Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1111

Azərbaycan Respublikasının Xalq artisti, Dövlət mükafatı laureatı Amalya Əliş qızı Pənahova

 Azərbaycan mədəniyyətinə ağır itki üz vermişdir.

Görkəmli teatr və kino aktrisası, Bakı Bələdiyyə Teatrının bədii rəhbəri və direktoru, Respublikanın Xalq Artisti, Dövlət mükafatı laureatı, Prezident təqaüdçüsü, “Şöhrət” və “Şərəf” ordenli Amalya Əliş qızı Pənahova 2018-ci il noyabr ayının 8-də ömrünün 74-cü ilində  vəfat etmişdir.  

Amalya Əliş qızı Pənahova 1945-ci il iyun ayının 15-də Gəncə şəhərində dünyaya göz açmışdır.

O, 1962-ci ildə Azərbaycan Dövlət İncəsənət İnstitutunun “Dram və kino aktyoru” fakültəsinə daxil olmuş və aktyorluq sənətinin incəliklərinə yiyələnmişdir. Hələ tələbə vaxtlarından Azərbaycan Dövlət Akademik Milli Dram Teatrına dəvət alan aktrisa bu sənət ocağında 28 il çalışmışdır.

Milli Dram Teatrın səhnəsində ilk dəfə İ.Əfəndiyevin “Sən həmişə mənimləsən” tamaşasındakı Nargilə surəti ilə çıxış edən A.Pənahova burada çalışdığı illər ərzində bir çox maraqlı yaddaqalan obrazlar yaratmışdır.

İstedadlı aktrisa doğma səhnədə – Natəvan, Şahnaz, Nərmin, Nargilə, Aynur (İ.Əfəndiyev “Xurşidbanu Natəvan”, “Mahnı dağlarda qaldı”, “Sən həmişə mənimləsən”, “Unuda bilmirəm”, “Bizim qəribə taleyimiz”, “Büllur sarayda”), Medeya (J.Anuy “Medeya”), Ofeliya (U.Şekspir “Hamlet”), Tomris (O.Altunbay “Tomris”), Nigar (S.Şendil “Qanlı Nigar”), Təhminə (Anar “Təhminə və Zaur”), Zərifə (S.Rəhman “Nişanlı qız”) öz təbiiliyi, həyatiliyi, emosional təsiri, dərin psixoloji yozumu ilə seçilmişdir.

Aktrisa Azərbaycanfilmin çəkdiyi “Əhməd haradadır?”, “Qərib cinlər diyarında”, “Arxadan vurulan zərbə”, “Babək”, “Qəribə adam”, “Gözlə məni”, “Ömrün yolları”, “Cazibə qüvvəsi”, “Şamdan” kimi bədii filmlərdə müxtəlif səpkili rollar oynamışdır.

1992-ci ildə Bakı Bələdiyyə Teatrını yaratmış A.Pənahova ömrünün sonuna kimi bu teatra rəhbərlik etmişdir. Burada o, 12 tamaşaya quruluş vermişdir.

1994-cü ildən pedaqoji fəaliyyətə başlamış və Azərbaycan Dövlət Mədəniyyət və İncəsənət Universitetinin Aktyor sənəti fakültəsinin müəllimi olmuşdur.

A.Pənahova 2000-2005-ci illərdə Milli Məclisin deputatı olmuşdur.

Aktrisa sənətdə əldə etdiyi nailiyyətlərə görə ən yüksək fəxri adlara, orden və mükafatlara layiq görülmüşdür. Unudulmaz aktrisa Amalya Pənahova Azərbaycan teatr və kino sənətinin əvəzolunmaz sənətkarlardan biri idi. Yüksək istedadı, təkrarolunmaz ifa tərzi ilə əsil xalq məhəbbətini qazanmışdı. 

Amansız ölüm istedadlı  aktrisanı  aramızdan apardı.

Zaman keçəcək, lakin öz təbiiliyi, həyatiliyi, emosional təsiri və dərin psixoloji yozumu ilə seçilən obrazlar gözəl sənət nümunələri kimi yaddaşlarda yaşayacaqdır.

  Amalya Pənahovanın əziz xatirəsi onu tanıyanların və sevənlərin qəlbində  qalacaqdır.

Xalq artisti ilə vida mərasimi 9 noyabr tarixində saat 11:00-dan Akademik Milli Dram Teatrında keçiriləcəkdir.

Allah rəhmət eləsin!

XƏBƏRLƏR

23.04.2019 09:49
“Balaca şahzadə” növbəti dəfə azyaşlı tamaşaçılar üçün göstəriləcək
23.04.2019 08:20
X Beynəlxalq Mstislav Rostropoviç Festivalının açılış mərasimi keçirildi
22.04.2019 17:08
Elmi-Metodiki və İxtisasartırma Mərkəzinin nümayəndəsi Qazaxıstanda keçirilən elmi konfransda iştirak edib
22.04.2019 14:31
Azərbaycan Dövlət Mahnı və Rəqs Ansamblı Oş şəhərində keçirilən beynəlxalq müsabiqədə birinci yerə layiq görülüb
22.04.2019 12:09
Görkəmli kinorejissor Tofiq İsmayılovun 80 illik yubileyi qeyd edildi
22.04.2019 11:59
“Mən bu yurdun övladıyam” adlı rəsm müsabiqəsi davam edir
22.04.2019 11:56
Özbəkistanda gənc azərbaycanlı şair Fərid Hüseynin “Səmərqənd divanı” kitabının təqdimatı keçirilib
22.04.2019 10:02
Aşıq sənətinin UNESCO-nun Qeyri-Maddi Mədəni İrs Siyahısına daxil olmasının 10 illiyi ilə bağlı tədbir keçirilib
22.04.2019 09:45
Qobustan qoruğunda “açıq qapı” günü təşkil olunub
22.04.2019 09:42
Buktreyler Festivalının mükafatlandırma mərasimi keçiriləcək
22.04.2019 09:37
Dövlət Mahnı Teatrında “Kitabın İşığın Olsun” adlı tədbir keçirildi
22.04.2019 09:33
Göyçayda Xalq artisti Hacıbaba Hüseynovun 100 illik yubileyi qeyd olunub
22.04.2019 09:23
Lerikdə Xalq artisti Qabil Quliyevin 70 illik yubileyi qeyd olunub
21.04.2019 14:58
Mədəniyyət nazirinin müavini Rafiq Bayramov “Oş – Türk dünyasının mədəniyyət paytaxtı” layihəsinin rəsmi açılış mərasimində iştirak edib
20.04.2019 12:30
Kinorejissor, Xalq artisti Tofiq İsmayılovun 80 illiyi qeyd olunacaq
20.04.2019 11:26
Tbilisidə Azərbaycan və Gürcüstan dostluğuna həsr olunmuş rəsm sərgisi açılıb
20.04.2019 10:05
Nizami Kino Mərkəzində “Əlvida, Şmidt!” bədii filminin təqdimatı keçirilib
19.04.2019 16:55
Polşanın Krakov şəhərində akademik Yusuf Məmmədəliyevin barelyefinin təntənəli açılışı mərasimi keçiriləcəkdir
19.04.2019 16:03
III Respublika Xalq Teatrları Festivalının növbəti mərhələsi İsmayıllıda keçirilmişdir
19.04.2019 15:20
Milli Kitabxanada “İsmayıl Şıxlı. Biblioqrafiya” kitabının təqdimatı olub
19.04.2019 11:36
IV Buktreyler Festivalının Münsiflər Heyəti öz işinə yekun vurdu
19.04.2019 10:11
Beynəlxalq Abidələr və Tarixi Yerlər Günü qeyd olunub
19.04.2019 09:17
“Bölgələrdən Bölgələrə” Yaradıcılıq Festivalı cəbhə bölgəsinin sakinləri tərəfindən maraqla qarşılanıb
18.04.2019 17:47
“Bir xatirə kitabına bənzər ömrüm” kitabının təqdimatı keçirildi
18.04.2019 16:39
Respublika Gənclər Kitabxanasında “Tarixi abidələrimizi qoruyaq” adı altında dəyirmi masa keçirilib
18.04.2019 16:31
Mədəniyyət nazirinin birinci müavini Vaqif Əliyev Budapeştdə Nəsiminin 650 illik yubileyi münasibəti ilə keçiriləcək tədbirlərdə iştirak edəcək
18.04.2019 16:28
Bəstəkarlar İttifaqında dahi şair və mütəfəkkir Nəsiminin yaradıcılığına həsr olunan məruzələr dinlənilib
18.04.2019 16:23
Gəncə Dövlət Universitetində “Mədəniyyət sahəsində könüllülük fəaliyyəti” mövzusunda seminar keçirilib
18.04.2019 16:16
Niyazinin Mənzil Muzeyində Zülfüqar Hacıbəyovun anadan olmasının 135 illiyi qeyd olunub