Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
504

Azərbaycan peşəkar milli teatrının 147-ci mövsümü başlandı

Artıq neçə ildir ki, ölkədə teatr mövsümünün başlanğıcı sentyabr ortalarında ayrıca bir gündə və hər dəfə fərqli məkanda teatr ictimaiyyəti tərəfindən xüsusi mərasimlə qeyd edilir. Budəfəki mərasimin ünvanı Şuşa teatrı oldu.

Sentyabrın 17-də Şuşa Dövlət Musiqili Dram Teatrında Azərbaycanda peşəkar milli teatrın 147-ci mövsümü açıldı.

Xatırladaq ki, Prezident İlham Əliyevin müvafiq sərəncamı ilə paytaxtın Binəqədi rayonu, 8-ci mikrorayon S.S.Axundov küçəsi, 6 ünvanında keçmiş “Savalan” kinoteatrının binası Şuşa teatrının ixtiyarına verilib. Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin sifarişi ilə aparılmış tikinti və yenidənqurma işlərindən sonra ötən il dekabrın 24-də teatrın binasının açılışı keçirilib. Burada kollektivin yaradıcı fəaliyyəti üçün şərait – 110 nəfərlik tamaşa salonu, müasir səhnə, rahat məşq və qrim otaqları var.

1992-ci ildən məcburi köçkün həyatı yaşayan, şəraitsizlik üzündən nizamlı yaradıcılıq fəaliyyəti ilə məşğul ola bilməyən Azərbaycanın ən qocaman teatr kollektivlərindən olan Şuşa teatrı üçün bu bina da müvəqqəti bir məkandır. Çünki teatrın kollektivi də, bütün şuşalılar kimi, öz doğma şəhərinə qayıdacağı günü gözləyir. Lakin o zamana qədər teatrın müvafiq şərait və imkanları olmalıdır ki, zəngin sənət tarixinə layiq yaradıcı fəaliyyət göstərə bilsin...

Beləliklə, Şuşa Dövlət Musiqili Dram Teatrı yeni binasının qapılarını milli teatr mövsümünün açılışına təşrif buyuranların üzünə açdı.

 

Tədbirdə Mədəniyyət naziri Əbülfəs Qarayev, Şuşa Rayon İcra Hakimiyyətinin başçısı Bayram Səfərov, digər rəsmilər, mədəniyyət və incəsənət xadimləri iştirak edirdi.

Mərasimdə çıxış edən Mədəniyyət naziri Əbülfəs Qarayev bildirdi ki, yeni teatr mövsümünün açılışının bu məkanda keçirilməsinin mənası dərindir. Bu gün Şuşa işğal altında olsa da, biz gələcəyə nikbin baxırıq. Bakıda qaçqınlıq həyatı yaşayan teatr normal yaradıcılıq şəraitində çalışmağa, tamaşalar oynamağa başlayır. Azərbaycan xalqı yaradıcı xalqdır, hər bir şəraitdə çalışmağa hazırdır. Biz əminik ki, ölkə rəhbərliyinin yeritdiyi siyasət sayəsində torpaqlarımız işğaldan azad ediləcək. İnanırıq ki, Şuşa teatrı da gələn mövsümlərdə öz şəhərində mövsümü açacaq, biz də həmin mərasimdə iştirak edəcəyik.

Əbülfəs Qarayev qeyd etdi ki, zəngin tarixi olan İrəvan teatrı da bizim diqqətimizdədir: “Harada İrəvan xanlığının adı varsa, onu yaşatmaq mənəviyyat məsələsidir. Ümidvaram ki, gələn mövsümdə İrəvan teatrının binasının açılışında iştirak edəcəyik”.

Nazir bildirdi ki, Tiflis Azərbaycan teatrının yeni bina ilə təmin olunması məsələsi də aktualdır. Azərbaycan və Gürcüstan hökumətləri arasında bu məsələ  həllini tapacaq. Həmçinin, Dərbənd Azərbaycan teatrının məkanı genişlənməlidir: “Azərbaycan peşəkar teatrının tarixinin mühüm səhifələri Bakı ilə yanaşı, Şuşa,  Tiflis, İrəvan və digər şəhərlərdə başlayıb və həmin şəhərlərdə də davam etməlidir”.

Nazir 2019-2020-ci il sənət mövsümündə teatr ictimaiyyətini gözləyən mühüm hadisələri də diqqətə çatdırdı: “Bu il Cəfər Cabbarlının 120, Cəlil Məmmədquluzadənin 150, Azərbaycan Dövlət Akademik Milli Dram Teatrının dövlət teatrı kimi fəaliyyətinin 100, Yuğ teatrının 30 illik yubileylərini qeyd edəcəyik”.

Ölkə başçısının teatr sənətinə xüsusi qayğısını qeyd edən nazir bu qayğı sayəsində teatrlarımızın beynəlxalq səviyyədə də uğurla təmsil olunduğunu vurğuladı. Bildirdi ki, 1 mart 2019-cu il tarixində Azərbaycan Respublikasının Prezidenti İlham Əliyev və Birinci vitse-prezident Mehriban Əliyevanın yaradıcı ziyalılar ilə görüşündə teatr xadimlərinin təklif və təşəbbüsləri dövlət başçısı tərəfindən müsbət qarşılanıb.

Nazir çıxışını bu sözlərlə bitirdi: "Teatr canlı orqanizmdir, onun ağrıyan, axsayan məqamları olsa da, sağlamdır. Bu kiçik salondan böyük teatr ictimaiyyətinə müraciət edərək deyirəm ki, sizin – Azərbaycan teatr sənətinin fədailərinin bu sənətin yaşamasında rolu böyükdür. Haqqınızı halal edin, hadisəyə çevriləcək uğurlar qazanın”.

***

Açılış mərasimi bitəndən sonra ev sahibi kollektiv bu mövsümün ilk premyerasını təqdim etdi. “Kitabi-Dədə Qorqud” dastanı boyları əsasında yazıçı-dramaturq Altay Məmmədovun qələmə aldığı “Dəli Domrul” pyesi oynanıldı.

Tamaşaya teatrın baş rejissoru, Əməkdar artist Loğman Kərimov quruluş verib. Səhnə əsərinin rəssamı Valeh Məmmədov, musiqi tərtibatçısı Ağasəlim Feyzullayevdir. Əsas rollarda Əməkdar artist Azad Məmmədov, aktyorlar Məmməd Məmmədov, Püstəxanım Zeynalova, Zəhra Salayeva,  Mobil Qurbanov, Hamlet Qənbərov, Emin Sevdiməliyev çıxış edirdilər.

Mərasimdə Mədəniyyət naziri Əbülfəs Qarayev, Şuşa Rayon İcra Hakimiyyətinin başçısı Bayram Səfərov, digər rəsmilər, mədəniyyət və incəsənət xadimləri iştirak edirdi.

XƏBƏRLƏR

12.10.2019 12:07
Rusiya folklor kollektivlərinin konsert proqramı maraqla qarşılanıb
12.10.2019 12:05
Şuşa Teatrı 2 premyera ilə tamaşaçılarının görüşünə gəlir
11.10.2019 20:44
Əfsanəvi “Beryozka” ansamblı Bakıda konsert proqramı ilə çıxış edib
11.10.2019 17:09
“Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu”na həsr olunan tədbir keçirildi
11.10.2019 17:01
Qobustanda Avropa Qayaüstü İncəsənəti Günü qeyd olunub
11.10.2019 16:15
Kukla Teatrının nəzdində “Küllücə” adlı teatr-studiyası yaradılıb
11.10.2019 15:43
“Mənim yay tətilim-2019” rəsm müsabiqəsinin başa çatmasına beş gün qalıb
11.10.2019 14:28
“Xəmsə”nin özbək dilinə tərcümə olunmuş nəşrinin təqdimatı keçirilib
11.10.2019 14:03
Mədəniyyət naziri Rusiya nümayəndə heyəti ilə görüşüb
11.10.2019 12:39
Avropa Tarixi Termal Şəhərlər Assosiasiyasının növbəti Baş Assambleyası Belçika Krallığının Spa şəhərində keçirilir
11.10.2019 10:58
Respublika Uşaq kitabxanasında xarici yazarlarla görüş keçirilib
11.10.2019 09:45
Sumqayıtda Birinci Mədəniyyət Festivalı keçirilib
11.10.2019 09:41
Balakən III Xurma festivalına hazırlaşır
11.10.2019 09:38
Dahi dramaturq Cəfər Cabbarlının Xızıdakı ev-muzeyi əsaslı təmir olunur
11.10.2019 09:24
Milli İncəsənət Muzeyinin direktoru Fransanın fəxri ordeni ilə təltif olunub
11.10.2019 09:20
“YARAT” Müasir İncəsənət Məkanında 3-cü M.A.P. Beynəlxalq Teatr Festivalının açılışı olub
11.10.2019 09:17
“Azərbaycanlı ifaçılar Moskva Konservatoriyasının kamera zallarında” silsiləsindən yekun konsert olacaq
11.10.2019 09:13
Bakıda “İplər arasında harmoniya” adlı sərgi açılıb
10.10.2019 17:21
Bakıda "Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu" mövzusunda tədbir keçiriləcək
10.10.2019 17:16
Xalq şairi Süleyman Stalskinin 150 illiyinə həsr olunmuş təntənəli gecə keçiriləcəkdir
10.10.2019 14:42
Bakı Musiqi Məktəbinin məzunu F.Şubert adına Vyana Konservatoriyasına qəbul olunub
10.10.2019 14:32
“Kreativ Azərbaycan: yaradıcı məhsulların “Azexport.az” portalı vasitəsilə ixrac imkanları” mövzusunda təqdimat keçirildi
10.10.2019 12:24
Milli Kitabxanada “Aida İmanquliyeva – görkəmli şərqşünas alim” adlı kitab sərgisi açılıb
10.10.2019 12:10
Qobustan qoruğunun Portuqaliyada sərgisi təşkil olunub
10.10.2019 10:43
Nazir Əbülfəs Qarayevin “Yeni Müsavat” qəzetinə müsahibəsinin son hissəsi
10.10.2019 09:14
XI Beynəlxalq Uşaq Muğam Festivalının qalibləri mükafatlandırılıb
09.10.2019 18:06
Mədəniyyət kanalı ilə əməkdaşlıq çərçivəsində yeni layihə
09.10.2019 11:29
Mədəniyyət naziri Əbülfəs Qarayevin Yaradıcı və Mədəniyyət Sənayelərinin nümayəndələri ilə görüşü keçirilmişdir
09.10.2019 09:50
Nazir Əbülfəs Qarayevin “Yeni Müsavat” qəzetinə müsahibəsinin davamı
09.10.2019 09:18
Xalq yazıçısı Hüseyn İbrahimovun 100 illik yubileyi qeyd olunub