10 Mart 2018-ci il tarixində Qazax Dövlət Dram Teatrında “Milli teatr” günü münasibətilə tədbir keçirilmiş, tədbirdə teatrın direktoru Saqif İskəndərov Azərbaycan Peşəkar Teatrının 145 illik tarixindən və Qazax Dövlət Dram Teatrının isə 80 il ərzində keçdiyi yaradıcılıq yolundan bəhs etmişdir. Tədbirdə Rayon İcra Hakimiyətinin Humanitar Məsələlər üzrə müavini Gülayə Həsənova çıxış edərək teatrın kollektivini 10 Mart Milli Teatr günü münasibətilə təbrik etmiş və yaradıcılıq uğurları arzu etmişdir. Teatrın bir qrup yaradıcı heyət üzvləri Rayon İcra Hakimiyyətinə dəvət edilmiş və Qazax Rayon İcra Hakimiyyətinin Başçısı Rəcəb Babaşovun sərəncamı ilə teatrın direktoru, aparıcı aktyor Saqif İskəndərov, baş rəssam Səyyat Məmmədov və aktyor Aydın Orucov fəxri fərmanla təltif edilmişlər.