“Söz” ədəbi layihəsi çərçivəsində “Zəhra” adlı müharibələrdə həlak olmuş uşaqların anım gecəsi gecə keçiriləcək
“Zəhra” – müharibə və münaqişələr zamanı xəsarət almış və həlak olmuş günahsız uşaqların xatirəsinə həsr olunmuş gecədir.
Tədbir Azərbaycan Respublikası Mədəniyyət və Turizm Nazirliyinin dəstəyi ilə “Söz” ədəbi layihəsi çərçivəsində Cabir Novruz Fondu, Beynəlxalq Muğam Mərkəzi, “Asan Radio” və Azərbaycan Gənclər Fondu tərəfindən təşkil olunur. Gecədə Azərbaycan estradasının tanınmış simaları – “Avroviziya” beynəlxalq müsabiqəsinin qalibi Nigar Camal, Azərbaycanın 2008 və 2015-ci illərdə “Avroviziya” müsabiqəsində təmsilçisi və finalisti Elnur Hüseynov, Azərbaycanın əməkdar artistləri Sevda Ələkbərzadə və Tünzalə Ağayeva, eyni zamanda şairlər – Xəyal Rzazadə, Şəhriyar Del Gerani, Mehman Rəsulov, Solmaz Süleymanlı, Leyli Salayeva və şairə, layihənin direktoru Nigar Həsənzadə çıxış edəcəklər.
Gecə “Asan Radio” vasitəsilə yayımlanacaqdır.
Tədbir 14 iyun saat 17.00-da Beynəlxalq Muğam Mərkəzində keçiriləcəkdir.
Giriş dəvətnamə ilədir.