Rəşid Behbudov adına Azərbaycan Dövlət Mahnı Teatrında Şuşa şəhər Niyazi adına Uşaq İncəsənət Məktəbinin “Yaddan çıxmaz Qarabağ” adlı konserti keçirilib.
Konsertdə məktəb şagirdlərinin ifasında muğam, xalq və bəstəkar mahnıları dinlənilib. Həmçinin məktəbin xor kolektivinin və “Təbəssüm” rəqs qrupunun çıxışı tamaşaçilar tərəfində maraqla qarşılanıb. Sonda tədris ilində fərqlənən müəllim və şagirdlər fəxri fərmanla təltif olunublar.
Bəstəkarlar İttifaqının Ü.Hacıbəyli adına konsert salonunda Şuşa şəhər Bülbülcan adına 2 nömrəli Uşaq Musiqi Məktəbinin konserti keçirilib.
Konsertdə Azərbaycan Bəstəkarlar Ittifaqının sədri, Xalq artisti, professor Firəngiz Əlizadə, Şuşa rayon İcra Hakimiyyəti başçısının müavini Vüsalə Fətəliyeva, bəstəkarlar və digər qonaqlar iştirak ediblər.
Tədbirdə məktəbin şagirdləri xalq mahnılarını, muğamları, Azərbaycan və xarici bəstəkarların əsərlərini məharətlə ifa ediblər.
Sonda konsertdə iştirak edən tədris ilində fərqlənən müəllimlər və şagirdlər fəxri fərmanla təltif olunublar.