Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
2235

UNESCO-nun Baş direktoru tərəfindən imzalanmış sertifikatlar Mədəniyyət və Turizm Nazirliyinə təqdim olunub

Aprelin 13-də Bakıda "Dolma hazırlama və paylaşma ənənəsi” və “Kamança hazırlanması və ifaçılıq sənəti” nominasiyalarının UNESCO-nun Qeyri-Maddi Mədəni İrs üzrə Reprezentativ Siyahısına daxil edilməsini təsdiqləyən sertifikatların təqdimatı olub.

Mədəniyyət və Turizm Nazirliyinin təşkilatçılığı ilə reallaşan tədbirdə dövlət və hökumət rəsmiləri, respublikanın tanınmış elm, mədəniyyət xadimləri, ölkəmizdə akkreditasiya olunmuş diplomatik korpusun nümayəndələri iştirak ediblər.

Mədəniyyət və turizm nazirinin müavini Sevda Məmmədəliyeva təmsil etdiyi qurumun adından Prezident İlham Əliyevi yenidən ölkə başçısı seçilməyi münasibətilə təbrik edib.

Kamança və dolmanın UNESCO-nun Qeyri-Maddi Mədəni İrs üzrə Reprezentativ Siyahısına daxil edilməsindən danışan S.Məmmədəliyeva deyib ki, bu ötən ilin ən mühüm hadisələrindən biri olub. Buna görə də UNESCO-nun müvafiq siyahısına daxil edilən mədəni irs nümunələrinin sayına görə ölkəmiz lider ölkələr sırasındadır. Heydər Əliyev Fondunun prezidenti Mehriban Əliyevanın yorulmaz fəaliyyəti nəticəsində qədim və zəngin Azərbaycan mədəniyyəti milli çərçivədən beynəlxalq səviyyəyə çıxaraq ümumdünya mədəniyyətinin və irsinin bir parçası kimi təsdiqini tapıb.

UNESCO ilə əməkdaşlığın inkişafında, mədəni irsimizin qorunması və dünya miqyasında təbliğində müstəsna rolu olan Azərbaycan Respublikasının Birinci vitse-prezidenti, Heydər Əliyev Fondunun prezidenti, UNESCO-nun və ISESCO-nun xoşməramlı səfiri Mehriban Əliyevanın dəstəyi ilə hazırda kamança hazırlanması və ifaçılıq sənətindən başqa, dolma hazırlama və paylaşma ənənəsi, Azərbaycan muğam ifaçılığı, lavaş bişirmə və paylaşma ənənəsi, Lahıc misgərlik sənəti, aşıq sənəti, Novruz bayramı, xalça sənəti, tar ifaçılığı, kəlağayı sənəti UNESCO-nun Qeyri-Maddi Mədəni İrs üzrə Reprezentativ Siyahısında, həmçinin Çövkən – Qarabağ ənənəvi atüstü oyunu isə UNESCO-nun təcili qorunmaya ehtiyacı olan qeyri-maddi mədəni irs siyahısında yer alır.

“Azərbaycan UNESCO-nun Dünya İrs Komitəsi ilə də sıx əməkdaşlıq edir. Hazırda İçərişəhər və Şirvanşahlar Kompleksi, eyni zamanda, Qobustan bədii qoruğu Ümumdünya İrs Siyahısındadır. İnanırıq ki, növbəti il Şəki və onun tarixi ərazisi də bu siyahıya əlavə edilməklə xalqımızın maddi mədəni irs nümunələrinin də beynəlxalq səviyyədə tanınmasına əlavə töhfə olacaqdır”,-deyə Sevda Məmmədəliyeva vurğulayıb.

Nazir müavini deyib ki, əslində, mədəni irsimizin beynəlxalq səviyyədə tanıdılması uzun bir mübarizə yoludur. Çünki Ermənistan torpaqlarımızı işğal etməklə kifayətlənməyərək mədəniyyətimizə və tariximizə qarşı saxtalaşdırma, mənimsəmə kampaniyası aparır. Ona görə də UNESCO tərəfindən mədəni irs nümunələrimizin tanınması olduqca vacibdir.

S.Məmmədəliyeva deyib: “Dolma hazırlama və paylaşma ənənəsi” milli element kimi, “Kamança hazırlanması və ifaçılıq sənəti” çoxmillətli mədəni irs nümunəsi kimi Bəşəriyyətin Qeyri-Maddi Mədəni İrs üzrə Reprezentativ Siyahında yer alması məsuliyyət və öhdəliyimizi daha da artırır. Artıq bu elementlər dünya mədəniyyətinin bir parçası kimi beynəlxalq səviyyədə tanınmışdır. Bu məqsədlə nazirlik tərəfindən silsilə tədbirlər və layihələr həyata keçiriləcəkdir”.

Xarici İşlər Nazirliyinin xüsusi tapşırıqlar üzrə səfiri - UNESCO üzrə Azərbaycan Respublikasının Milli Komissiyasının baş katibi Elnur Sultanov çıxış edərək deyib ki, xalqımız aprelin 11-də keçirilən prezident seçkilərində bir daha öz iradəsini ortaya qoyaraq Azərbaycanın parlaq gələcəyi naminə seçimini etdi. O, tədbirin təşkilində əməyi olan hər kəsə təşəkkürünü bildirib. Ölkəmizin dünyada artan nüfuzundan danışan E.Sultanov Azərbaycanın beynəlxalq təşkilatlardakı mövqeyini vurğulayıb.

Qeyd edilib ki, ölkəmiz 25 ildir ki, UNESCO ilə əməkdaşlıq edir. Bu əməkdaşlığın daha da inkişaf etməsində Heydər Əliyev Fondunun həyata keçirdiyi layihələr xüsusi qeyd olunmalıdır. Azərbaycanın 13 mədəni irs nümunəsi UNESCO-nun müvafiq siyahısına daxil edilib.

Diqqətə çatdırılıb ki, kamança və dolmanın UNESCO-nun Qeyri-Maddi Mədəni İrs üzrə Reprezentativ Siyahısına daxil edilməsi UNESCO-nun Qeyri-Maddi Mədəni İrsin Qorunması üzrə Hökumətlərarası Komitəsinin Koreya Respublikasının Jeju adasında keçirilən 12-ci sessiyasında reallaşıb. Sessiya zamanı ölkəmizin İran İslam Respublikası ilə birgə təqdim etdiyi “Kamança simli musiqi alətinin hazırlanması və ifaçılıq sənəti” UNESCO-nun müvafiq siyahısına daxil edilib.

“Mehriban xanım Əliyevanın mədəni irsimizə diqqət və qayğısı nəticəsində Azərbaycan süfrəsinin bəzəyi olan dolmanın xalqımızın qədim və milli mədəni kimliyinin göstəricisi kimi tanıdılması və bu nominasiyadan UNESCO-nun Qeyri-Maddi Mədəni İrs üzrə Reprezentativ siyahısına daxil edilməsi məqsədilə UNESCO-da səmərəli işlər aparılması qürur doğuran nəticəyə gətirib çıxarıb. Azərbaycan xalqının ən qədim mədəni irsinin nümunələrindən biri olan kamança İran İslam Respublikası ilə birgə çoxmillətli nominasiya kimi UNESCO-nun siyahısına daxil edilib. Ölkəmizin qədim və zəngin mədəniyyətinin dünyada tanıdılması üçün qarşıda duran işlər çoxdur. UNESCO üzrə Azərbaycan Milli Komissiyası olaraq bu istiqamətdə ölkəmizin aidiyyəti qurumları ilə uğurlu əməkdaşlıq edirik. Ümid edirəm birgə səylər nəticəsində yeni nailiyyətlərimiz çox olacaq”, -deyə E.Sultanov söyləyib.

Sonra Azərbaycan tərəfinin təqdim etdiyi “Mədəni kimliyin göstəricisi, dolmanın bişirilməsi və paylaşılması ənənəsi” adlı nominasiyanın, həmçinin Azərbaycanın İran İslam Respublikası ilə birgə təqdim etdiyi “Kamança, simli musiqi alətinin hazırlanma və ifaçılıq sənəti” adlı nominasiyanın UNESCO-nun Qeyri-Maddi Mədəni İrs üzrə Reprezentativ Siyahısına daxil edilməsini təsdiqləyən, UNESCO-nun Baş direktoru xanım Odri Azuley tərəfindən imzalanmış sertifikatlar Mədəniyyət və Turizm Nazirliyinə təqdim olunub.

Tədbirdə Mədəniyyət və Turizm Nazirliyinin beynəlxalq əməkdaşlıq şöbəsinin müdiri, ISESCO üzrə Azərbaycan Milli Komissiyasının baş katibi Vasif Eyvazzadə, azərbaycanlı kulinar, yazıçı və fotoqraf Stalik Xankişiyev çıxış edərək bu hadisəni yüksək qiymətləndiriblər.

Tədbirdə kamança ifaçıları tərəfindən xalq musiqiləri ifa edilib, eyni zamanda, “Azərbaycan Milli Kulinariya Assosiasiyası” İctimai Birliyi tərəfindən Azərbaycan Respublikasının Standartlaşdırma, Metrologiya və Patent üzrə Dövlət Komitəsindən patenti alınan “Bakı ağ şanı dolması”, “Abşeron zeytun dolması”, “Salyan balıq dolması”, “Ordubad gupa dolması”, “Kəngərli qıra dolması”, “Quba alma dolması”, “Qəbələ qoz dolması”, “Qax quru dolma”, “İsmayıllı pip dolması”, “Lənkəran limon dolması” hazırlanaraq qonaqlara təqdim edilib.

XƏBƏRLƏR

19.12.2018 11:25
Arif Məlikovun 85 illik yubileyi münasibətilə konsert keçirildi
19.12.2018 11:10
"Çeburaşkanın Yeni il sərgüzəştləri" adlı tamaşaya daxili baxış keçirildi
19.12.2018 10:59
“Şaxta babaya məktub”lar oxunacaq...
19.12.2018 10:51
Pianoçu S.V.Raxmaninovun 145 illiyi qeyd edildi
19.12.2018 09:41
Muzeydə admiral Cəlil Cavadovun 100 illiyi qeyd olunub
19.12.2018 09:02
“Kastamonu 2018-türk dünyasının mədəniyyət paytaxtı”nın bağlanış mərasimi olub 19.12.2018 [01:17]
19.12.2018 08:58
Görkəmli teatr rejissoru Mehdi Məmmədovun 100 illiyi təntənəli şəkildə qeyd edilib
18.12.2018 15:36
Tahir Salahovun əsərləri dünya təsviri sənətinin inciləri sırasında yer alır
18.12.2018 14:26
Azərbaycan Milli İncəsənət Muzeyinin üçüncü korpusu əsaslı bərpa və yenidənqurmadan sonra açılıb. Prezident İlham Əliyev və birinci xanım Mehriban Əliyeva açılışda iştirak ediblər
18.12.2018 12:16
Türkiyənin Kastamonu şəhərində TURKSOY Daimi Şurasının növbəti iclası işə başlayıb
18.12.2018 10:52
Daşkənddə özbək ədəbiyyatının klassiki, soydaşımız Maqsud Şeyxzadəyə həsr olunmuş elmi konfrans keçirilib
18.12.2018 09:46
Sumqayıt Regional Mədəniyyət idarəsinin şəbəkəsinə daxil olan uşaq incəsənət və musiqi məktəblərində silsilə tədbirlər keçirilib
17.12.2018 20:11
Cəfər Cabbarlının 120 illiyinin qeyd edilməsi haqqında Azərbaycan Respublikası Prezidentinin Sərəncamı
17.12.2018 16:10
Xaçmaz, Quba, Qusar və Şabrana növbəti səfər
17.12.2018 11:31
“… VƏ BÜTÜN QARANLIQ OTAQLAR” adlı şeirlər kitabının təqdimatı və imza mərasimi keçirilmişdir
17.12.2018 11:03
Akademik Milli Dram Teatrında Milli Qəhrəman Koroğlu Rəhimova həsr olunan tamaşa oynanılıb
17.12.2018 10:47
Vətən uğrunda ölüm həyatın davamıdır
15.12.2018 20:40
“Naxçıvan İslam Mədəniyyətinin Paytaxtı-2018”in bağlanış tədbiri keçirilib
15.12.2018 20:04
Naxçıvan Muxtar Respublikası Ali Məclisinin Sədri ISESCO-nun Baş direktorunun və TÜRKSOY-un Baş katibinin müavinləri ilə görüşüb
15.12.2018 09:02
Prezident İlham Əliyev Xalq rəssamı Tahir Salahovun 90 illik yubileyinə həsr edilən sərgi ilə tanış olub
15.12.2018 08:52
Bakı Ekspo Mərkəzində dünya şöhrətli rəssam Tahir Salahovun 90 illik yubileyinə həsr edilən sərgi açılıb
14.12.2018 18:11
Mədəniyyət nazirinin müavini Sevda Məmmədəliyeva YUNESKO-da görüşlər keçirib
14.12.2018 15:46
Xoreoqrafiya Akademiyasında Üzeyir Hacıbəyli məktəbinə həsr olunmuş elmi-praktiki seminar keçirilib
14.12.2018 14:51
Bakıda ilk zooparkın yaradılmasından 90 il ötür
14.12.2018 14:33
Mədəniyyət Nazirliyinin nümayəndə heyəti İtaliyanın Pyemonte regionunda “İnteqrasiyalı idarəetmənin planlaşdırılması” mövzusunda tədqiqat səfərində olub
14.12.2018 11:51
Mədəniyyət naziri Hacıqabulda vətəndaşları qəbul edib
14.12.2018 10:04
Şəki Uşaq İncəsənət Məktəbinin 80 illik yubileyi qeyd olunub
14.12.2018 09:09
“YARAT”da tanınmış gürcü rəssamın fərdi sərgisi üçün press-tur təşkil edilib
14.12.2018 09:03
Xalq artisti Həsən Məmmədova həsr olunmuş növbəti tədbir -“Ömür keçdi, gün keçdi”