevin Novruz bayramı münasibətilə Azərbaycan xalqına təbriki
18.03.2020 14:03
Mehriban Əliyeva: Əminəm ki, müdrik xalqımızın ən gözəl xüsusiyyətləri sayəsində biz birlikdə bu ciddi çağırışın öhdəsindən gələcəyik
18.03.2020 10:27
Azərbaycan musiqi tarixinin korifeyi - Xan Şuşinski
17.03.2020 16:59
Özbəkistanda Şah İsmayıl Xətainin anadilli “Divan”ının nadir və unikal nüsxəsi aşkar edilmiş və onun surəti əldə edilib
17.03.2020 16:19
Xalq artisti Rafael Dadaşov son mənzilə yola salındı