Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
490

Azərbaycan musiqiçiləri Moskva Dövlət Konservatoriyasının kamera zallarında

Azərbaycan Respublikası Mədəniyyət Nazirliyi və P.İ.Çaykovski adına Moskva Dövlət Konservatoriyasının rəhbərliyinin birgə təşəbbüsü və təşkilatçılığı ilə 2018-ci ildə Konservatoriyanın kamera zallarında Azərbaycan musiqiçilərinin iştirakı ilə silsilə konsertlər keçirilmişdir.

Tədbirlər çərçivəsində 2018-ci ilin 16 noyabr tarixində Moskva Dövlət Konservatoriyasının Ağ zalında tanınmış pianoçu, Azərbaycan Respublikasının Xalq artisti, Ü.Hacıbəyli adına Bakı Musiqi Akademiyasının professoru Ülviyyə Hacıbəyovanın, dekabrın 17-də  Raxmaninov zalında Əməkdar artist, Azərbaycan Dövlət Akademik Opera və Balet Teatrının solisti Fəridə Məmmədova və konsertmeyster Yuliya Kərimovanın iştirakları ilə konsertlər keçirilmişdir. Eyni zamanda dekabrın 18-də Raxmaninov zalında dahi Azərbaycan bəstəkarı, SSRİ xalq artisti Qara Qarayevin 100 və Azərbaycan Respublikasının Xalq artisti, Moskva Dövlət Konservatoriyasının professoru Fərəc Qarayevin 75 illiyinə həsr olunmuş yubiley gecəsi təşkil edilmişdir. Konsertlərdə Azərbaycan bəstəkarları ilə yanaşı xarici ölkələrin də bəstəkarlarının əsərləri səslənmiş və rusiyalı tamaşaçıların böyük marağına səbəb olmuşdur.

Tədbirlərin davamı olaraq 2019-cu ildə də bir sıra kamera konsertlərinin təşkili planlaşdırılmışdır. Bununla əlaqədar növbəti tədbir tanınmış pianoçu, Azərbaycan Respublikasının Əməkdar artisti, professor, Türkiyədə yaşayan həmyerlimiz Gülşən Ənnağıyevanın iştirakı ilə fevralın 16-da Moskva Dövlət Konservatoriyasının Raxmaninov zalında keçiriləcəkdir. “İbarələr” (“Фразы”) adlanan fortepiano musiqisi axşamında Gülşən Ənnağıyevanın ifasında Edison Denisov, Olivye Messian, Viktor Yekimovski, Nazim Mirişli, Yuri Vorontsov, Klod Debüssi və Fərəc Qarayevin əsərləri səslənəcəkdir.

 

XƏBƏRLƏR

17.08.2019 21:40
Dünya şöhrətli müğənni Müslüm Maqomayevin xatirəsi anılıb
14.08.2019 15:46
Milli Kitabxanada “Eşqin səsi” kitabının təqdimatı keçirilib
14.08.2019 12:49
Daşkənddə “Azərbaycanca – özbəkcə, özbəkcə – azərbaycanca” lüğəti işıq üzü görüb
14.08.2019 09:39
“Mənim yay tətilim-2019” rəsm müsabiqəsi davam edir
12.08.2019 14:39
Abşeronun “Xəzər ulduzları” mahnı və rəqs ansamblı Türkiyənin Qaradəniz bögəsində keçirilən festivallarda ölkəmizi uğurla təmsil edib
12.08.2019 14:31
Nazir Əbülfəs Qarayev Qurban bayramı münasibətilə mədəniyyət ictimaiyyətini təbrik edib
10.08.2019 10:12
“Mədəniyyət.AZ” jurnalının yeni nömrəsi çapdan çıxıb
09.08.2019 17:40
Mədəniyyət naziri Böyük Britaniyanın ölkəmizdəki səfiri ilə görüşdü
09.08.2019 11:30
ABŞ-da yaşayan soydaşımızla muzeydə musiqili görüş
08.08.2019 16:12
Vətəndaşlar mədəni xidmətlərin daha da yaxşılaşdırılması üçün təşəbbüskarlıq göstərirlər
08.08.2019 12:45
Mədəniyyət naziri və müavinlərinin regionlarda növbəti qəbulları keçirilib
07.08.2019 16:33
Mədəniyyət naziri Argentina və Avstriyanın ölkəmizdəki səfirləri ilə görüşüb
06.08.2019 17:51
İmadəddin Nəsimi - insanpərvərlik və azadlıq nəğməkarı