Musiqi Mədəniyyəti Dövlət Muzeyində Xocalı soyqırımının 26-cı ildönümünə həsr olunmuş anım tədbiri keçirildi
3425
26.02.2018
26.02.2018 05:08
26 fevral 2018-ci il tarixində Azərbaycan Musiqi Mədəniyyəti Dövlət Muzeyində Xocalı soyqırımının 26-cı ildönümünə həsr olunmuş anım tədbiri keçirilmişdir.
Giriş sözü ilə muzeyin direktoru, sənətşünaslıq üzrə fəlsəfə doktoru, əməkdar mədəniyyət işçisi Alla Bayramova çıxış etmişdir. Xocalı soyqırımı qurbanlarının xatirəsi bir dəqiqəlik sükütla yad edilmişdir. Muzeyin şöbə müdiri Xanım Abdinova “Xocalı soyqırımı qan yaddaşımızdır”, elmi işçi Əzirə Abdullayeva “Xocalı faciəsi bəstəkarların yaradıclığında” mövzusunda çıxış etmişlər. Bəstəkar Azad Zahidin “Xocalı yol gözləyir” rekviyem kompozisiyası nümayiş olunmuşdur.
Tədbirdə muzeydə istehsalat təcrübəsi keçən Qərbi Kaspi Universitetinin tələbələri iştirak etmişlər.