Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
798

Mədəniyyət naziri Argentina və Avstriyanın ölkəmizdəki səfirləri ilə görüşüb

Avqustun 7-də mədəniyyət naziri Əbülfəs Qarayev Argentina Respublikasının ölkəmizdəki səfiri Serxio Osvaldo Perez Qunella ilə görüşdü.
Nazir ölkəmizdə keçirilən beynəlxalq musiqi festivalları və mədəni tədbirlərlə bağlı məlumatı səfirin diqqətinə çatdırdı. Bildirdi ki, ölkələrimiz arasında qarşılıqlı əməkdaşlığı inkişaf etdirmək üçün bu festivallarda mütəmadi iştirak vacib məqamlardandır. Azərbaycanda keçirilən Qəbələ Beynəlxalq Musiqi Festivalı, Beynəlxalq Caz Festivalı və digər musiqi tədbirlərində Argentinanın iştirakı xalqlarımız arasında mədəni mübadiləni və bir-birinin mədəniyyəti ilə yaxından tanışlığı təmin edə bilər. Nazir həmçinin televiziya proqramları vasitəsilə Azərbaycan və Argentina mədəniyyətini əks etdirən birgə verilişlərin əhəmiyyətli ola biləcəyini vurğuladı.
Səfir Argentinada keçirilən tanqo festivalı və müxtəlif film festivalları haqqında danışdı. Qonaq ölkəmizi bu ilin oktyabr ayında Argentinada təşkil ediləcək tanqo festivalında iştiraka dəvət etdi.

Görüş iki ölkə arasında mədəni əlaqələrin daha da genişləndirilməsi istiqamətində
davam etdi.

***
Daha sonra Əbülfəs Qarayev Avstriya Respublikasının Azərbaycandakı səfiri Bernd Aleksandr Bayeri qəbul etdi.
Qonağı səmimi salamlayan nazir bildirdi ki, eyni coğrafi mövqe və əhali sayına məxsus olan Azərbaycanla Avstriya arasında oxşar cəhətlər çoxdur.
Səmimi qəbula görə nazirə minnətdarlığını bildirən səfir, ölkələrimiz arasında mədəniyyət sahəsində qarşılıqlı əlaqələrin mövcud olduğunu qeyd etdi və bu əlaqələrin daha da genişləndirməsi və inkişaf etdirilməsi istiqamətində aparılacaq işlərdən söhbət açdı. İki ölkənin musiqi, teatr və mədəniyyətin müxtəlif sahələrinin nümayəndələri qarşılıqlı səfərlər edərək təcrübə mübadiləsi apara bilərlər.
Azərbaycana sevgisini ifadə edən Bernd Aleksandr Bayer bildirdi ki, ölkəmizin tarixi onu hər zaman maraqlandırıb. Azərbaycanın qədim tarixindən məlumatlı olduğunu vurğulayan səfir ölkəmizin zəngin mədəniyyətə məxsusluğunu qeyd etdi.
Nazir söhbət zamanı iki ölkənin musiqi məktəbləri arasında əməkdaşlığın vacibliyini diqqətə çatdırdı. Bildirdi ki, məktəblər arasında şagird mübadiləsi hər iki ölkənin gənc nəsli üçün müsbət nəticələr və ölkələrimizin mədəniyyətinin təbliğinə böyük töhfələr vermiş olar: 
“Muzey, teatr, konsert müəssisələri, mədəni irs nümunələrimiz vasitəsilə biz iki ölkə arasında qarşılıqlı əlaqələri daha da gücləndirə və birgə layihələr həyata keçirə bilərik”.
Əbülfəs Qarayev həmçinin diqqətə çatdırdı ki, Avstriya ilə Azərbaycan arasında mədəniyyət sahəsində qarşılıqlı əməkdaşlıq çərçivəsində bu günə kimi bir sıra mühüm layihələr həyata keçirilib. Bu layihələr iki ölkənin dostluğuna və mədəniyyətlərin dialoquna xidmət edir.
Görüşdə iki ölkə arasında mədəniyyət sahəsi üzrə əməkdaşlığın mövcud vəziyyəti və perspektivlərinə dair fikir mübadiləsi aparıldı və birgə layihələrin həyata keçirilməsi imkanları müzakirə edildi.
Görüşlər zamanı hər iki səfir UNESKO-nun Ümumdünya İrs Komitəsinin iyunun 30-dan iyulun 10-dək Bakıda keçirilən 43-cü sessiyasının yüksək səviyyədə təşkilinə görə Azərbaycan Hökumətinə minnətdarlıqlarını bildirdilər. Diqqətə çatdırıldı ki, həm Avstriya, həm də Argentinanın komitənin sessiyalarında iştirak etmiş nümayəndə heyətləri tədbirin təşkilatçılıq məsələlərindən öz razılıqlarını ifadə ediblər.

XƏBƏRLƏR

15.10.2019 09:07
Musiqili Teatrın yaradıcı kollektivi daha bir beynəlxalq festivalda iştirak edir
14.10.2019 16:21
Elmi-Metodiki və İxtisasartırma Mərkəzi yeni beynəlxalq metodiki vəsait hazırlayıb
14.10.2019 11:50
Milli Dram Teatrı “Ölülər”i növbəti dəfə təqdim edib
14.10.2019 11:39
Xalq şairi Süleyman Stalskinin 150 illiyinə həsr olunmuş təntənəli gecə keçiriləcəkdir
14.10.2019 09:17
Qubada keçirilən “Alma bayramı”nda 20 minə yaxın insan iştirak edib
12.10.2019 12:07
Rusiya folklor kollektivlərinin konsert proqramı maraqla qarşılanıb
12.10.2019 12:05
Şuşa Teatrı 2 premyera ilə tamaşaçılarının görüşünə gəlir
11.10.2019 20:44
Əfsanəvi “Beryozka” ansamblı Bakıda konsert proqramı ilə çıxış edib
11.10.2019 17:09
“Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu”na həsr olunan tədbir keçirildi
11.10.2019 17:01
Qobustanda Avropa Qayaüstü İncəsənəti Günü qeyd olunub
11.10.2019 16:15
Kukla Teatrının nəzdində “Küllücə” adlı teatr-studiyası yaradılıb
11.10.2019 15:43
“Mənim yay tətilim-2019” rəsm müsabiqəsinin başa çatmasına beş gün qalıb
11.10.2019 14:28
“Xəmsə”nin özbək dilinə tərcümə olunmuş nəşrinin təqdimatı keçirilib
11.10.2019 14:03
Mədəniyyət naziri Rusiya nümayəndə heyəti ilə görüşüb
11.10.2019 12:39
Avropa Tarixi Termal Şəhərlər Assosiasiyasının növbəti Baş Assambleyası Belçika Krallığının Spa şəhərində keçirilir
11.10.2019 10:58
Respublika Uşaq kitabxanasında xarici yazarlarla görüş keçirilib
11.10.2019 09:45
Sumqayıtda Birinci Mədəniyyət Festivalı keçirilib
11.10.2019 09:41
Balakən III Xurma festivalına hazırlaşır
11.10.2019 09:38
Dahi dramaturq Cəfər Cabbarlının Xızıdakı ev-muzeyi əsaslı təmir olunur
11.10.2019 09:24
Milli İncəsənət Muzeyinin direktoru Fransanın fəxri ordeni ilə təltif olunub
11.10.2019 09:20
“YARAT” Müasir İncəsənət Məkanında 3-cü M.A.P. Beynəlxalq Teatr Festivalının açılışı olub
11.10.2019 09:17
“Azərbaycanlı ifaçılar Moskva Konservatoriyasının kamera zallarında” silsiləsindən yekun konsert olacaq
11.10.2019 09:13
Bakıda “İplər arasında harmoniya” adlı sərgi açılıb
10.10.2019 17:21
Bakıda "Xalqların mədəniyyətləri və adət-ənənələrinin qorunmasında mədəniyyətlərarası dialoqun rolu" mövzusunda tədbir keçiriləcək
10.10.2019 14:42
Bakı Musiqi Məktəbinin məzunu F.Şubert adına Vyana Konservatoriyasına qəbul olunub
10.10.2019 14:32
“Kreativ Azərbaycan: yaradıcı məhsulların “Azexport.az” portalı vasitəsilə ixrac imkanları” mövzusunda təqdimat keçirildi
10.10.2019 12:24
Milli Kitabxanada “Aida İmanquliyeva – görkəmli şərqşünas alim” adlı kitab sərgisi açılıb
10.10.2019 12:10
Qobustan qoruğunun Portuqaliyada sərgisi təşkil olunub
10.10.2019 10:43
Nazir Əbülfəs Qarayevin “Yeni Müsavat” qəzetinə müsahibəsinin son hissəsi