Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
420

Bakıda son illərin ən möhtəşəm kitab sərgisindən təəssüratlar...

Azərbaycan Respublikası Prezidentinin ölkəmizdə 2021-ci ilin “Nizami Gəncəvi İli” elan edilməsi haqqında müvafiq Sərəncamının icrası ilə əlaqədar dahi Azərbaycan şairi və mütəfəkkiri Nizami Gəncəvinin 880 illiyinə həsr edilmiş VII Bakı Beynəlxalq Kitab Sərgi-Yarmarkası oktyabrın 10-da yekunlaşıb.

Beş gün davam edən sərgidə 12 ölkədən 43 xarici təşkilat, 121 yerli nəşriyyat-poliqrafiya və kitab sənəti ilə əlaqəli müəssisə iştirak edib və müxtəlif formatda 200-dən çox tədbir təşkil olunub. Sərgidə uşaqlar üçün Nizami Gəncəvi əsərlərinin motivləri əsasında kukla tamaşaları, “uşaq aləmi”, nağıl saatları, uşaq yazarları ilə görüşlər, uşaqlar və böyüklər üçün master-klaslar, inklüzivlik və digər aktual mövzular üzrə kitab təqdimatları, kitab sənayesi sektorunun subyektləri arasında əməkdaşlıq platformaları və musiqi proqramları təşkil edilib. Yazıçılarla görüşlər, imza günləri və kitab təqdimatları keçirilib.

Bəs, naşirlər bu sərgini necə dəyərləndirdi?

 

Nurman Tarık (“Parlaq imzalar” nəşriyyatı)

- Bu sərgi pandemiyadan yeni çıxmış kitab sektoru üçün gözlənilməz, maraqlı, xoş anlarla yadda qaldı. İlk dəfə idi kitab sərgisi şəhərdən kənarda keçirildiyi üçün bu qədər kütləvi axının olacağını gözləmirdik. Şənbə-bazar günləri isə sərgi zalında addım atmaqda çətinlik çəkirdik. Sərgidə bir qocaman adam stendləri gəzə-gəzə “Çox şükür, çox şükür” deyərək millətin kitaba olan marağını bu cür qiymətləndirirdi. Bu bir bayram idi. Oxucu nəşriyyat görüşü həmişə lazımdır. Bu bir motivasiyadır. Oxucuların iradlarını, təkliflərini eşidirik. Bu çox yadda qalan tədbir oldu. Sərginin təşkilatçılarına minnətdaram. Kitab sahəsində irəliləyiş var. Bütün gələn oxuculara minnətdaram, kitabın ayağına gəldilər başımızı uca elədilər.

 

Rafiq İsmayılov (“Altın kitab” nəşriyyatı):

- İstənilən sərgi müvafiq sektorun istər iqtisadi olsun istər sosial-mədəni olsun həmin sahənin güzgüsüdür. Həmin sektor hansı səviyyədədirsə, sərgi də o səviyyədə keçir. Sözsüz ki, təşkilatçılığın da böyük əhəmiyyəti var. Bu il sərgi Azərbaycanın ən böyük sərgi zalinda – Bakı Ekspo Mərkəzdə keçirildi. Naşirlər üçün geniş imkanlar yaradılmışdır. Mərkəzin şəhərdən kənar olması ilə bağlı müəyyən nigarançlıq var idi, lakin nazirlik tərəfindən avtobuslar təşkil olunmuşdu və oxucuların böyük marağı var idi. Nazirlikdə yeni rəhbərlik kitab biznesinin kitab işinin nə ilə nəfəs aldığını artıq hiss edir, görür artıq. Onun inkişafı üçün artıq strateji yollar hazırlanır.

 

Şamil Sadiq (“Hədəf nəşrləri”)

- İlk dəfə idi ki, Bakıda beynəlxalq sərgi beş gün ard-arda keçirilirdi. Hər gün insan axını daha da artırdı. Kitab bir daha göstərdi ki, heç bir biznes sektorundan geri qalmır. Bakı sərgisi gördüyüm möhtəşəm kitab sərgilərindən – Frankfurt, İstanbul, Bolonya, London kitab sərgilərindən geri qalmırdı.

Sərgi ərəfəsində hörmətli mədəniyyət nazirinn naşirlərlə görüşü oldu, fikirlərimizi və problemlərimizi bölüşə bildik. Açığı, cənab nazirin də bu və digər təkliflərə səmimi münasibət göstərməsi, dəstəkləməsi uzun illərdi, sahibsiz qalan kitabı sevindirməyə bilməzdi. Səgrinin son günlərinin adətən sönük keçəcəyini gözləyən naşirlər bu dəfə də yanıldı, şənbə-bazar tarixləri olduğu üçün sərgiyə böyük axın oldu.

Sərgidə xarici naşirlərlə yerli naşirlər üçün B2B görüşlərinin təşkil edilməsi də peşəkarlıqdan xəbər verirdi. Biz də “Hədəf nəşrləri” olaraq sərgidə iştirak edən türkiyəli naşirlərin hər birinə “xoşgəldin” paxlavası, Azərbaycan-Türkiyə bayraqları ilə rənglənmiş xarıbülbül ikonu hədiyyə etdik, söhbətlər apardıq. Ümid edirik ki, növbəti sərgiyə daha mütəşəkkil hazırlıq görüləcək, xarici yazarlar, hətta Nobel mükafatçısı yazarlar oxucularla görüşə dəvət ediləcək, daha geniş imkanlara sahib olan stendlər qurulacaq, mətkəblilərin, tələbələrin gəlişi daha yaxşı təmin ediləcək, onlara kitab almaları üçün güzəştli kart sistemi veriləcək... Bütün bunlara gördüklərimizdən sonra daha çox inanır, bütün təşkilatçılara təşəkkürümü bildirirəm.

 

Şöhrət İxtiyaroğlu (“Qədim qala” nəşriyyatı)

- Arzusunda olduğumuz belə bir möhtəşəm tədbiri reallaşdırdığı üçün Mədəniyyət Nazirliyinə minnətdarlığımı bildirirəm. Çox gözəldir ki, belə bir gözəl kitab bayramı ilə əhatələnmişik. Pandemiya dönəmində naşir oxucu görüşümüz, müəllif oxucu görüşü ilk idi. Çox sevindik ki, belə bir tədbir baş tutdu. Təəssüratlar çox yaxşı, çox gözəldir. Naşirlər Birliyi olaraq yaxşı addımlar atacağıq.

 

Video: https://www.youtube.com/watch?v=TJQo8pud6qY

XƏBƏRLƏR

25.10.2021 13:30
“Gənc teatr prodüserləri üçün laboratoriya” fəaliyyətə başladı
25.10.2021 13:28
“Sonuncu” filmi mükafata layiq görülüb
25.10.2021 10:55
Azərbaycanla bağlı nəşr olunan kitabların Almaniyada təqdimatı keçirilib
23.10.2021 14:34
“Rebuild Karabakh” sərgisi çərçivəsində “Mədəniyyət naminə sülh” qlobal kampaniyası ilə bağlı sessiya keçirildi
22.10.2021 16:12
Mədəni İrsin Qorunması, İnkişafı və Bərpası üzrə Dövlət Xidmətinin yenilənmiş saytı təqdim olundu
22.10.2021 14:00
“Kamil Əliyev: rəssam və dövr”
22.10.2021 13:02
Nizami Gəncəvinin yaradıcılığı Almaniyada təbliğ olunur
22.10.2021 11:40
Rusiya Milli Kitabxanasında “Nizaminin sözünü hiss et” adlı sərginin açılışı keçirilib
22.10.2021 11:26
Azərbaycan Respublikasının sədrliyi ilə Qara Dəniz İqtisadi Əməkdaşlıq Təşkilatının Mədəniyyət üzrə İşçi qrupunun iclası keçirilib
22.10.2021 10:37
“Big Idea Challenge” müsabiqəsinin qalibləri ilə görüş keçirildi
21.10.2021 16:02
Azərbaycan filmi Polşada beynəlxalq festivalda yarışacaq
21.10.2021 12:23
İkinci Azərbaycan Beynəlxalq Vokalçılar Festivalının təntənəli bağlanış mərasimi keçirilib
21.10.2021 10:36
Daşkənddə “Nizami Gəncəvi: Şərqin böyük şairi” adlı tədbir təşkil edilib
21.10.2021 10:24
Sankt-Peterburqda dahi Azərbaycan şairi Nizami Gəncəvinin 880 illik yubileyi qeyd olunub
20.10.2021 17:24
Mədəniyyət Nazirliyi “Qarabağın bərpa, yenidənqurma və inkişafı” beynəlxalq sərgisində təmsil olunur
20.10.2021 16:43
“Euronews” telekanalı “İşıq festivalı. Nizami Gəncəvi” ilə bağlı süjet yayımlayıb
18.10.2021 16:35
Əməkdar jurnalist Tamilla Haşımova vəfat edib
18.10.2021 13:36
"Biz" filmi VI Türk Dünyası Sənədli Film Festivalında mükafata layiq görülüb
18.10.2021 11:11
Azərbaycan Dövlət Akademik Milli Dram Teatrının səhnəsində “Ölülər” tamaşası nümayiş olunub
18.10.2021 10:29
Akademik Milli Dram Teatrı uzun fasilədən sonra pərdələrini açdı
18.10.2021 10:06
Azərbaycan Respublikasının mədəniyyət xadimlərinin təltif edilməsi haqqında Azərbaycan Respublikası Prezidentinin Sərəncamı
18.10.2021 10:02
Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı
15.10.2021 18:45
"Azərbaycanın Cənub bölgəsinin mətbəx mədəniyyəti" respublika elmi-praktiki konfransı keçirilib
15.10.2021 13:11
Azərbaycan Respublikasının mədəniyyət naziri Anar Kərimov “Anadolu” Agentliyinə müsahibə verib
15.10.2021 12:38
Bakıda Nizami Gəncəvinin 880 illiyinə həsr olunan işıq festifalı keçirilir
14.10.2021 18:17
Nazir Anar Kərimov Çexiyanın Azərbaycandakı səfiri ilə görüşdü
14.10.2021 16:30
Nazir Anar Kərimov GUAM təşkilatının baş katibi ilə görüşüb
13.10.2021 16:58
“Zəfər: körpələrin gülüşü”
13.10.2021 12:36
“Nəşr məhsullarının satınalınması” müsabiqəsinin nəticələri müəyyən olundu