Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
629

Mərkəzi İncəsənət Məktəbində ulu öndərin 96 illiyi münasibətilə tədbir təşkil olunub

Mayın 10-da Qara Qarayev adına Mərkəzi İncəsənət Məktəbində ümummilli lider Heydər Əliyevin anadan olmasının 96-cı il dönümü ilə əlaqədar tədbir keçirildi.

Məktəbin nəzəriyyə şöbəsinin müəllimi, musiqişünas Leyla Həsənova tədbiri giriş sözü ilə açaraq Azərbaycan xalqının ümummilli lideri Heydər Əliyevin mədəniyyət və incəsənət sahəsinə ayırdığı diqqət, bu sahənin inkişafı üçün gördüyü işlərdən bəhs etdi, gənc musiqiçilərə verdiyi dəyərlər haqqında ətraflı məlumat verdi.

Sonra məktəbin istedadlı gənclərinin təqdimatında konsert proqramı təqdim olundu. Konsertdə xor kollektivinin ifasında “Heydər Əliyev haqqında mahnı” (bəstəkar İ.Əliyev), Lalə Bədəlzadənin ifasında “Vətən balladası” (F.Sücəddinov), Lalə Nəsirovanın ifasında “Azad bir quşdum” (Z.Bağırov) əsərləri səsləndirildi, “Səbinə” rəqs kollektivinin “Sarı gəlin” xalq rəqsi təqdim olundu. Məktəbin xanəndə ixtisası üzrə şagirdləri Mənzurə Abdurəhmanova və Rabil Şirəlizadənin çıxışları (R. Mirişli: “Doğma diyar” və B. Nəsirov: “Qarabağ” mahnıları) tədbir iştirakçılarının marağına səbəb oldu. Tədbir zamanı ümummilli lider haqqında foto-slayd və video yazıları nümayiş olundu.

Məktəbin direktoru Əziz Qarayusifli yekun sözü ilə çıxış edərək ulu öndər Heydər Əliyev haqqında fikirlərini səsləndirdi, məktəb şagirdlərini uğurlu ifalarına görə təbrik etdi və onlara uğurlar arzuladı.

XƏBƏRLƏR

23.08.2019 16:56
Cəbrayıl və Füzuli rayonlarının işğalının 26-cı ildönümü ilə əlaqədar anım tədbirləri keçirilmişdir
23.08.2019 15:22
Ağstafada “Yurd yerlərimiz yolumuzu gözləyir” adlı anım tədbiri təşkil edilib
22.08.2019 14:35
Daşkənddə azərbaycanlı alim Qulamhüseyn Əliyevin kitabının təqdimatı olub
22.08.2019 14:29
“Bir, iki – bizimki!” növbəti dəfə səhnədə...
21.08.2019 15:40
Bakıda “Salam” Beynəlxalq Yeniyetmə Kino Festivalı keçiriləcək
21.08.2019 10:52
“Şairə ithaf” adlı respublika rəsm müsabiqəsi davam edir
21.08.2019 09:00
Maestro Niyazinin xatirəsi anılıb
20.08.2019 15:43
“Cəhənnəm sakinləri” yenidən səhnədə...
20.08.2019 15:39
Nazir müavini Rafiq Bayramov Avrasiya Xalqları Assambleyasının nümayəndə heyəti ilə görüşüb
19.08.2019 16:53
Qazaxda Xalq şairi Mirvarid Dilbazinin xatirəsi anılıb
19.08.2019 16:23
Lənkəran Dövlət Dram Teatrı İranda “Adət-Ənənə” Milli Teatr Festivalında iştirak edib
19.08.2019 09:38
Bakı Uşaq Teatrının gənc artistləri Latviyada keçirilən müsabiqədə iştirak edirlər
17.08.2019 21:40
Dünya şöhrətli müğənni Müslüm Maqomayevin xatirəsi anılıb