Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1206

Xalça Muzeyində “Həyat gözəldir” adlı musiqili-ədəbi gecə təşkil ediləcək

Mayın 22-də saat 17.00-da Azərbaycan Xalça Muzeyində Mədəniyyət Nazirliyi, Azərbaycan Xalça Muzeyi və “Söz” ədəbi layihəsi Azərbaycan Gözdən Əlillər Cəmiyyəti İctimai Birliyi, Azərbaycan Əlil Təşkilatları İttifaqı və “GülSam” Əlillərin Reabilitasiya İctimai Birliyinin iştirakı ilə “Həyat gözəldir” adlı musiqili-ədəbi gecə təşkil ediləcək.

“Həyat gözəldir” musiqili-ədəbi gecəsi Mədəniyyət Nazirliyinin “Söz” ədəbi layihəsi tərəfindən təşkil olunan bu kimi növbəti, ənənəvi tədbirdir. “Söz” ədəbi layihəsinin məqsədi şeir və nəsrin daha geniş tanıdılması, həmçinin ədəbiyyat sahəsində gənc istedadlara dəstək olmaqdır.

Bununla yanaşı, bu tədbirin qəhrəmanları fiziki məhdudiyyətli və istedadlı insanlardır. Bu layihənin reallaşması üçün başqa bir muzey layihəsi təşkil olunmuşdu. Cari ilin fevral ayında Azərbaycan Xalça Muzeyində “Tarixə və ənənəyə toxunuş” adlı unikal sərgi keçirilmişdi.

Xatırladaq ki, bu sərgidə nümayiş olunan eksponatlarla əllə toxunma, audioyazı, eləcə də Brayl əlifbası ilə hazırlanmış yazılı materiallar vasitəsilə tanış olmaq mümkün idi. Sərgi ilə yanaşı, görməqabiliyyəti zəif olan insanlar üçün muzeydə bir ay ərzində ustad dərsləri təşkil olunmuşdur. Azərbaycan Xalça Muzeyinin Ənənəvi Texnologiya şöbəsinin əməkdaşları onlara xalça toxumağı və eskiz hazırlamağı öyrətmişdir.

Bundan başqa, tədbirdə həyata keçiriləcək yeni layihələr elan ediləcək, eləcə də iştirakçıların hazırladıqları rəngkarlıq, qrafik və dekorativ-tətbiqi işlər sərgidə təqdim olunacaq. Proqramın əsas hissəsini vokal və instrumental nömrələrdən ibarət konsert və layihə iştirakçılarının poetik əsərlərinin qiraəti təşkil edəcək.

Azərbaycan Yazıçılar İttifaqının üzvü, “Söz” ədəbi layihəsinin rəhbəri Nigar Həsənzadənin qeyd etdiyi kimi, “Həyat gözəldir” musiqili-ədəbi gecəsi potensial xeyriyyəçilərin diqqətini cəlb etmək məqsədi ilə əlilliyi olan insanlar da daxil olmaqla gənc müəlliflərin yaradıcı təşəbbüslərinin dəstəklənməsi üçün nəzərdə tutulub.

"Biz bu insanların-musiqiçi, müğənni rəssam, tətbiqi sənət ustası və yazıçıların hərtərəfli istedadlarını ictimaiyyətə göstərmək istəyirik. Onlar özlərini ifadə etməyə layiq olan işıqlı, parlaq şəxsiyyətlərdir. Ümid edirik ki, “Söz” layihəsi ilə bu istiqamətdə birgə fəaliyyətimiz onların taleyində həlledici rol oynayacaq" – deyə Azərbaycan Xalça Muzeyinin direktoru Şirin Məlikova bildirib.

XƏBƏRLƏR

02.04.2020 12:08
Akademik Milli Dram Teatrının onlayn tamaşaları davam edir
02.04.2020 12:06
Azərbaycan Xalça Muzeyi “Çini, şüşə, ağac, kağız” kolleksiyasından iki nadir eksponatı təqdim edir
02.04.2020 11:35
“Bizi birləşdirən mədəniyyət” layihəsinin musiqi axşamları
02.04.2020 11:34
Mədəniyyət Nazirliyi və “Mədəniyyət” kanalının birgə layihəsi üzrə musiqi dərsləri başlanıb
02.04.2020 11:14
Milli Kitabxana oxuculara onlayn rejimdə xidmət edir
01.04.2020 11:16
Respublika Gənclər Kitabxanası da onlayn xidmət göstərməyə başlayıb
31.03.2020 14:39
31 mart - tarixi yaddaşımızdan silinməyən soyqırımı
30.03.2020 20:22
Birləşmiş Millətlər Təşkilatı COVİD-19 pandemiyasının yayılması ilə bağlı Yaradıcı Sənayelərə Açıq Çağırış edib
30.03.2020 14:47
Lənkəran Dövlət Dram Teatrı Koronavirusla Mübarizəyə Dəstək Fonduna vəsait köçürüb
30.03.2020 12:54
Rəqəmsal mühitdə yeni mədəni xidmətlər
30.03.2020 10:15
Bu gün görkəmli aktrisanın 75 yaşı tamam olur
29.03.2020 10:09
Mədəniyyət Nazirliyi yeni layihəyə start verib
28.03.2020 10:06
Mədəniyyət Nazirliyi televiziya kanallarına müraciət edib
27.03.2020 18:21
Rauf Yusuf oğlu Babayev
26.03.2020 17:38
Əməkdar rəssam Rəşid Həsənov (Şerif) vəfat edib
26.03.2020 15:43
Mərkəzi İncəsənət məktəbində “Bizi birləşdirən mədəniyyət” layihəsinin çəkilişlərinə start verildi
26.03.2020 14:04
Milli İncəsənət Muzeyi onlayn iş rejiminə keçib
26.03.2020 14:01
“Yuğ” Teatrı Koronavirusla Mübarizəyə Dəstək Fonduna vəsait köçürüb