Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
272

Professor Fırat Purtaş: UNESKO-nun Şəki barədə qərarı Azərbaycana şərəf gətirən tarixi bir uğurdur

“Xan Sarayı ilə birgə Şəkinin tarixi mərkəzi” adlı nominasiyanın UNESKO-nun Ümumdünya İrs Siyahısına daxil edilməsi Azərbaycana şərəf gətirən tarixi bir uğurdur.

Bu fikri Beynəlxalq Türk Mədəniyyəti Təşkilatının (TÜRKSOY) baş katibinin sabiq müavini, professor Fırat Purtaş ifadə edib.

Bu uğurun təkcə Azərbaycanda deyil, bütün türk dünyasında sevinclə qarşılandığını diqqətə çatdıran professor Fırat Purtaş deyib: “Azərbaycan TÜRKSOY-un təsisçi üzvü kimi hər zaman təşkilatın işinin irəli getməsinə böyük töhfələr verib. TÜRKSOY 2016-cı ildə Şəki şəhərini türk dünyasının paytaxtı seçərək əhəmiyyətli bir tarixə imza atdı. Ən əsası odur ki, Azərbaycan bu fürsətdən əhəmiyyətli dərəcədə istifadə edərək təkcə Şəkinin deyil, bütün ölkənin tarixini və mədəniyyət abidələrinin təbliği şansından məharətlə bəhrələndi. UNESKO-nun Şəki barədə qərarı ortaya iki mühüm həqiqəti çıxarmışdı. Birincisi, TÜRKSOY seçimlərini düzgün edir və proseslərə həssas yanaşır. İkincisi, Azərbaycan tərəfi öz tarixinə və mədəniyyətinə sahib çıxmağı məharətlə bacarır və bu istiqamətdə fundamental bir ənənə formalaşdırıb”.

Şəki barədə tarixi qərarın Azərbaycanın turizm imkanlarını genişləndirəcəyinə, beynəlxalq mədəni ictimaiyyətin bundan sonra ölkəmizə daha sıx bağlı olacağına əminliyini ifadə edən professor F.Purtaş bu tarixi nailiyyətlə bağlı Azərbaycan xalqına səmimi təbriklərini çatdırıb.

XƏBƏRLƏR

21.08.2019 15:40
Bakıda “Salam” Beynəlxalq Yeniyetmə Kino Festivalı keçiriləcək
21.08.2019 10:52
“Şairə ithaf” adlı respublika rəsm müsabiqəsi davam edir
21.08.2019 09:00
Maestro Niyazinin xatirəsi anılıb
20.08.2019 15:43
“Cəhənnəm sakinləri” yenidən səhnədə...
20.08.2019 15:39
Nazir müavini Rafiq Bayramov Avrasiya Xalqları Assambleyasının nümayəndə heyəti ilə görüşüb
19.08.2019 16:53
Qazaxda Xalq şairi Mirvarid Dilbazinin xatirəsi anılıb
19.08.2019 16:23
Lənkəran Dövlət Dram Teatrı İranda “Adət-Ənənə” Milli Teatr Festivalında iştirak edib
19.08.2019 09:38
Bakı Uşaq Teatrının gənc artistləri Latviyada keçirilən müsabiqədə iştirak edirlər
17.08.2019 21:40
Dünya şöhrətli müğənni Müslüm Maqomayevin xatirəsi anılıb
14.08.2019 15:46
Milli Kitabxanada “Eşqin səsi” kitabının təqdimatı keçirilib
14.08.2019 12:49
Daşkənddə “Azərbaycanca – özbəkcə, özbəkcə – azərbaycanca” lüğəti işıq üzü görüb