Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
247

“Türkologiya” jurnalı və Özbəkistandakı Heydər Əliyev adına Azərbaycan Mədəniyyət Mərkəzi arasında memorandum imzalanıb

Azərbaycan Milli Elmlər Akademiyasının (AMEA) Rəyasət Heyətinin “Türkologiya” jurnalı və Özbəkistanda fəaliyyət göstərən Heydər Əliyev adına Azərbaycan Mədəniyyət Mərkəzi (AMM) arasında memorandum imzalanıb.

Sənədi AMM-nin direktoru Samir Abbasov və elektron formada “Türkologiya” jurnalının baş redaktoru, akademik Kamal Abdulla imzalayıb.

Bununla bağlı Samir Abbasov AMEA Nəsimi adına Dilçilik İnstitutunun türk dilləri şöbəsinin müdiri, filologiya üzrə fəlsəfə doktoru Elçin İbrahimovla görüşüb.

Görüşdə deyilib ki, AMEA Rəyasət Heyətinin 17 fevral 2016-cı il tarixli qərarı ilə görkəmli alim, akademik Kamal Abdullanın “Türkologiya” jurnalına baş redaktor təyin olunmasından sonra jurnal ənənəni davam etdirməklə yanaşı, rubrika və məzmun baxımından zənginləşib, beynəlxalq elmi mərkəzlərlə əlaqələri genişləndirib və nəhayət, EBSCO başda olmaqla bir sıra nüfuzlu beynəlxalq indeksləşdirmə biblioqrafiyalarına (MLA, SAJI, SIS, TEI, SOBİAD, CIF) daxil edilib.

Memorandumda Azərbaycanın mövcud qanunvericiliyini, habelə bu sahədə müvafiq sazişləri, müqavilələri rəhbər tutaraq gələcəkdə elm, dil, tarix, folklor və ədəbiyyat sahələri üzrə ikitərəfli əməkdaşlığı ən yüksək səviyyəyə çatdırmağın zəruriliyi vurğulanıb.

Sənəddə hər ilin əvvəlində birgə həyata keçiriləcək tədbirlərə dair məsləhətləşmələr aparmaq və əməkdaşlığa dair illik iş planı tərtib etmək, elm, dil, tarix, folklor və ədəbiyyat sahələri üzrə yeniliklərə dair nəşrlərin mübadiləsini həyata keçirmək, il ərzində Azərbaycan və Özbəkistanın ortaq dəyərlərinə, elm, dil, tarix, folklor və ədəbiyyat sahələrinə dair birgə tədbirlər keçirmək, hər iki ölkənin elmi jurnalları arasında əlaqələri dərinləşdirmək və bu nəşrlərdə hər iki tərəfə aid məqalələrin yayımlanmasına dəstək olmaq, "Türkologiya" jurnalının Özbəkistanda daha da geniş yayılmasına, nəşrin öz nömrələrində Özbəkistan tərəfinə xüsusi yer ayırmasına dəstək olmaq və digər məsələlər öz əksini tapıb. 

XƏBƏRLƏR

30.03.2020 14:47
Lənkəran Dövlət Dram Teatrı Koronavirusla Mübarizəyə Dəstək Fonduna vəsait köçürüb
30.03.2020 12:54
Rəqəmsal mühitdə yeni mədəni xidmətlər
30.03.2020 10:15
Bu gün görkəmli aktrisanın 75 yaşı tamam olur
29.03.2020 10:09
Mədəniyyət Nazirliyi yeni layihəyə start verib
28.03.2020 10:06
Mədəniyyət Nazirliyi televiziya kanallarına müraciət edib
27.03.2020 18:21
Rauf Yusuf oğlu Babayev
26.03.2020 17:38
Əməkdar rəssam Rəşid Həsənov (Şerif) vəfat edib
26.03.2020 15:43
Mərkəzi İncəsənət məktəbində “Bizi birləşdirən mədəniyyət” layihəsinin çəkilişlərinə start verildi
26.03.2020 14:04
Milli İncəsənət Muzeyi onlayn iş rejiminə keçib
26.03.2020 14:01
“Yuğ” Teatrı Koronavirusla Mübarizəyə Dəstək Fonduna vəsait köçürüb
25.03.2020 13:55
Teatr Xadimləri İttifaqı Koronavirusla Mübarizəyə Dəstək Fonduna vəsait köçürüb
25.03.2020 13:42
“Bizi birləşdirən mədəniyyət” layihəsinə start verilir
23.03.2020 14:27
Əbülfəs Qarayev Mədəniyyət Nazirliyinin rəsmi facebook səhifəsi vasitəsilə ictimaiyyətə müraciət ünvanlayıb
23.03.2020 10:39
Muzeyləri onlayn ziyarət etmək imkanı yaradıldı
19.03.2020 17:38
Mədəniyyət naziri Novruz bayramı münasibətilə ölkəmizin mədəniyyət ictimaiyyətini təbrik edib
19.03.2020 14:12
“Vətənimizə virtual səyahət” layihəsi çərçivəsində Gəncə şəhəri haqqında videoçarx hazırlanıb
19.03.2020 13:51
Prezident İlham Əliyevin Novruz bayramı münasibətilə Azərbaycan xalqına təbriki