Bərdədə əhalinin asudə vaxtının səmərəli keçirməsi və istirahəti üçün konsert proqramları təşkil olunurBərdədə əhalinin asudə vaxtının səmərəli keçirməsi və istirahəti üçün konsert proqramları təşkil olunur
Bərdə Regional Mədəniyyət İdarəsi əhalinin yay istirahətini və asudə vaxtını səmərəli keçirməsi üçün müxtəlif tədbirlər, konsert proqramları təşkil edir. Regional idarənin tabeliyində olan mədəniyyət müəssisələri istirahət və əyləncə parklarında, hərbi hissələrdə, kəndlərdə və köçkün şəhərciklərində mütəmadi olaraq tədbirlər keçirir, əhaliyə musiqi çələngi ilə dolu gözəl anlar yaşadırlar.
Növbəti konsert proqramı rayonun Qaradəmirçi kəndində baş tutub. Bərdə rayon Mədəniyyət Mərkəzinin Qaradəmirçi kənd klub filialı tərəfindən təşkil edilən konsert sakinlərin marağına səbəb olub. Regional İdarənin rəis müavini Validə Nabatova çıxış edərək, əhalinin asudə vaxtının səmərəli təşkili üçün hazırlanan tədbirlər planından, bu barədə görülmüş işlərdən söz açıb, iştirakçılara xoş istirahətlər arzulayıb.
Şən musiqi nömrələri ilə davam edən konsertdə təqdim olunan muğam və təsniflər, bəstəkar və xalq mahnıları kənd sakinlərində xoş ovqat yaradıb.