Azərbaycan Turizm və Menecment Universitetinin (ATMU) dillər kafedrasında alman dili və fransız dilləri həftələri keçirilib
Tədbirin əsas məqsədi alman və fransız dillərinin tədrisi zamanı qarşıya çıxan problemlərin aradan qaldırılması yollarının müzakirəsi olub.
“Alman dili həftəsi”ndə alman dili fənn komissiyasının sədri Solmaz Əlizadə “Turizm Universitetində alman dilinin tədrisi vəziyyəti: problemlər və təkliflər” adlı məruzə ilə çıxış edib və tələbələrin alman dilinə böyük maraq göstərdiklərini diqqətə çatdırıb.
Yekun sözü ilə çıxış edən ali təhsil müəssisəsinin prorektoru İranə Əliyeva dərsdənkənar məşğələlərin səhnəcik- dialoq şəkilində hazırlanıb, videolentə alınmasını məqsədəuyğun sayıb. Fənn-məşğələlərin bu formatda təşkilinin tələbələrdə böyük maraq formalaşdıracağına əminliyini bildirib.
Dillər kafedrasının təşkilatçılığı başa çatan daha bir xarici- “Fransız dili həftəsi”ndə fransız dilindəki turizm terminlərindən istifadə imkanları müzakirə olunub.
Fransız dili fənn komissiyasının sədri Xəyyam Abbasovun “Tədris prosesində fransız dilindəki turizm terminlərindən istifadə yolları” adlı məruzəsindən sonra “Fransız dilinin öyrədilməsində didaktik oyunların rolu“ mövzusunda müzakirələr aparılıb.
“Fransız dili həftəsi”nə tələbələrin müxtəlif səpgili çıxışları ilə yekun vurulub.