Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
562

Görkəmli kinorejissor Hüseyn Seyidzadənin yaradıcılıq otağının açılışı keçirildi

Cəfər Cabbarlı adına “Azərbaycanfilm” kinostudiyasında tanınmış kino xadimlərinin vaxtilə çalışdıqları iş otaqlarının yaradıcılıq otaqlarına çevrilməsi ilə bağlı təşəbbüs həyata keçirilir.

2 avqust - Milli Kino Günündə “Azərbaycanfilm” kinostudiyada Əməkdar incəsənət xadimi, görkəmli kinorejissor Hüseyn Seyidzadənin (1910-1979) yaradıcılıq otağının açılış mərasimi oldu.

Tədbirdə çıxış edən kinostudiyanın direktoru, Əməkdar incəsənət xadimi Müşfiq Hətəmov bütün kino işçilərini Milli Kino Günü münasibətilə təbrik etdi. Bildirdi ki, “Azərbaycanfilm”in binası təkcə istehsal sahəsi deyil, həm də böyük bir mədəniyyət mərkəzidir ki, burada böyük bir tarix yaşayır: “Bu gün növbəti yaradıcılıq otağının açılış mərasimidir. Bilirsiniz ki, bundan əvvəl görkəmli rejissorlarımız Rasim Ocaqov və Tofiq Tağızadənin çalışdığı otaqların açılış mərasimi olub. Kinostudiyada muzey-otaqlar kimi fəaliyyət göstərən bu məkanlar korifey sənətkarların yaradıcılığı, iş prosesi barədə təsəvvür yaratmaqla yanaşı, onların xatirəsinin əbədiləşdirilməsinə xidmət edir. Əslində, kinostudiyanın hər bir otağı kino tariximizi özündə yaşadan məkandır”.

Müşfiq Hətəmov yaxın gələcəkdə unudulmaz kino xadimlərimiz Həsən Seyidbəyli, Əlisəttar Atakişiyev və Leyla Bədirbəylinin yaradıcılıq otaqlarının açılışının nəzərdə tutulduğunu, bu ənənənin davam etdiriləcəyini vurğuladı.

Kino tədqiqatçısı, Əməkdar incəsənət xadimi Aydın Kazımzadə Hüseyn Seyidzadənin Azərbaycan kinosundakı xidmətlərindən söz açdı. Bildirdi ki, dünyaca məşhur hind aktyor və rejissoru Rac Kapur Bakıya gələndə rejissorun filmlərini izləmiş, çox bəyənmiş və onu Hindistana dəvət etmişdi. Hüseyn Seyidzadə isə “Mən hələ öz ölkəm üçün çox az filmlər çəkmişəm və xalqıma xidmət etməliyəm” deyib səfərdən imtina etmişdi.

Aydın Kazımzadə çıxışında “Yenilməz batalyon” filminin ərsəyə gəlməsindən, Xalq yazıçısı Qılman İlkin və Hüseyn Seyidzadənin yaradıcılıq əlaqələrindən söz açdı. Qeyd etdi, rejissor yaradıcılıq imkanları geniş olsa da, cəmi beş film ərsəyə gətirib.

Xalq artisti, kinorejissor Oqtay Mirqasımov layihənin təşəbbüskarlarına minnətdarlığını ifadə etdi, Hüseyn Seyidzadəni qeyri-adi rejissor  kimi səciyyələndirdi: “Azərbaycan kinosu tarixində Hüseyn müəllimin özünəməxsus xidmətləri var. O, mənim üçün xüsusi rejissordur. İstərdim ki, Azərbaycan kinosunun tarixi fənni tədris edilərkən Hüseyn Seyidzadənin filmləri dərs vəsaiti kimi nümayiş olunsun. Hüseyn müəllimin sənətkar kimi filmlərdə nizamı, montajı, kadrda estetikası tamaşaçını heyran edir. Onun filmlərində saxtalıq görmək mümkün deyil və bu, böyük sərvətdir”.  

Kinoşünas, Əməkdar incəsənət xadimi Ayaz Salayev xatirə otaqları ənənəsinin davamlı olmasını təqdir etdi. Dedi ki, bu otaqları ziyarət edən məktəblilər və “Azərbaycanfilm” kinostudiyasında çalışan gənc rejissorlar bilməlidirlər ki, bu bina, həqiqətən, bir sənət məbədidir. Bu otaqlarda neçə-neçə korifey insanların düşüncələri, sevə-sevə izlədiyimiz filmlərin yaranma tarixçələri yaşayır: “Bu binada yüzlərlə sevilən filmlər, rejissorlar, operatorlar, rəssamlar, aktyor və aktrisalar çalışaraq öz yaradıcılıqlarını, təfəkkürlərini sərf ediblər. Xatirə otaqlarının açılışının ənənəyə çevrilməsi, korifey ustadların çalışdığı otaqların bərpa olunması gələcək üçün tarixdir. Bu gün kinostudiyanın dəhlizlərində böyük sənətkarların ruhu dolaşır. Bu otaqda da həmişə xoş xatirələr anılacaq. Gənc rejissorlar hər zaman böyük ustadların sənətini və kinomuzun tarixini unutmadan ənənələrə ləyaqətlə xidmət edəcəklər”.

Sonda Müşfiq Hətəmov kino sahəsinin inkişafına göstərdiyi qayğıya və Milli Kino Günü ərəfəsində kino xadimlərini mükafatlandırdığına görə dövlət başçısına minnətdarlığını bildirdi. Vurğuladı ki, ənənələri olan Azərbaycan kinosu daim yaşayacaq və bu sənətdə iz qoyan sənətkarların məktəbi gənc nəsillər tərəfindən davam etdiriləcək.

Qeyd edək ki, Azərbaycanın kinematoqrafiyasında Hüseyn Seyidzadənin özünəməxsus yeri var. O, sovet rejiminin qadağalarına baxmayaraq, çəkdiyi ekran əsərlərində tarixi gerçəkliyi obyektiv şəkildə təqdim etməyə çalışıb. Hüseyn Seyidzadənin ekran həyatı verdiyi “O olmasın, bu olsun” (Azərbaycanda ilk rəngli film”), “Koroğlu” (ilk genişekranlı film), “Yenilməz batalyon”, “Dəli Kür”, “Qayınana” bədii filmləri bu gün də tamaşaçıların sevə-sevə izlədiyi ekran əsərləridir.

Görkəmli rejissor həmçinin “Sovqat” (rejissor H.Bədəlovla birgə) qısametrajlı bədii, “Əbədi Odlar diyarı” və “Doğma xalqımıza” (rejissor Y.Fridlə birgə) sənədli filmlərinin müəllifidir.

XƏBƏRLƏR

15.10.2019 09:07
Musiqili Teatrın yaradıcı kollektivi daha bir beynəlxalq festivalda iştirak edir
14.10.2019 16:21
Elmi-Metodiki və İxtisasartırma Mərkəzi yeni beynəlxalq metodiki vəsait hazırlayıb
14.10.2019 11:50
Milli Dram Teatrı “Ölülər”i növbəti dəfə təqdim edib
14.10.2019 11:39
Xalq şairi Süleyman Stalskinin 150 illiyinə həsr olunmuş təntənəli gecə keçiriləcəkdir
14.10.2019 09:17
Qubada keçirilən “Alma bayramı”nda 20 minə yaxın insan iştirak edib
12.10.2019 12:07
Rusiya folklor kollektivlərinin konsert proqramı maraqla qarşılanıb
12.10.2019 12:05
Şuşa Teatrı 2 premyera ilə tamaşaçılarının görüşünə gəlir
11.10.2019 20:44
Əfsanəvi “Beryozka” ansamblı Bakıda konsert proqramı ilə çıxış edib
11.10.2019 17:09
“Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu”na həsr olunan tədbir keçirildi
11.10.2019 17:01
Qobustanda Avropa Qayaüstü İncəsənəti Günü qeyd olunub
11.10.2019 16:15
Kukla Teatrının nəzdində “Küllücə” adlı teatr-studiyası yaradılıb
11.10.2019 15:43
“Mənim yay tətilim-2019” rəsm müsabiqəsinin başa çatmasına beş gün qalıb
11.10.2019 14:28
“Xəmsə”nin özbək dilinə tərcümə olunmuş nəşrinin təqdimatı keçirilib
11.10.2019 14:03
Mədəniyyət naziri Rusiya nümayəndə heyəti ilə görüşüb
11.10.2019 12:39
Avropa Tarixi Termal Şəhərlər Assosiasiyasının növbəti Baş Assambleyası Belçika Krallığının Spa şəhərində keçirilir
11.10.2019 10:58
Respublika Uşaq kitabxanasında xarici yazarlarla görüş keçirilib
11.10.2019 09:45
Sumqayıtda Birinci Mədəniyyət Festivalı keçirilib
11.10.2019 09:41
Balakən III Xurma festivalına hazırlaşır
11.10.2019 09:38
Dahi dramaturq Cəfər Cabbarlının Xızıdakı ev-muzeyi əsaslı təmir olunur
11.10.2019 09:24
Milli İncəsənət Muzeyinin direktoru Fransanın fəxri ordeni ilə təltif olunub
11.10.2019 09:20
“YARAT” Müasir İncəsənət Məkanında 3-cü M.A.P. Beynəlxalq Teatr Festivalının açılışı olub
11.10.2019 09:17
“Azərbaycanlı ifaçılar Moskva Konservatoriyasının kamera zallarında” silsiləsindən yekun konsert olacaq
11.10.2019 09:13
Bakıda “İplər arasında harmoniya” adlı sərgi açılıb
10.10.2019 17:21
Bakıda "Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu" mövzusunda tədbir keçiriləcək
10.10.2019 14:42
Bakı Musiqi Məktəbinin məzunu F.Şubert adına Vyana Konservatoriyasına qəbul olunub
10.10.2019 14:32
“Kreativ Azərbaycan: yaradıcı məhsulların “Azexport.az” portalı vasitəsilə ixrac imkanları” mövzusunda təqdimat keçirildi
10.10.2019 12:24
Milli Kitabxanada “Aida İmanquliyeva – görkəmli şərqşünas alim” adlı kitab sərgisi açılıb
10.10.2019 12:10
Qobustan qoruğunun Portuqaliyada sərgisi təşkil olunub
10.10.2019 10:43
Nazir Əbülfəs Qarayevin “Yeni Müsavat” qəzetinə müsahibəsinin son hissəsi