Mahnı, musiqi qədər, incəsənət, mədəniyyət qədər insanları bir-birinə heç nə bağlamır. İncəsənətin, mədəniyyətin, xüsusən də, mahnının, musiqinin oynadığı rolu heç bir vasitə oynaya bilməz.

HEYDƏR ƏLİYEV
1250

Xalq Cümhuriyyətinin 100 illiyi ilə bağlı yubiley komissiyasının iclası keçirildi

İyulun 14-də Milli Kitabxanada mədəniyyət və turizm naziri Əbülfəs Qarayevin sədrliyi ilə Azərbaycan Xalq Cümhuriyyətinin 100 illik yubileyinin keçirilməsinə dair Tədbirlər Planının layihəsi müzakirə olunub.

Prezident İlham Əliyevin 2017-ci il 16 may tarixli “Azərbaycan Xalq Cümhuriyyətinin 100 illik yubileyi haqqında” Sərəncamına əsasən hazırlanan Tədbirlər Planının layihəsinin müzakirəsində Nazirlər Kabinetinin, nazirliklərin, komitələrin və digər qurumlarının səlahiyyətli nümayəndələri iştirak ediblər.

İclasda çıxış edən nazir Əbülfəs Qarayev Prezident İlham Əliyevin 16 may 2017-ci il tarixli sərəncamına uyğun olaraq Azərbaycan Xalq Cümhuriyyətinin 100 illik yubileyinin dövlət səviyyəsində qeyd edilməsi ilə bağlı tədbirlər planı haqqında məlumat verdi. Bildirdi ki, bu tapşırıqların yerinə yetirilməsi ilə bağlı ümumi koordinasiya Mədəniyyət və Turizm Nazirliyinə tapşırılıb.

Qeyd olundu ki, Xalq Cümhuriyyətinin yubileyi ölkəmiz üçün çox əhəmiyyətli hadisədir. Bu hadisə təkcə dövlət quruculuğunu əks etdirmir, həm də Şərqdə ilk demokratik dövlətin məhz Azərbaycanda qurulduğunu nümayiş etdirir. Dövlət başçısının sərəncamında da milli dövlətçilik salnaməsini müstəsna dərəcədə zənginləşdirən Azərbaycan Xalq Cümhuriyyətinin 100 illiyinin layiqincə keçirilməsi vurğulanır. Azərbaycan Respublikasının Milli Məclisinə Xalq Cümhuriyyəti Parlamentinin yaranmasının 100 illik yubileyi münasibətilə xüsusi iclasın keçirilməsi də tövsiyə edilir.

Nazir diqqətə çatdırdı ki, yubiley tədbirinin keçirilməsi ilə bağlı qarşımızda böyük məqsədlər dayanır. Yubiley tədbirləri ilə bağlı komissiyaya 200-dək təklif təqdim olunub və bunlardan yüz layihə qəbul edilib. Təqdim edilən layihələrlə bağlı bütün sənədlər bu ayın sonuna kimi hazırlanıb müvafiq dövlət strukturlarına təqdim edilməlidir. Bu tədbirlərin vaxt bölgüsü nazirliklər arasında dəqiqləşdirilməlidir ki, bu da tədbirlərin daha keyfiyyətli keçirilməsinə şərait yaradacaq. Həm beynəlxalq, həm də ölkədaxili tədbirlərdə dövlət quruculuğu ənənələrinin inkişafına xidmət edən məqamlar ön plana çəkilməlidir. Azərbaycanın bugünkü inkişaf mənzərəsi və tarixi köklərə söykənən dövlətçilik ənənələri əsas götürülməlidir. Bu tədbirlərə cavabdeh dövlət strukturları Azərbaycanın dövlətçilik imicini layiqincə təqdim etməlidirlər. Ölkəmizin əməkdaşlıq etdiyi nüfuzlu beynəlxalq qurumlarda, o cümlədən BMT, UNESCO, İSESCO və digər təşkilatlarda təqdimatlar və layihələr gerçəkləşməli, Azərbaycanın dövlətçilik tarixi təbliğ edilməlidir. Cümhuriyyətin yubileyi ilə bağlı bütün tarixi məqamlar geniş şəkildə həm yerli, həm də xarici ictimaiyyətin nəzərinə çatdırılmalıdır.

Sonra Tədbirlər Planının layihəsi ətrafında müzakirələr aparılıb, suallar cavablandırılıb.

Nazirlər Kabinetinin humanitar məsələlər şöbəsinin müdiri İsmayıl Sadıqov, maliyyə nazirinin birinci müavini İlqar Fətizadə, xarici işlər nazirinin müavini Xələf Xələfov, ədliyyə nazirinin müavini Məhərrəm Əliyev, təhsil nazirinin müavini Mətin Eynullayev, nəqliyyat, rabitə və yüksək texnologiyalar nazirinin müavini Elmir Vəlizadə, gənclər və idman nazirinin müavini İntiqam Babayev, Azərbaycan Milli Elmlər Akademiyasının vitse-prezidenti Dilqəm Tağıyev və Azərtacın baş direktorunun müavini Dağbəyi İsmayılov Tədbirlər Planının layihəsi ilə bağlı təkliflərini bildiriblər. Qeyd olunub ki, Azərbaycan Xalq Cümhuriyyətinin 100 illik yubileyi ilə bağlı nəinki ölkə daxilində, eləcə də bütün dünyada və aparıcı beynəlxalq qurumlar çərçivəsində müxtəlif mövzularda tədbirlər keçiriləcək, kitablar nəşr olunacaq, sənədli filmlər çəkiləcək. Bu əlamətdar tarix ilə bağlı müxtəlif dillərdə ümumi bir saytın yaradılması və bütün foto və videomaterialların, xəbərlərin burada yerləşdirilməsi də təklif olunub.

 

 

 

XƏBƏRLƏR

22.11.2017 17:55
Sumqayıt Regional Mədəniyyət və Turizm idarəsinin tabe müəssisələrində“Uşaq hüquqları aylığı” ilə əlaqədar silsilə tədbirlər keçirilib
22.11.2017 17:53
Turizm və Menecment Universitetində “Azərbaycanda davamlı turizm məhsulları” mövzusunda Respublika məqalə müsabiqəsinin yekunlarına həsr olunan konfrans keçirilib
22.11.2017 17:43
Musiqili Teatrda İlham Namiq Kamalın iştirakı ilə “Qafqazlı qardaşqızı”
22.11.2017 17:39
Fəxri xiyabanda Fikrət Əmirovun xatirəsi anıldı
22.11.2017 17:39
Azərbaycan Misirin Qahirə şəhərində keçirilən konfransda təmsil olunur
22.11.2017 17:09
Həkim-yazıçı Asif Kəngərlinin kitablarının təqdimatı keçirilib
22.11.2017 14:16
Mədəniyyət və turizm naziri Yevlax şəhərində vətəndaşları qəbul edəcək
22.11.2017 13:05
Nazir Əbülfəs Qarayev İSESKO-ya üzv ölkələrin Mədəniyyət Nazirlərinin 10-cu konfransında iştirak etdi
21.11.2017 17:53
Mingəçevir Turizm Kollecinin beynəlxalq əlaqələri genişlənməkdədir
21.11.2017 17:52
“F.Əmirovun əsərlərini ifa və təhlil edirik” adlı II elmi-ifaçılıq konfransı
21.11.2017 11:07
YUNESKO-da almanların Azərbaycana gəlişinin 200 illiyinə həsr edilən sərgi keçirilib
21.11.2017 10:21
Sankt-Peterburqda Beynəlxalq Mədəniyyət Forumu başa çatıb
21.11.2017 09:36
Rauf Abdullayevin 80 illik yubileyinə həsr edilən yaradıcılıq gecəsi keçirilib
20.11.2017 17:30
Azərbaycan Turizm və Menecment Universitetində 2016/2017-ci tədris ili üzrə təcrübənin nəticələri müzakirə edilib
20.11.2017 17:21
Bu həftə Musiqili Teatrda – AFİŞA
20.11.2017 15:23
Emin Sabitoğlunun 80 illiyinə həsr olunmuş yubiley gecəsi keçiriləcək
20.11.2017 15:20
Azərbaycan İstiqlal Muzeyinin ekspozisiyasında “Qara dastan - 37” adlı tədbir-sərgi keçiriləcək
20.11.2017 15:19
ATMU-da narkomaniyaya qarşı maarifləndirimə tədbiri keçirilib
20.11.2017 12:47
Zaqatalada ilk dəfə Fındıq festivalı keçirilib
20.11.2017 12:10
Özbəkistanın Əlişir Nəvai adına Daşkənd Dövlət Universitetində Azərbaycan dili və ədəbiyyatı kafedrası, Nizami Gəncəvi adına Dostluq Mərkəzi yaradılacaqdır
20.11.2017 12:08
Sumqayıt Dövlət Dram Teatrında görkəmli yazıçı-dramaturq Frans Kafkanın “Hökm” əsərinin səhnə versiyasına daxili baxış keçirilib
20.11.2017 10:39
IV Bakı Beynəlxalq Turizm Filmləri Festivalı başa çatıb
20.11.2017 10:23
Yazıçı-publisist Əli İldırımoğlunun 90 illiyi qeyd olundu
20.11.2017 09:48
“Bakı Prosesi”nin 10-cu ildönümünün qeyd edilməsi haqqında Azərbaycan Respublikası Prezidentinin Sərəncamı
17.11.2017 16:57
Sumqayıt Regional Mədəniyyət və Turizm idarəsinin tabe müəssisələrində silsilə tədbirlər keçirilib
17.11.2017 16:16
Şabranda “Xalq teatrları və dram dərnəkləri: problemlər və perspektivlər” müzakirə olunmuşdur
17.11.2017 11:14
Milli Dirçəliş günü ilə əlaqədar keçirilən müsabiqənin qalibləri mükafatlandırılıb
17.11.2017 09:39
“Xəzinənin yeni inciləri” Azərbaycan Xalça Muzeyində
17.11.2017 09:20
Bakıda 3-cü “Türk filmləri həftəsi” açılıb
16.11.2017 17:37
İstanbulda “Sən də Azərbaycanı gör” fotosərgisi davam edir
16.11.2017 17:29
IV Bakı Beynəlxalq Turizm Filmləri Festivalının qonaqları üçün “Çay bayramı” təşkil olunub