Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
332

Milanın La Skala səhnəsindən unudulmaz təəssürat

Milanın məşhur La Skala teatrında (İtaliya) həmyerlimiz, Əməkdar artist Yusif Eyvazovun (tenor) iştirakı ilə italyan bəstəkarı Umberto Jordanonun “Andre Şenye” operasının tamaşası təqdim edilib.
Yanvarın 2-də təqdim edilən səhnə əsərinin tamaşaçıları arasında Azərbaycandan da operasevərlər olub. La Skala səhnəsində tamaşanı izləyən Azərbaycan Respublikası Ailə, Qadın və Uşaq Problemləri üzrə Dövlət Komitəsinin sədri, professor Hicran Hüseynovanın tamaşa ilə bağlı təəssüratları “1news.az” xəbər portalında dərc edilib.

Yazıda qeyd olunur ki, dünyanın ən məşhur La Skala opera səhnəsində mövsümün açılışından artıq bir ay keçməsinə baxmayaraq, dünya mediasında, sosial şəbəkələrdə ilin əsas musiqi hadisəsinə həsr olunmuş yazılar, şərhlər və fikirlər davam etməkdədir.

Milana səyahətindən söz açan komitə sədri qeyd edir ki, bu dəfə bu şəhərə səfərdə hər şey qeyri-adi idi: “La-Skala ənənəsi haqqında məlumatlı idik və bilirdik ki, opera mədəniyyətinin mərkəzi və saysız pərəstişkarları olan bu sənət məbədi hər il yeni mövsümünü katoliklərin Milad bayramı ərəfəsində açır. Teatrın parlaq səhifələri həm də italyan xalqının tarixi kimi tanınır. Mövsümün açılışı teatr üçün əlamətdar hadisədir və həmin gün dünyanın dörd bir yanından opera sənətinin pərəstişkarları bu məkanda bir araya gəlirlər. Təbii ki, dünya opera mədəniyyətinin mərkəzi sayılan teatr həmin gün pərəstişkarlarının qarşısına cəlbedici tamaşa ilə çıxır. Bu il teatr mövsümünün açılışı üçün italyan bəstəkarı Umberto Jordanonun “Andre Şenye” operası daha uğurlu seçim hesab edilmişdi. Halbuki “XX əsr musiqisinin başlanğıcı” hesab edilən bu əsər 32 il idi ki, səhnədə oynanılmırdı”.

Hicran Hüseynova bildirir ki, bu günə kimi operanın əsas qəhrəmanı sayılan inqilabçı şair Andre Şenyenin partiyalarını vaxtilə tanınmış opera ulduzları E.Kruzo, B.Cili, M.Monako, L.Pavarotti, P.Dominqo, X.Karreras kimi nəhənglər ifa ediblər. Hazırda isə onları Azərbaycandan olan gənc opera müğənnisi Yusif Eyvazov əvəz edir. Əsərdə qadın baş qəhrəman Maddalenanı isə Yusifin həyat yoldaşı, dünyaca məşhur opera müğənnisi, Rusiyanın Xalq artisti Anna Netrebko (soprano) ifa edir: “Biz həmyerlimizlə fəxr etməklə qədər həm də hədsiz həyəcanlı yaşayırdıq. Təsəvvür edin ki, Milana gəldiyimiz ilk gündən operanın musiqisi bizi qarşıladı və hava limanında, mərkəzi vağzalda, şəhərin küçə və hotellərində bu sədalar səslənməkdə idi. Şəhərin bütün görməli yerlərində operanın yaranma tarixi, Fransız inqilabının tarixini əks etdirən instalyasiyalar və sərgilərlə bağlı məlumatlar yer alırdı. Bir sözlə, Milan başdan-ayağa bu musiqi hadisəsinin motivləri ilə dolu idi. Bütün bu motivlər sırasında bəzədilmiş afişalarda iri planda və böyük hərflərlə Azərbaycanın Əməkdar artisti Yusif Eyvazovun adını görmək böyük sevinc, qürur hissi bəxş edirdi bizlərə. Azərbaycanlılardan ibarət musiqisevərlər Bakı Musiqi Akademiyasının rektoru, professor Fərhad Bədəlbəylinin rəhbərliyi ilə Milana yanvar ayının 2-də ikinci premyera gecəsi gəlmişdik və artıq operanın 7 dekabrda baş tutan triumfal premyerasından da xəbərdar idik. Qəzetlərdə dərc edilmiş məqalələr, tamaşanın yaradıcı heyəti ilə keçirilən mətbuat konfransları haqqında da məlumatlı idik. Bütün bu məqalələrdə bizim müğənni haqqında xeyli danışılmışdı. O, tamaşaçıları təkcə vokal imkanları ilə deyil, öz səmimi davranışları ilə də heyran etmiş, jurnalistlərin təxribat xarakterli suallarına müdrik cavabı ilə hər kəsi mat qoymuşdu”.

Hicran xanım La-Skala teatrının dizaynı və görünüşü ilə bağlı təəssüratlarını bölüşdükdən sonra tamaşa haqqında fikirlərini davam etdirir. Qeyd edir ki, möhtəşəm tamaşa hədsiz təəccüb doğura bildirdi: “Dirijor pultu arxasında əsəri səhnələşdirən baş dirijor Rikkardo Şayi idi. Rejissor və yeni texnologiyalı dekorasiyanın müəllifi isə Mario Martone. Gözəl aktyor ansamblı və təkrarsız xor truppası. Dünya miqyasında ən yüksək səviyyəli tamaşa və bütün bunların fonunda isə bizim Yusif Eyvazov. Baxmayaraq ki, o, Milan səhnəsində ilk dəfə çıxış edirdi. Həmyerlimiz ilk notlardan özünə inamlı, dinamik çalarlarla dolu, hədsiz zərif və incəliklərlə poetik Şenye obrazını tamamlaya bilirdi. Anna Netrebko isə yüksək performansı ilə əsl sənət örnəyi nümayiş etdirdi. Bu, unudulmaz duet idi. Əgər ilk premyeranın finalında tamaşaçılar 11 dəqiqə alqış etmişdilərsə, bu dəfə alqışlar 30 dəqiqə aktyorları səhnədə saxladı. Əsl opera melomanları həmin gecə gənc azərbaycanlı müğənnini ayaq üstə sürəkli alqışlarla təbrik edirdilər. Bu tamamilə fantastik bir səhnə idi. Səhnəyə yaxınlaşa bilməyənlər gül dəstələrini ifaçıya təqdim etmək üçün çalışırdılar. Hər tərəfdən səhnəyə güllər uçuşurdu və bütün səhnə güllərə qərq olmuşdu. Bu unudulmaz səhnəni milli qürur hisləri keçirmədən izləmək qeyri-mümkün idi...”.

Komitə sədri belə möhtəşəmliyə görə ölkə Prezidenti İlham Əliyevə, Birinci vitse-prezident Mehriban xanım Əliyevaya öz dərin təşəkkürünü bildirir: “Çünki gənc istedadlara göstərilən diqqət və qayğı nəticəsində onlar layiqli təhsil ala və belə yüksəkliklərə qalxmaq imkanı qazana bilirlər. Sevindirici hallardan biri də odur ki, “Dünyanın ən yaxşı tenorları” kitabında Yusif Eyvazovun yaradıcılığını əks etdirən səhifə də yer alıb. Sonda isə onu bildirmək istərdim ki, Anna Netrebko və Yusif Eyvazov bu gün dünyanın ən tanınmış ifaçılarıdır. Onların öz pərəstişkar ordusu var. Bu pərəstişkarlar onların bütün dünya turlarını izləyir, öz kumirlərini tək qoymurlar. Çox arzulayıram ki, bu pərəstişkarlar sırasında klassik musiqini sevən azərbaycanlılar da yer alsın”. 

Yazıda qeyd olunur ki, fevralın 1-də Monakoda Anna Netrebko və Yusif Eyvazov böyük konsert proqramı ilə çıxış edəcəklər. Konsertdə dünya operasının hit əsərləri səslənəcək. Proqramda C.Verdi, F.Cilea, E, Curtis, A.Dvorjak, C.Puççini, P.Sorozabol kimi məşhur bəstəkarların əsərlərindən parçalar ifa ediləcək.

http://www.1news.az/news/the-best-yusifa-eyvazova-i-anny-netrebko;

http://www.grimaldiforum.com/en/events-schedule-monaco/recital-anna-netrebko-and-yusif-eyvazov#.WmCO6LjqHKQ

XƏBƏRLƏR

21.02.2018 12:54
Bakı prosesinin 10 illiyinin qeyd olunması ilə bağlı Koventridə təqdimatlar keçirildi
21.02.2018 12:45
F.Köçərli adına Respublika Uşaq Kitabxanasında “Hər millətin ən qiymətli, sərvətidir ana dili!” adlı tədbir keçirildi
21.02.2018 12:26
Sumqayıt şəhər Poeziya evində millət vəkili Flora Qasımova ilə görüş keçirilib
20.02.2018 12:46
Mədəniyyət və turizm naziri Əbülfəs Qarayev Böyük Britaniyanın Koventri şəhərində səfərdədir
19.02.2018 17:51
Rusiyanın Nijni Novqorod şəhərində Qara Qarayevin 100 illiyi münasibətilə konsert keçirilib
19.02.2018 16:10
Şəkidə Bəxtiyar Vahabzadənin vəfatının 9-cu ildönümü ilə əlaqədar “Hara gedir sabahımız” adlı dəyirmi masa keçirildi
19.02.2018 16:06
"Misir dunya uşaqların gözü ilə" adlı beynəlxalq rəsm müsabiqəsində ölkəmizi təmsil edən şagirdlər mükafata layiq görüldü
19.02.2018 16:01
Azərbaycan-Özbəkistan dostluğuna həsr olunmuş “Əzəli dostluq riştələri” adlı sənədli film hazırlanıb
19.02.2018 15:59
Elza İbrahimovanın anadan olmasının 80 illik yubileyinə həsr olunmuş tədbir keçirildi
19.02.2018 15:15
“Yurdumuza Bahar Gəlir” adlı respublika uşaq rəsm müsabiqəsi
19.02.2018 15:13
“Şəhid Şəhər” adlı respublika uşaq rəsm müsabiqəsi elan edilmişdir
19.02.2018 12:36
“Testene Art Baku” II Beynəlxalq İncəsənət festival-müsabiqəsi keçiriləcək
19.02.2018 12:31
Azərbaycan Aşıqlar Birliyinin Bakı Beynəlxalq Muğam Mərkəzi ilə birlikdə “Aşıq musiqisi axşamları” layihəsi çərçivəsində növbəti tədbir keçirilmişdir
16.02.2018 18:15
Azərbaycan Dövlət Kukla Teatrı premyeraya hazırlaşır
16.02.2018 15:50
Gənc Tamaşaçılar Teatrında həftəsonu maraqlı repertuar
16.02.2018 12:45
İslam Əməkdaşlıq Təşkilatının (İƏT) İqtisadi və Ticarət Əməkdaşlığı Daimi Komitəsinin (COMCEC) Turizm üzrə İşçi Qrupunun 11-ci görüşü keçirilmişdir
15.02.2018 18:19
Qəbələ rayonunda “Fəaliyyətin yeni formatları” adlı təlim təşkil olunmuşdur
15.02.2018 18:17
Azərbaycan nümayəndə heyəti Türkiyə mədəniyyət və turizm nazirinin müavini Hüseyin Yayman tərəfindən qəbul edilmişdir
15.02.2018 18:05
Azərbaycan Xalça Muzeyində “Xalçalar və əfsanələr. Çin təqvimi üzrə Yeni il” sərgisi açıldı
15.02.2018 16:07
Lüks turizm peşəkarlarının növbəti görüşü
15.02.2018 12:42
Ankarada TÜRKSOY tərəfindən elan olunmuş “Qara Qarayev ili”nin açılış mərasimi olmuşdur
14.02.2018 18:02
“Hərəyə bir kitab” adlı tədbir keçirildi