Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
338

Şuşa sevinclidir, Şuşa nikbindir!

Bugünkü Şuşa Azərbaycanın mədəniyyət paytaxtı statusunda olan bir şəhərdir. İndi hər bir azərbaycanlı, hətta bu şəhəri 28 ilyarım əsarətdə saxlayan düşmən də bilir ki, Vətən müharibəsində Azərbaycan Ordusunun qəhrəmanlığı ilə işğaldan azad edilmiş Şuşa şanlı Zəfərimizə vurulan möhür idi.

Təsadüfi deyil ki, Şuşanı “qələbə”nin rəmzi adlandıran, amma nədənsə işğal illəri ərzində şəhəri, onun tikililərini, tarixi abidələrini, maddi-mədəni və dini irsini məhv və talan etməklə məşğul olan düşmən elə şəhərin öz sahibləri tərəfindən azad olunmasından bir gün sonra özünün 30 illik işğalçılıq siyasətinə son qoyan kapitulyasiya sənədinə imza atdı.

Hələ 2020-ci il noyabrın 8-də Prezident İlham Əliyev Şuşanın azad olunması münasibətilə xalqa müraciətində demişdi ki, Qarabağın tacı olan bu şəhər tezliklə dirçəldiləcək və özünün əvvəlki şöhrətini qaytaracaqdır. Vətən müharibəsindən dərhal sonra Prezident İlham Əliyevin Qarabağın bölgələrinə, xüsusən də Şuşaya bir neçə dəfə səfər etməsi, oradan səsləndirdiyi bəyanatlar, verdiyi tapşırıqlar və qısa müddətdə reallaşdırılan layihələr bir daha sübut etdi ki, bu şəhər dövlətimizin başçısının xüsusi diqqət və qayğısı ilə əhatə olunub.

Vətən müharibəsindən ötən ilyarım ərzində Şuşaya səfər edən hər bir azərbaycanlını bu şəhərdə düşmənin xalqımızın əsrlərlə yaratdığı maddi-mədəni irsə qarşı həyata keçirdiyi barbarlığı nə qədər hiddətləndirirsə, qısa müddətdə bu şəhərin başdan-başa tikinti meydançasına çevrilməsi bir o qədər sevindirir.

Şuşaya aparan Zəfər yolunun qısa müddətdə istifadəyə verilməsi, bu şəhərə ilin bütün fəsillərində rahat gediş-gəlişi təmin edəcək və nisbətən qısa olacaq ikinci yolun tikintisinin isə davam etdirilməsi, 2022-ci ilin ölkəmizdə “Şuşa İli” elan edilməsi, Prezidentin Şuşa rayonunda xüsusi nümayəndəsinin təyin olunması, şəhərin Baş planının təsdiqlənməsi və plana əsasən, şəhərdə sosial infrastruktur layihələrin icrasına, tarixi abidələrin bərpasında başlanılması Qarabağın tacının tezliklə yenidən Azərbaycanın ən gözəl və inkişaf etmiş şəhərlərindən birinə çevriləcəyini təsdiqləyir.

Tarix sübut etdi ki, heç bir azərbaycanlı Şuşanın işğalı ilə barışmadı. Bütün xalqımız hər il mayın 8-ini hüzn və dərin sarsıntı ilə keçirirdi. Bu illər ərzində Qarabağ və onun tacı olan Şuşanın azad edilməsi ümummilli məqsədə çevrildi. Nəhayət 2020-ci il noyabrın 8-də Şuşanın Azərbaycan Ordusunun əzmi, iradəsi, rəşadəti və fədakarlığı ilə işğaldan azad edilməsi xalqımız üçün əsl bayrama çevrildi.

Bugünkü Şuşa sevinclidir, nikbindir. Çünki onun çoxillik həsrətinə son qoyulub. Onun əsl sahibləri həm də bu dəfə əbədi olaraq şəhərə qayıdıblar. İndi şəhərin hər bir tikilisinə xüsusi qayğı ilə yanaşılır, onun əvvəlki görkəminə qaytarılması üçün səylər göstərilir.

Şuşada hər yanda aparılan yenidənqurma, abadlıq işləri, eləcə də şəhərdə keçirilən siyasi, mədəni tədbirlər onun inkişafının bundan sonrakı statusunun ilkin konturlarını müəyyən edir. Bütün bunlarla yanaşı, Şuşa dirçəldikcə şəhərin yalnız ictimai-siyasi və mədəni həyatı deyil, onun turizm potensialı da geniş imkanlar qazanır.

Çünki Şuşa təkcə tarixən bütün Qarabağa nəzarət üçün vacib geostrateji mövqedə yerləşən olduqca əhəmiyyətli təbii qala deyil, həm də özünün səfalı iqlimi və füsunkar təbiət gözəllikləri ilə buraya gələn hər kəsi özünə heyran edən bir şəhərdir.

Şuşanın dəniz səviyyəsindən 1750 metrdən də yüksək, sıldırım təbii yayla üzərində yerləşməsi, şəhərin özünəməxsus relyefi, landşaftı, yaz-yay aylarında gözəl havası, sərin bulaqları, Cıdır düzündən Qarabağa, xüsusən də Topxana meşəsinə açılan geniş mənzərə, sıldırım qayalardan, dibigörünməz dərələrdən axıb Şuşanın belinə gümüş kəmər kimi sarılan Qarqar çayının heyrətamiz gözəlliyi hər kəsi məftun edən təbii gözəlliklər olmaqla yanaşı, həm də bu yerləri turizm üçün əvəzsiz məkana çevirir.

Odur ki, indi Şuşanın bərpası konsepsiyasında şəhərin turizm potensialı da nəzərə alınaraq buna uyğun infrastruktur yaradılır. Ötən il Prezident İlham Əliyevin Şuşaya səfəri çərçivəsində mayın 12-də “Xarıbülbül”, avqustun 29-da “Qarabağ” otellərinin yenidənqurmadan sonra açılışı, bu il isə mayın 10-da “Shusha Boutique Hotel”in təməlinin qoyulması bir daha təsdiq edir ki, bu şəhər tezliklə yalnız ictimai, siyasi, elmi, mədəni və kütləvi tədbirlərin keçiriləcəyi məkan deyil, həm də tarixi-mədəni abidələrinə və təbii gözəlliklərinə görə minlərlə yerli və xarici turistin istirahət üçün seçəcəyi istiqamətə çevriləcək.

Sözsüz ki, şəhər Prezident İlham Əliyevin xüsusi diqqəti və qayğısı ilə gündən-günə dirçəldiləcək, illər ötdükcə özünün əvvəlki şöhrətini qaytaracaq və tarixi Azərbaycan şəhəri kimi Qafqazın ən gözəl şəhərlərindən birinə çevriləcək. Amma illər ötsə də, nəsillər dəyişsə də, Şuşanı işğaldan azad edən oğulların fədakarlığı əsl qəhrəmanlıq dastanı kimi hər bir azərbaycanlının qəlbində daim yaşayacaq və onlar hər zaman böyük hörmət və ehtiramla anılacaqlar.

XƏBƏRLƏR

27.05.2022 19:47
Bölgələrdə mədəniyyət işçilərinin peşəkarlıq səviyyəsi və təşəbbüskarlığının artırılması günün tələbidir
27.05.2022 16:21
Mədəniyyət naziri Ağcabədi rayonunda mədəniyyət müəssisələrinin fəaliyyəti ilə tanış olub
27.05.2022 10:52
Zəngilan İşğal və Zəfər muzeyləri kompleksinin təməli qoyuldu
27.05.2022 10:14
Nazir Anar Kərimov Ağdamda mədəniyyət müəssisələrinə baxış keçirib
26.05.2022 17:55
Gəncədə "Qarabağ süitası" adlı musiqili ədəbi-bədii kompozisiya təqdim olunub
26.05.2022 17:26
Beynəlxalq Muğam Mərkəzində Şuşa şəhər Niyazi adına Uşaq İncəsənət Məktəbinin 90 illik yubileyinə həsr olunan "Əziz Şuşa, sən azadsan!" adlı tədbir keçirilib
26.05.2022 15:26
Mədəniyyət naziri Anar Kərimov Ağdamda vətəndaşları qəbul edib
26.05.2022 12:39
“Monumental həyat” adlı sənədli filmin təqdimat mərasimi keçirildi
26.05.2022 11:36
Azərbaycan Dövlət Uşaq Filarmoniyasının 30 illiyi qeyd olundu
26.05.2022 10:23
Bir qrup mədəniyyət və incəsənət xadiminə mükafatlar təqdim olunub
25.05.2022 17:05
“İlyas Əfəndiyev. Geriyə baxarkən” fotoalbomunun təqdimat mərasimi keçirildi
25.05.2022 16:49
Mədəni gənclik bir gecəsini Paris Notr-Dama ithaf edib
25.05.2022 16:29
“Yeni adlar” layihəsinin növbəti konserti keçirildi
25.05.2022 15:35
Türkiyə ilə mədəni əməkdaşlıq məsələləri müzakirə olunub
23.05.2022 17:58
“EU4Culture” qrant müsabiqəsi çərçivəsində I Regional Şəbəkə Konfransı baş tutub
23.05.2022 17:48
Akademik Milli Dram Teatrı “Mədəni gənclik” layihəsinə ev sahibliyi edib
23.05.2022 17:39
Nazir Anar Kərimov Özbəkistan Respublikasının Baş Nazirinin müavini ilə görüşüb
23.05.2022 12:19
“Şuşa mədəniyyətinin inciləri”: Mehmandarovların malikanə kompleksi
23.05.2022 09:24
Mədəniyyət naziri Anar Kərimovun TÜRKSOY-un baş katibi Sultan Rayevlə görüşü baş tutub
20.05.2022 17:34
İCESCO-nun Bakı şəhərində regional ofisinin yerləşməsi haqqında Saziş imzalanıb
20.05.2022 17:05
"Postmünaqişə Humanitar Gündəliyinin İnkişaf Etdirilməsi: mədəni mühitin canlandırılması yolu ilə davamlı inkişaf” adlı beynəlxalq konfransın iştirakçılarının birgə müraciəti oxunub
20.05.2022 16:29
Prezident İlham Əliyev ICESCO-nun Baş direktorunu qəbul edib
20.05.2022 15:09
Beynəlxalq konfransda “Yerli və regional icmalarda dayanıqlı həyat tərzinin dəstəklənməsi və ekosistemlərin qorunması” mövzusu müzakirə olunub
20.05.2022 14:15
“Keçmiş problemlər – gələcək perspektivlər: urbisid kontekstində irsin idarə olunması siyasətinin tətbiqi” mövzusunda panel sessiya keçirilib
20.05.2022 13:21
İzmirdə "Şuşa ili" çərçivəsində "Gənclərə dəstək" layihəsinin konserti
20.05.2022 12:36
Xalq artisti Vaqif Əsədov vəfat edib
19.05.2022 19:29
Postmünaqişə dövründə dialoq və əməkdaşlığın qurulmasında mədəniyyətin rolu
19.05.2022 16:41
Şuşada “Postmünaqişə humanitar gündəliyinin inkişaf etdirilməsi: mədəni mühitin canlandırılması yolu ilə davamlı inkişaf” mövzusunda beynəlxalq konfrans keçirilir
19.05.2022 11:26
Beynəlxalq Muzeylər Günü münasibətilə "Muzeydə gecə" adlı tədbir keçirildi
18.05.2022 16:06
“Yeni adlar” layihəsi maraqlı konsert proqramları ilə davam edir
18.05.2022 15:13
Mədəniyyət Nazirliyinin təşkilatçılığı ilə Şuşada Beynəlxalq konfrans keçiriləcək
18.05.2022 14:24
Məclisi-fəramuşan” Azərbaycan-Özbəkistan şairlərinin növbəti poeziya görüşləri keçirildi
18.05.2022 10:17
Nazirliyin təşkilatçılığı ilə Birinci Bakı Beynəlxalq Piano Festivalı keçiriləcək