Tvinninq layihəsi çərçivəsində nazirliyin əməkdaşları üçün İtaliyanın Florensiya şəhərində təşkil olunmuş təlim-təcrübə proqramı davam edir
Avropa İttifaqı tərəfindən maliyyələşdirilən və Mədəniyyət və Turizm Nazirliyinin İtaliyanın Mədəni İrs, Fəaliyyətlər və Turizm Nazirliyi ilə birgə icra etdiyi “Mədəniyyət sektorunun idarə olunması sisteminin modernləşdirilməsində Azərbaycan Respublikasının Mədəniyyət və Turizm Nazirliyinə dəstək” adlı Tvinninq layihəsi
çərçivəsində Nazirliyin iki əməkdaşı üçün cari ilin 5-23 iyun tarixində İtaliyanın Florensiya şəhərində fəaliyyət göstərən və Vecchio Sarayının idarəetməsinə cavabdeh olan Mus.E Assosiasiyasında təlim-təcrübə proqramı davam edir.Proqramda nazirliyin Mədəniyyət müəssisələri və xalq yaradıcılığı şöbəsinin Muzey işi və mədəniyyət sərvətlərinə nəzarət sektorunun baş məsləhətçisi, Tvinninq İşçi Qrupunun üzvü Nərgiz Abdullayeva və Hüquq sektorunun aparıcı məsləhətçisi, Tvinninq İşçi Qrupunun üzvü Qiyafət Xeyirxəbərli iştirak edirlər.
Proqram çərçivəsində Toskana regionunun baş ofisində hüquqşünas Roberto Ferrari ilə görüş keçirilmiş və regionda qəbul olunmuş qaydalar və sənədlər barədə müzakirələr aparılmışdır, MUS.E.Assosiyasının müxtəlif ofisləri ilə tanışlıq təşkil olunmuş və onların işləri yaxından araşdırılmışdır. Bundan əlavə Florensiyada yerləşən Museo Nove Cento, Museo Bardini, Forte Belvedere və digər muzeylərə ziyarət təşkil olunmuşdur. Bundan əlavə, Florensiyada keçirilən və dünyada məşhur olan “YİTALİA” sərgisi ilə tanışlıq baş tutmuşdur.
Proqramı çərçivəsində həmçinin Palazzo Vecchio sarayının info mərkəzi, bilet ofisi və suvenir-kitab mağazasının işinin qurulmasına dair təlim təşkil olunmuşdur.
Təcrübə proqramı cari ilin 23 iyun tarixinədək davam edəcəkdir.