Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
2177

Metodistlərin I Ümumrespublika seminar-müşavirəsi keçirildi

Dekabrın 25-də Mədəniyyət və Turizm Nazirliyi Mədəniyyətşünaslıq üzrə Elmi-Metodik Mərkəzinin təşkilatçılığı ilə Azərbaycan Turizm və Menecment Universitetində (ATMU) Metodistlərin I Ümumrespublika seminar-müşavirəsi keçirildi.

Tədbirdə çıxış edən mədəniyyət və turizm naziri Əbülfəs Qarayev ölkəmizdə fəaliyyət göstərən metodistlərin bir araya gələrək yeniləşən dünyada yeni üsullar axtarışında olmasını təqdirəlayiq hal kimi qiymətləndirdi. Nazir qarşıdan gələn 2018-ci ildə bu sahədə çalışan əməkdaşların yeni yanaşmalar və aktual mövzular ətrafında daha çevik mexanizm üzrə işləmələrinin vacibliyini vurğuladı: “Əsas məqsəd ondan ibarət olmalıdır ki, çağdaş dünyada Azərbaycan mədəniyyətini layiqincə təbliğ edək və mədəniyyət sahəsinin marketinq üzrə çevik inkişafına nail olaq”.

Mərkəzin fəaliyyət istiqamətləri barədə tövsiyələrini verən nazir bildirdi ki, son dövrdə Elmi-Metodik Mərkəz tərəfindən görülən işlər, təşəbbüs və ideyalar, səsləndirilən fikirlər cavabsız qalmamalıdır: “Elm və təcrübə özünü ümumi işdə büruzə verməlidir. Mədəniyyət evləri, klub, musiqi məktəbləri, muzey və kitabxanalar işini yeni yanaşmalar əsasında qurmalıdır. Bunun üçün insanlarda sosial məsuliyyət hisləri artırılmalıdır. Keçmişi qorumaqla yeniliyə doğru addımlamaq, özlüyündə ziddiyyət təşkil etsə də, bu sahədə çox böyük düşüncə və təfəkkürə malik cəmiyyətə nail olmalıyıq. Bütün yeni metodiki tövsiyələrin yerlərdə tətbiqi həm də orada çalışan insanlardan yeni baxışlar tələb etməlidir”.

Son illərdə Mədəniyyət və Turizm Nazirliyi tərəfindən həyata keçirilən islahatlardan söz açan Əbülfəs Qarayev mədəniyyət mərkəzlərinin fəaliyyətində yeniliklərin tətbiqinin vacibliyini qeyd etdi. Vurğuladı ki, gənc nəslin mədəniyyətə, kitaba marağını artırmaq üçün müasir üsullardan geniş istifadə edilməlidir. Regionlarda həyata keçirilən islahatları diqqətə çatdıran nazir bu kontekstdə Azərbaycan, İtaliya və Avropa İttifaqının (Aİ) birgə iştirakı ilə ölkəmizdə icra olunan Tvinninq layihəsinin əhəmiyyətini qeyd etdi. Bildirdi ki, layihənin məqsədi Azərbaycanın mədəniyyət sektorunda islahatlar prosesinə töhfə verməkdir: “Tvinninq layihəsinin məqsədi eyni zamanda diqqəti mədəni irslə bağlı ehtiyaclara yönəltmək və Avropa ölkələrinin müvafiq təcrübə nümunələrini uyğunlaşdırmaqla mədəniyyət sektorunda daha strateji idarəetmə modeli yaratmaqdır. İnanırıq ki, bu layihə Azərbaycanda mədəniyyət sektorunun idarə edilməsində yeni metodların tətbiqinə öz töhfəsini verəcək. Buna görə də klub və mədəniyyət mərkəzləri, kitabxanalar fəaliyyətin yenidən qurulması, sosial məsuliyyətin artırılması üçün ideoloji və tərbiyəvi iş aparmalıdırlar”.

Nazir vurğuladı ki, yeni ildə mədəniyyət sahəsi üzrə metodistlərin qarşısında vacib məsələlər dayanır. Elmi-Metodik Mərkəz və yeni yaradılacaq Metodiki şura mütləq yeniliklərlə dolu tövsiyələr hazırlamalıdır: “Bu tövsiyələr elə olmalıdır ki, yerlərdə çalışan əməkdaşlar bu yeniliyi qəbul etməyə nəinki hazır olsunlar, hətta onu arzulasınlar. Biz insanlara yeni və istədikləri xidmətləri göstərməyə hazır olmalıyıq. İstəyimiz ondan ibarətdir ki, Azərbaycanda mədəniyyətin idarə edilməsi tək dövlət tərəfindən deyil, geniş ictimai xarakter daşısın. Tvinninqin məqsədlərindən biri də yerlərdə yaradıcı mühitin formalaşdırılmasıdır. Yerlərdə mədəniyyətin idarə edilməsi ümumi regionun yaradıcı mühitinə öz müsbət təsirini göstərməlidir. İdarəetmədə və yaradıcılıqda müasir sistem yaradaraq gələcək nəsillərə ötürməliyik”.

Əbülfəs Qarayev UNESCO-nun müvafiq siyahılarından təmsil olunan mədəni sərvətlərimizin klub və mərkəzlər tərəfindən təbliğatının vacibliyini də diqqətə çatdırdı.

Elmi-Metodik Mərkəzin direktoru Asif Usubəliyev mərkəzin son dövrdə gördüyü işlər haqqında məlumat verdi. Sürətlə inkişaf edən cəmiyyətdə yeni və çevik yanaşmaların tələb olunduğunu diqqətə çatdıran direktor regionlarda çalışan əməkdaşların şəxsi inkişaf meylləri, təşəbbüskarlıq keyfiyyətlərinin artırılması istiqamətində aparılan işlərdən söz açdı. Bildirdi ki, mərkəzin əsas prinsipi ünvanlı işdir. Görülən hər bir iş, atılan addımlar yeniliyə doğru və mədəniyyətin idarə edilməsində keyfiyyətin aşılanmasına yönəlib. A.Usubəliyev Elmi-Metodik Mərkəz tərəfindən yeni yaradılan Metodiki şuranın fəaliyyət və strukturu haqqında məlumatı tədbir iştirakçılarının diqqətinə çatdırdı.

Müşavirədə Ümumrusiya Metodistlər Şurasının sədri Andrey Belyayev, MEMM-in əməkdaşları Afaq Ağayeva, Elnarə Hacıyeva, Ceyhun Əhmədov, Metodiki şuranın üzvləri - fəlsəfə doktorları, AMEA Fəlsəfə İnstitutunun əməkdaşı Rəna Mirzəzadə, Memarlıq və İncəsənət İnstitutunun əməkdaşı Fərqanə Hüseynova metodiki işin mövcud vəziyyəti və XXI əsrdə əhaliyə göstərilən yeni xidmət üsulları ilə bağlı fikirlərini bölüşdülər. Vurğulandı ki, Metodiki şuranın yaradılması metodiki işin təkmilləşdirilməsi, mədəniyyət müəssisələri arasında fəaliyyətin daha səmərəli koordinasiyası və gənc əməkdaşlar arasında həmkarlıq ruhunun dəstəklənməsi məqsədi daşıyır.

Daha sonra müşavirədə “Metodistlərin işində yeni trendlər: mədəniyyət mərkəzləri, mədəniyyət evləri və klublar” və “Metodistlərin işində trendlər (kitabxanalar üzrə)” problemləri üzrə məruzələr dinlənildi.

XƏBƏRLƏR

16.07.2018 15:59
Azərbaycan Respublikasının mədəniyyət naziri Qazax şəhərində vətəndaşları qəbul edəcək
16.07.2018 15:48
Füzuli Dövlət Dram Teatrı 29-cu mövsümə yekun vurub
16.07.2018 15:01
“Bölgələrdən bölgələrə” Yaradıcılıq Festivalının növbəti ünvanı Mingəçevir şəhəri olub
16.07.2018 14:49
Bakıda kitabxanaların əməkdaşlığı genişlənir
16.07.2018 09:10
“Bölgələrdən bölgələrə” yaradıcılıq festivalı xalqımızın mədəni irsinin təbliğinə xidmət edir
13.07.2018 17:55
Beynəlxalq Musiqi Təhsili Cəmiyyətinin 33-cü Ümumdünya Konfransı Bakı şəhərində keçiriləcəkdir
13.07.2018 17:45
Azərbaycan Dövlət Gənc Tamaşaçılar Teatrı 90-cı mövsümə “Leyli və Məcnun “ tamaşası ilə yekun vuracaq
13.07.2018 15:06
Mədəniyyətin inkişafı naminə elmi potensialın inteqrasiyası
13.07.2018 14:49
Mədəniyyət Nazirliyində Çin nümayəndə heyəti ilə görüş keçirildi
12.07.2018 18:55
Dövlət Xidmətinin rəisi Qəbələ Dövlət tarix-bədii qoruğunda olub
12.07.2018 17:56
Xüsusi qayğıya ehtiyacı olan sənətkarların seminar və sərgi təşkil olunub
12.07.2018 16:40
Azərbaycan Xalça Muzeyi dünyaca məşhur mütəxəssisləri Bakıya toplayacaq
12.07.2018 15:45
Mədəniyyət Nazirliyində regional mədəniyyət idarələrinin tabe rayonlar üzrə nümayəndələrinin fəaliyyətinə həsr olunmuş müşavirə keçirildi
12.07.2018 12:04
İyulun 12-də TÜRKSOY-un yaradılmasının 25 ili tamam olur
11.07.2018 18:53
Akademik Milli Dram Teatrı mövsümü “Qarabağnamə” tamaşası ilə yekunlaşdıracaq
11.07.2018 18:51
Kukla teatrı mövsümü başa vurur
11.07.2018 18:45
Sumqayıt Regional Mədəniyyət İdarəsinin müşavirəsi keçirilib
11.07.2018 17:57
Milli Kitabxanada Eleonora Borisovna Kantemirin “Dəmir qan. Dimitri Kantemir xanədanlığının 300 illiyi” adlı kitabının təqdimat mərasimi keçirilmişdir
11.07.2018 12:30
Akademik Milli Dram Teatrı mövsümü iyulun 14-də “Qarabağnamə” tamaşası ilə yekunlaşdıracaq
11.07.2018 12:20
Salyanda yeni “DAMA” art-studiyası yaradıldı
11.07.2018 12:16
Xüsusi qayğıya ehtiyacı olan insanlara ustad dərsləri və onların yaradıcı işlərindən ibarət sərgi keçiriləcək
10.07.2018 16:34
Mədəniyyət Nazirliyinin tabeliyindəki qoruqların fəaliyyətinə həsr olunan müşavirə keçirildi
10.07.2018 14:36
Şəmkir regional mərkəzdə səyyar seminar-treninqə start verildi
10.07.2018 14:23
Musiqili Teatrın dirijoru Beynəlxalq Festivalda iştirak edib
09.07.2018 18:22
Azərbaycan Dövlət Gənc Tamaşaçılar Teatrının 90 illiyi haqqında Azərbaycan Respublikası Prezidentinin Sərəncamı
09.07.2018 18:08
Bərdə Regional Mədəniyyət İdarəsində müşavirə keçirilib
09.07.2018 18:03
Kanadanın Kvebek Milli Kitabxanası və Arxivinin direktoru Azərbaycan Milli Kitabxanasında olmuşdur
09.07.2018 12:50
Beynəlxalq Musiqi Təhsili Cəmiyyətinin Bakıda 33-cü Ümumdünya Konfransı keçiriləcəkdir
09.07.2018 12:26
“Bölgələrdən bölgələrə” yaradıcılıq festivalının növbəti ünvanı Ağdam rayonu olub
09.07.2018 09:02
“Bölgələrdən bölgələrə” yaradıcılıq festivalı cəbhə bölgəsinin sakinləri tərəfindən maraqla qarşılanıb
06.07.2018 16:54
Sumqayıt Dövlət Dram Teatrının 50 illiyi haqqında Azərbaycan Respublikası Prezidentinin Sərəncamı
06.07.2018 16:44
Mədəniyyət Nazirliyində aparılmış struktur islahatları və regional mədəniyyət idarələrinin fəaliyyətinə həsr olunmuş müşavirə keçirildi
06.07.2018 15:42
“Mədəniyyət naminə elm” layihə çərçivəsində növbəti tədbir